"ඔස්කා" සම්මාන රැසක් දිනූ "සල්ම්ඩෝග් මිලියනර්" චිත්‍රපටය හරහා සිනමාවට පිවිසි ෆරිඩා පින්ටෝ පසුගිය කාලයේදී බොලිවුඩ් මෙන්ම හොලිවුඩ් චිත්‍රපටවලද එතරම් දකින්නට නොලැබුණ සිනමා නිළියක්. කාලයක් "සල්ම්ඩෝග් මිලියනර්" චිත්‍රපටයේ පින්ටෝගේ පෙම්වතා ලෙස රඟපෑ දේව් පටලේ සමගින් ආදර සම්බන්ධයක් පවත්වමින් නිතර පුවත් මැවූ ඔවුන් මීට වසරකට පෙරදී වෙන්වූයේ බොහෝ දෙනෙකුට ප්‍රශ්නාර්ථයක්ද මතුකරමිනි. ඉන්පසුව මාධ්‍යයෙන් වසන් වූ පින්ටෝ පිළිබඳව නැවතත් කතාබහක් ඇතිව තිබෙනවා. ඒ ඇය හා ලොව ධනපතියන් අතර පළමු දසදෙනා අතර සිටින විජේ මාලියාගේ පුත් සිද්ධාර්ත් මාලියා සමගින් එංගලන්තයේ සැන්චෙස්ටර් නුවර ඊත්හාඩ් ක්‍රීඩාපිටියේ පැවැති සංගීත ප්‍රසංගයක් නැරඹීමට පින්ටෝ එක්ව සිටීමත් සමගිනි. මෙම ප්‍රසංගයේදී ඔවුන් දෙදෙනා එක්ව ගත් සෙල්ෆි කිහිපයක්ද මේ වනවිට අන්තර්ජාලය පුරා දක්නට ලැබෙන අතර, පහතින් දැක්වෙන්නේද ඉන් එක් ඡායාරූපයකි.