(කේ බුද්ධික කුමාරසිරි)

කැළණි වැලි දුම්රිය මාර්ගයේ අවිස්සාවේල්ල හිගුරල සහ මිරිස්වත්ත උප දුම්රිය ස්ථාන අතරතුර දුම්රිය මාර්ගය හරහා නිදා සිටි තරුණ මවක් සහ තුන් හැවිරිදි දියණියගේ දිවි බේරා ගැනීමට  දුම්රිය රියදුරුගේ දැඩි අවධානය නිසාවෙන් අද (10)  උදෑසන හැකි ව ඇත.

එම මවගේ සහ දියණිය ගේ දිවි බේරුණ ද දුම්රිය ගැටීමෙන් දෙදෙනාටම සුලු තුවාල සිදුව ඇති අතර 1990 සුව සැරිය ගිලන් රථයක් මගින් එම දෙදෙනා අවිස්සාවේල්ල මූලික රෝහලට ඇතුලත් කිරීමෙන් පසු මූලික ප්‍රතිකාර සිදු කිරීමෙන් පසු මේ වනවිට නේවාසිකව ප්‍රතිකාර ලබන බව අවිස්සාවේල්ල මූලික රෝහලේ ප්‍රකාශකයෙකු පැවසීය.

අදාල අංක 830 දරණ දුම්රිය අවිස්සාවේල්ල සිට කොළඹ කොටුව දක්වා ධාවනය වෙමින් තිබියදී හිගුරල උප දුම්රිය ස්ථානය අසල දුම්රිය නැවැත්විය යුතු නිසාවෙන් එම දුම්රිය වේග පාලනයක් යටතේ ධාවනය කර වූ බැවින් මෙම ජීවිත දෙක බේරා ගැනීමට හැකි වී ඇතැයි සිද්ධිය දුටු ප්‍රදේශවාසීන් පැවසීය.