(ඉන්දිකා රාමනායක)

මුලික  අයිතිවාසිකම්  භුක්ති විදීම   සදහා    කටයුතු කරන අවස්ථාවල දී ඉතා වගකීමෙන් යුක්තව කටයුතු කරන ලෙසටත්,    රජයේ හා  පෞද්ගලික දේපළ වලට   හානි කිරීමෙන් හා   නීතියානුකූල ලෙස   සේවයෙන් යොදවා සිටින   රජයේ හා  පෞද්ගලික   සේවකයන්ට  බාධා කිරීමෙන් වළකින ලෙස   පොලිස්පති සී ඩී වික්‍රමරත්න මහතා  ප්‍රකාශයක් කරමින් මහතා  මහජනයාගෙන් ඉල්ලා සිටියි.

ආණඩුකම ව්‍යවස්ථාවෙන්   සහතික කර ඇති භාෂණයේ හා ප්‍රකාශයේ අයිතිය   මෙන්ම සාමකාමී රැස්වීම්  වලට ඇති  නිදහසට  පොලිසිය සෑම අවස්ථාවක දීම ගරු කරන බවත්, පුරවැයින්ගේ  එම අයිතිවාසිකම් ආරක්ෂා කිරීමටත්, ප්‍රවර්ධන කිරීමටත්  ගත හැකි  සෑම පියවරයක්ම උපරිම  වශයෙන් ගන්නා බවත්,  මේ  සම්බන්ධයනේ .දිවයිනේ සෑම පොලිස් නිලධාරියකුට ම ඒ සම්බන්ධයෙන් වරින්වර  උපදෙස් ලබා දෙමින් දැනුවත් කර ඇති බවද   පොලිස්පතිවරයා කීය.

 රැස්වීමේ හා අදහස් ප්‍රකාශ කිරීමේ අයිතිය  මුවාවෙන් සිදුකරන නීති විරෝධී  ක්‍රියා ඉවසා සිටීමට   රටේ නීතිය ආරක්ෂා කිරීමට බැදී සිටින  කිසිදු පොලිස් නිලධාරියකුට හැකියාවක් නොමැති බවද පොලිස්පතිවරයා පවසයි.

ආණ්ඩුක්‍රම ව්‍යවස්ථාව මගින් ලබා දී ඇති  මෙම අයිතිවාසිකම් ක්‍රියාත්මක කිරීමේ දී  අනිකුත් අයගේ අයිතිවාසිකම් ආරක්ෂා වන පරිදි  , එම අයිතිවාසිකම් වලට බාධාවක් නොවන පරිදි  කටයුතු කිරීම  සියලු දෙනාගේ මුලික යුතුකමක් බවද පොලිස්පතිවරයා පවසයි.

මුලික අයිතිවාසිකම් භුක්ති  විදීමේ දී , නීතිමය  රාමුව තුල එම අයිතිවාසිකම් බුක්ති  විදින ලෙසට   සියලු මහජන ක්‍රියාකිරීන්, දේශපාලන නායකයන්, ආගමික නායකයන්   ඉල්ලා සිටින බවද පොලිස්පතිවරයා වැඩිදුරටත් පවසයි.