යුද සමයේ අතුරුදන් වූවන් ගැන සෙවීම සඳහා පත් කළ ජනාධිපති කොමිසම ලබන ජූලි මස 15 වනදා විසුරුවා හරින බව එම කොමිසමේ සභාපති මැක්වෙල් පරණගම මහතා පැවසීය.

අතුරුදන් වූවන් සෙවීම සදහා නව කාර්යාලයයක්   පිහිටුවීමට රජය තීරණය කර ඇති බවත්, ඒ සදහා කැබිනටි මණ්ඩලයේ අනුමැතියද හිමිවී ඇති බවත් පරණගම මහතා කීවේය.

අතුරුදන් වූවන් සම්බන්ධයෙන් සිදුකළ විමර්ශනවලට අනුව සකස් කරන තුන් වැනි වාර්තාව ද ලබන ජූලි මස 15 වැනි දා ජනාධිපතිවරයා වෙත භාර දීමෙන් අනතුරුව තම කොමිසම විසුරුවා හරින බවත්, මෙතෙක් තම කොමිසම පරිහරණය කළ කාරයාලයත් එහි බඩු භාණ්ඩ ආදියත් ලබන 15 වැනි දා ජනාධිපති ලේකම් කාරයාලය වෙත භාරදෙන බවත් ඔහු සඳහන් කළේය.