ලාංකේය කලා ක්‍ෂෙත‍්‍රයේ තරුණ රංගන ශිල්පීන් අතරින් අද වන විට ඉදිරියෙන්ම සිටින රංගන ශිල්පියෙක් තමයි විශ්ව කොඩිකාර.

පේ‍්‍රක්ෂක ඇගයීමට ලක් වූ ටෙලි නාට්‍ය රැුසකටම රංගනයෙන් දායකත්වය සැපයූ විශ්ව ඔහුගේ පළමු ටෙලි නිර්මාණ රංගනයෙන්ම පේ‍්‍රක්ෂක සිත්සතන් දිනාගන්නට සමත් වුණා. ඒ ඔහු සතු දක්ෂතාවයන් සහ ආකර්ෂණීය බව නිසාවෙන්.

පබළු ටෙලිනාට්‍යයේ ‘‘හසරැල්’’ චරිතය හරහා පුංචි තිරයට ගොඩවැදුණු විශ්වට ඒ වෙනුවෙන් ලැබුණු ජනප‍්‍රියත්වය අති විශාලයි. ඒ නිසාමයි එම ටෙලි නිර්මාණය පිළිබඳව අපිට ඔහු සමඟ කතා කරන්න හිතුණෙ.

විශ්ව ඒ ගැන සැඳැල්ලට මතකය අවදි කළේ මෙලෙසින්.

හසරැල් චරිතය තුළින් ඔබ ගොඩක් ජනප‍්‍රිය වුණා. ඒ ටෙලිනාට්‍යය ගැන කතා කරමුද?

ඒ ටෙලිනාට්‍යය තමයි පබළු. මගෙ පළවෙනිම ටෙලිනාට්‍ය රංගනය. එහි අධ්‍යක්ෂණය ශාන්ත සොයිසා මහත්මයගෙ. නිෂ්පාදනය කළේ වසන්ත මහත්මයා.

ඔබ සමඟ ඒ සඳහා දායකවුණු රංගන ශිල්පීන්වත් මතක් කරමු.

මගෙ අම්මට රංගනයෙන් දායක වුණේ කුමාරි මුණසිංහ මහත්මිය. මාමගෙ චරිතය කළේ ප‍්‍රියන්ත සෙනවිරත්න මහත්මයා. ඒ වගේම මිහිර සිරිතිලක, පබෝධා සංදීපනී, අයෝධ්‍යා මිහිරාවි, බිමල් ජයකොඩි, ගයත‍්‍රි ඩයස්, කුමාර තිරිමාදුර ඇතුළු රංගන ශිල්පීන් ශිල්පිනියන් මාත් එක්ක රංගනයෙන් දායක වුණා.

එවැනි ටෙලිනාට්‍ය රංගන ශිල්පීන් එක්ක වැඩකරද්දි කොහොමද ලැබුණු අත්දැකීම්.

ඒක මට ලොකු අත්දැකීමක්, මොකද පබළු කියන්නෙ මගෙ පළමු ටෙලිනාට්‍යය. ඉතින් පළමු ටෙලිනාට්‍යයෙන් ඒ වගේ පිරිසක් ඒ වගේ අධ්‍යක්ෂවරයෙක් සමඟ වැඩ කරන්න ලැබීම ලොකු භාග්‍යයක්.

හසරැල් කියන්නෙ ගොඩාක් ආදරණීය චරිතයක්නෙ. ඒ චරිතය ඔබට දැනුණෙ කොහොමද?

ඒක මම ගොඩක් මගේම චරිතය කරගන්න උත්සහ කළා. මම සාමාන්‍යයෙන් ඉන්න විදියට රිලැක්ස්ව තමයි ඒ චරිතය කළේ. ඒක මටම ගැළපුනා කියලා හිතුණා සහ ගොඩක් දුරට මගේම චරිතය වගේ තමයි දැනුණෙ.

එතකොට ඒ චරිතයෙ ගොඩක් ආදරණීය ජවනිකා තිබුණනෙ. එය ඔබේ පළමු නාට්‍ය වුවත් අත්දැකීම් පරිපූර්ණ කෙනෙක් ලෙස තමයි රංගනයෙ යෙදුණෙ. ඒ වෙද්දි ඔබට සැබෑ ජීවිතයේ ඒ පිළිබඳ අත්දැකීම් තිබුණද?

අනිවාර්්‍යයෙන්ම. ඒ වයසෙදි ආදරය කියන දේ ලැබිලා තියෙන්න ඕනනේ. ඉතින් මටත් ඒ ආදරේ ලැබිලා තිබුණා. අත්දැකීම් හොඳින්ම තිබුණා.

විවාහ ජිවිතෙන් ඈතට ගියොත් ඔබට පබළු ටෙලිනාට්‍යයේ ගැහැණු ළමයි දෙන්නගෙන් අරලියා හෝ සයුරි චරිත දෙකෙන් කෙනෙක් සැබෑ ජීවිතේට තෝරගන්න වුණා නම් කව්ද තෝරගන්නෙ?

