හැට අට වෙනි වියේදී දිවිගමනින් සමුගත් ජ්යේෂ්ඨ රංගවේදී විමල් කුමාර ද කොස්තා කලාකරුවා ගැන ලියන්නට බොහෝ කරුණු තිබේ. ගාල්ලේ රිච්මන්ඩ් විදුහලේ ගත කළ මගේ පාසල් වියේදී පික්චර් පිස්සෙකු වූ මා ගාල්ලේ සරසවි, ක්වීන්ස් හා ප්රින්ස් සිනමාහල්වල පළමු දින නැරඹූ සෑම මංගල දර්ශනයකම සිටි, මුහුණට වඩා විශාල පොකුටු කොණ්ඩය සහිත අපූරු බස්වහරක් හා අංග චලනයක් තිබූ ප්රතිභාපූර්ණ නළුවා කෙසේ අමතක කරන්නද? ටයිටස් තොටවත්ත අධ්යක්ෂණය කළ "මරුවා සමග වාසේ" (1977) චිත්රපටයේ එම්.එස් ප්රනාන්දු සමග එච්.ආර් ජෝතිපාල ගැයූ "තැටිය මැද්දෙ කළු කරාපු - පහන් තිරය මැදට ආපු - හනුමන්ටත් පුදුම හිතෙනවා" ගීතයේ එම්.එස් ගේ හඬ චිත්රපටයේ ජීවමාන කළේ විමල් කුමාර ද කොස්තාය. මහාචාර්ය සුනිල් ආරියරත්නගේ "අනුපමා" (1978) චිත්රපටයේ එම්.එස් ප්රනාන්දු සමග එච්.ආර් ජෝතිපාල ගැයූ "රාජ කිරුළු පලන්දාපු රජ්ජුරුවෝ" ගීතයේ එම්.එස්ගේ කටහඬ තිරය මතදී මැව්වේද ඔහුය. මේ චිත්රපට දෙකේම කොස්තා සමග ජෝතිගේ හඬ වෙනුවෙන් රංගන වින්යාසය මැවූයේ ඔහුගේ හිතමිතුරු හඳ බැඳි නළු විජය කුමාරතුංගය.
කොස්තාගේ හා විජයගේ ළබැඳි මිතුරා වන අමරසිරි කලංසූරිය තිදෙනා ආචාර්ය ධර්මසේන පතිරාජගේ "බඹරු ඇවිත්" (1978) චිත්රපටයේ ඇඳුම් උනා දමා නිර්වස්ත්රව වෙරළේ නිදහසේ ඇවිදගෙන යන දර්ශනය අපේ හිත්වලින් කෙසේ මකන්නද?
මොස්කව් ජාත්යන්තර සිනමා උළෙලේ රංගනය වෙනුවෙන් මාලනී සෙනෙහෙලතා ෆොන්සේකා සම්මාන ලද පතිරාජයන්ගේම "එයා දැන් ලොකු ළමයෙක්" (1977) චිත්රපටය එදා ප්රචාරණයේදී ගාම්භීර කටහඬක් හිමි ප්රබල නිවේදක බණ්ඩාර කේ. විජේතුංග හඬගැන්වූ "එක් වැසිබර අඳුරු රැයක් තෙක් -ඇය පියකරු වතු සුදු මලක්" වාග් මාලාවෙන් ඇතිකළ බියකරු බව චිත්රපටයේදී මතු කළ රංගවේදියාද ඔහුය. එම බියකරු බව ගාමිණී හේවාවිතාරණගේ "රක්තා" (1980) චිත්රපටයේදීද ඔහු මැවූයේද මාලිනීටම එරෙහිවය. සිංහල සිනමාවේදී මෙන්ම වේදිකාවේදීද තමන්ටම හිමි වෙනස්ම රංගන රීතියක් හඳුන්වාදුන් මේ ප්රබල අභිරූපන රංගන ශිල්පියා සතිශ්චන්ද්ර එදිරිසිංහගේ "සතර දිගන්තය" (1981) චිත්රපටයේදී "චාලි චැප්ලීන්" විය. වීදී රංගනවේදියෙකුගේ චරිතයක් මැවූ ඔහු එහි "කව් බෝයි" කෙනෙකු විය.
