නර්තනයෙන් දක්ෂතාව දක්වන මෙම රුවැත්තිය නිරූපණ ක්‍ෂේත්‍රයට නවකයෙකි. තම දක්ෂතා හා හැකියාවන් ඔපවත් කරමින් ක්‍ෂේත්‍ර කිහිපයකින් ඉදිරියට යෑමට කැමැත්තක් දක්වන ඇය නමින් පියුමි දිස්මන්ති ජයවර්ධනයි. ඇගේ ඉදිරි කලා කටයුතු පැවසීමට ‘සාරවිට’ සමගින් සංවාදයේ යෙදුණේ මෙලෙසිනි.

ඔයාගේ නම කිව්වොත්?

මම පියුමි දිස්මන්ති ජයවර්ධන

රැකියාවක් කරනවාද? නැත්නම් තාම ඉගෙන ගන්නවාද?

මම තාම ඉගෙන ගන්නවා. ඒ වගේම නර්තන කටයුතුත් නිරූපණ කටයුතුත් සමබරව කරගෙන යනවා.

නර්තනයට සහ නිරූපණයට එකතු වුණේ කොයිකාලේද?

දැනට අවුරුද්දට කලින් තමයි මං නර්තනයටයි, නිරූපණයටයි සම්බන්ධ වුණේ.

නර්තන කණ්ඩායමක් සමගින් කටයුතු කළාද?

ඔව්, නර්තන කණ්ඩායමක් සමගම සම්බන්ධවෙලා හිටියා. හැබැයි කණ්ඩායමේ නම නම් අහන්න එපා.

දැන් ඒකෙන් ඉවත් වෙලාද ඉන්නේ?

ඔව් ඒකෙන් ඉවත් වෙලා ඉන්නේ. වෙනත් නර්තන කණ්ඩායමකට සම්බන්ධ වෙන්න බලාපොරොත්තුවෙන් ඉන්නවා.

නිරූපණ කටයුතු ගැන කිව්වොත්?

ඇත්තටම මං නිරූපණ කටයුතු කරන්න බලාපොරොත්තුවක් තිබ්බෙ නැහැ. ඒ නදීශා අක්කි තමයි මාව මේ පැත්තෙන් සම්බන්ධ කරගත්තේ එයාගේ බ්‍රයිඩ්ල් ෂෝවලට. එතැනින් තමයි නිරූපණයට ආවේ. ඒ නිසා එයාට ස්තූති කරන්නත් ඕනේ.

ඉදිරි බලාපොරොත්තු ගැන කිව්වොත්?

ඉදිරියට ගොඩක් බලාපොරොත්තු නම් තියෙනවා. නර්තනයට වගේම රංගනයටත් සම්බන්ධ වෙන්න හිතන් ඉන්නවා. මගේම කියලා සැලොන් එකක් දාන්නත් ඉන්නවා. මේ ටිකේ ඒවට සූදානම් වෙනවා.

කවුරු හරි මතක් කරන්න පිරිසක් ඉන්නවාද?

ඔව්, අනිවාර්යයෙන්ම. මගේ අම්මයි තාත්තයි ආදරයෙන් මතක් කරන්න ඕනේ. තාත්තා වඩා අම්මා තමයි මගේ මේ දේවල්වලට උදවු කරන්නේ පස්සෙන් ඉඳන්. සමහර අය මගේ ගමනට බාධා කරද්දී අම්මා තමයි මගේ හිත හදලා ධෛර්යමත් කළේ. ඒ නිසා ඒ දෙන්නව මතක් කරන්න ඕනේ මේ වෙලාවේ.

ඩිලාන් ක්‍රිෂාන්ත