ඒ චරිත දෙකෙන් මම අරලියා ආශ‍්‍රය කළේ යාලූවෙක් විදියට. කාලයක් යද්දි තමයි මට සයුරි කියන චරිතය මුණගැහෙන්නෙ. එතනින් පසුව තමයි සයුරිට ආදරේ කරන්න පටන් ගන්නෙ. ඒ ආදරේ ආරම්භයත් එක්ක තමයි මගෙ හොඳම යාළුවා අරලියගෙ වැරදි දකින්නෙ. ඇය හැසිරෙන විදිය සහ අදින පළදින හැමදේම දකින්නෙ වැරදියට. කොහොමහරි පසුව තමයි මම දැනගන්නෙ ඇය මට ආදරේ කරනවා කියලා. ඉතින් ඒ විදියට බලද්දි නම් ඇත්තටම ඒ චරිත දෙකෙන් මගෙ හිතට වැදුණු චරිතය නම් අරලියා. මම ඇයව තමයි තෝර ගන්නේ.

රූගත කිරීම් අතරතුර සිදුවුණු සොඳුරු මතකයන් තියෙනවද?

සොඳුරු මතකයන් නම් ගොඩක් තියෙනවා. ඒ අතරින් අමතක නොවනම දවසක් තියෙනවා. ඒ ටෙලිනාට්‍යය රූගත කිරීම් කරමින් ඉද්දි මම දැක්කා ශාන්ත සොයිසා මහත්මයා බේබි නාරං කකා ඉන්නවා පොත්ත පිටින්ම. ඉතින් මමත් එතෙන්ට ගිහින් ඇහුවා මොනවද කන්නෙ කියලා. පසුව ඔහු කිව්වා බේබි නාරං කන්නෙ ඕනෙද කියලා මගෙන් ඇහුවා. මමත් ඕනෙ කියලා කියද්දි ලූණු කැටයක් එහෙම දාලා හදලා දෙන්නම් එතකොට ගොඩක් රසයි කියලා ඒ විදියට හදලා නාරං ගෙඩියක් මට දුන්නා. ඒක ගෙනත් දුන්න ගමන්ම මමත් තොල්වලින් හොඳට උඩට ඇදලා කෑවා.

පස්සෙ තමයි මම දැනගත්තෙ ඒකට ලූණු නෙමෙයි නයි මිරිස් දාලා තියෙන්නෙ කියලා. ඉතින් ඒක කාලා මට ඉන්න බැරිව පැය 1 1/2 විතර රූගත කිරීම් පවා නතර කරලා තිබුණෙ. ඒක නම් කවදාවත් අමතක වෙන්නෙ නැති මතකයක්.

මෙහි රූගත කිරීම් කළේ කොහෙද?

ඇරැව්වල, මාලඹේ, රාජගිරිය වැනි ප‍්‍රදේශවල රූගත කළේ.

ඒ වගේ දෙබස් එහෙම මතකද?

ඒ මතකයන් නම් නෑ. මොකද දැන් ටෙලිනාට්‍යය කරලා ගොඩක් කල් වෙනවනෙ.

සමස්තයක් විදියට පබළු ටෙලිනාට්‍යය ගැන කතා කරමු.

පබළු ටෙලිනාට්‍යයේ සමස්ත කාර්ය මණ්ඩලයම මේ අවස්ථාවෙ ගොඩක් ආදරෙන් මතක් කරන්න ඕන. ඒ හැමදෙනාගෙන්ම උපරිම සහයෝගයක් ලැබුණා. එක කණ්ඩායමක් විදියට බොහොම හොඳින් වැඩ කරගෙන ගියා. මම ගොඩාක් වාසනාවන්තයි කියලා හිතෙනවා එවැනි පිරිසක් සමඟ වැඩ කරන්න ලැබීම පිළිබඳව. කලාකරුවෙකුට ඒ වගේ අවස්ථා ලැබෙනවා ගොඩක් අඩුයි.

හොඳ නාට්‍යයක, හොඳ රංගන ශිල්පීන් සහ හොඳ අධ්‍යක්ෂණයක් යටතේ පළමු රංගනයම කරන්න ලැබීම ගැන ගොඩක් සතුටු වෙනවා. ඒ වගේම පේ‍්‍රක්ෂකයන්ගෙන් තවමත් පබළු නාට්‍යයට හොඳ ප‍්‍රතිචාර ලැබෙනවා. තවමත් හසරැල් නමින් මට ආමන්ත‍්‍රණය කරන පිරිසක් ඉන්නවා. ඒ තරමට ඒ ටෙලිනාට්‍යය ගොඩක් ජනප‍්‍රියයි සහ ගොඩක් අසාවෙන් හැමෝම වැළඳගෙන තිබුණු නාට්‍යයක් බව පේන්න තියෙනවා.

පෞද්ගලිකව මමත් ‘‘හසරැල්’’ චරිතයට ගොඩක් ආදරෙයි.

ධනු විජේරත්න