සතිශ්ගේම "ශ්රී මදාරා" (1977) හා "අධිෂ්ඨානය" (1982) චිත්රපටවලද හාත්පසින්ම ප්රතිවිරුද්ධ චරිත දෙකක්ද ඔහු ප්රතිනිර්මාණය කළේය. පී. වික්රමනායකගේ චිත්රකතාව අනුසාරයෙන් ඩැනී. ඩබ්ලිව් පතිරණ අධ්යක්ෂණය කළ "චන්දීරා" (1983) චිත්රපටයේ රෙක්ස් කොඩිප්පිලිගේ හා ශ්රියානි අමරසේකරගේ ප්රේම විජිතය දෙදරවාලන "ගිඩීරියන් " වූයේද ඔහුය.
යුගයක විවාදාත්මක චිත්රපටයක් වූ ගාමිණී ෆොන්සේකාගේ "සාගරයක් මැද" (1981) චිත්රපටයේ රැඩිකල් දේශපාලන ලකුණ මූර්තිමත් කළේද කොස්තාය.
සිනමා චරිතාංග රංගන විජිතයේ අනභිභවනීය සටහන් තැබූ විමල් කුමාර ද කොස්තාගේ හැකියාව ආචාර්ය ධර්මසේන පතිරාජගේ "අහස් ගව්ව" (1974), "පාරදිගේ" (1980), එච්.ඩී ප්රේමරත්නගේ "සිකුරුලියා" (1975), ගාමිණී හේවාවිතාරණගේ "හරියනකොට ඔහොම තමයි" (1977), ටී. අර්ජුනගේ "වසන්තේ දවසක්" (1979), මහාචාර්ය සුනිල් ආරියරත්නගේ "සරුංගලේ" (1979), විජය ධර්මශ්රීගේ "චූඩා මාණික්යය" (1979), නීල් රූපසිංහගේ 'අමල් බිසෝ" (1979), හර්බට් රංජිත් පිරීස්ගේ "එක්ටැම්ගේ" (1980), ගාමිණී ෆොන්සේකාගේ %මයුරිගේ කතාව^ (1980), %"බාඳුරා මල් (1981), සක්විති සුවය (1982) මෙන්ම හේමසිරි සෙල්ලප්පෙරුමගේ "සත්වෙනි දවස" (1981) චිත්රපටවලදීද දැකගත හැකිය.
සොඳුරු ගීත සහිත ආකර්ෂණීය සිනමාවක් බිහිකළ සිනමාවේදී සේන සමරසිංහගේ චිත්රපටවල චරිතයක් අනිවාර්ය වූ විමල් කුමාරද කොස්තා "නිල්ල සොයා" (1976), "ආශා දෑසින්" (1978), "මල් කැකුළු" (1980) සහ 'චංචල රේඛා" (1981) චිත්රපටවලදී ප්රබල නළු ගාමිණී ෆොන්සේකා සමග රංගනයේ යෙදුණේය. ඇතැම් චිත්රපටයක කොස්තාගේ ළබැඳි මිතුරගේ චරිතය මැවූයේ නළු බන්දු සමරසිංහයි. මෙවැනි චරිත තුළින් සිනමාවේ ප්රහසය මැවූ චරිත ගණනක සිනහවේ ලකුණක් ලෙසද ප්රේක්ෂක මතකයේ රැඳුණු මේ අසහාය කලාකරුවා, හෙළ සිනමාවේ අවස්ථා ගණනාවක සුපිරි විකටයෙකුද විය. දශක දෙකක ප්රභාමත් රංගන අතීතයක් සතු ඔහු සේන සමරසිංහගේම %ඈතින් ඈතට^ (1983) චිත්රපටයේදී කරුණාරත්න හඟවත්ත සහ රසාදරී ෆොන්සේකාගේ ප්රේමයට හරිස් වන %විමලේ^ විය.
එමෙන්ම වසන්ත ඔබේසේකර අධ්යක්ෂණය කළ %දියමන්ති^ (1976) චිත්රපටයේ විජයකුමාරතුංග හා සෝමසිරි දෙහිපිටිය සමග උද්වේගකර චරිත ගැටුමකට මැදිවූ මේ ප්රභලයාගේ දිවියේ අවසන් දශක දෙක අතිශයින්ම අභියෝගාත්මක උද්වේගකර අවධියක් වූ බවද මෙහි අවසානයේ සටහන් කිරීමට සිදුව ඇත. විමල් කුමාර ද කොස්තාගේ රංගන පෞරුෂය හෙළ සිනමාවේ සදා අනුස්මරණීය වනු ඇත. ඔහුගේ වියෝවෙන් කම්පාවන්නන් අතර, ඔහුගේ ප්රිය බිරිඳ රේණුකාද, පුතුන් දෙදෙනාද, දියණියද වෙයි.
පද්මකුමා පී.මෙත්තසේන
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
දස අත විහිදුණ රංගන ප්රතිභාව විමල් කුමාර ද කොස්තා