පන්නල පරගම්මන රක්ෂිතයෙන් දුර්ලභ හිකනළු දුටු බව ඩී ඇම් අනිල් දසනායක මහතා කියයි.
පොලොං හිකනලා යනුවෙන් සිංහල බසින් හැ`දින්වෙන සුදු කළු රේඛා සහිත හිකනලා ශ්රී ලංකාවට ආවේණික දුර්ලභ සත්ත්ව විශේෂයකි. වියළි කලාපයේ තුරු මත ජීවත්වන මේ හිකනලා සෙන්ටි මීටර අටක් පමණ දිගට වැඩෙන කුඩා සත්ත්ව විශේෂයකි.
ඩසියා හලියානස් ලෙස සත්ත්ව විද්යාත්මකව හ`දුන්වන මේ සත්ත්වයා නම්කැර ඇත්තේ මෙරට ප්රථම කෞතුකාගාර අධ්යක්ෂවරයා වූ ආචාර්ය අම්බ්රඩ් හේලි මහතා සිහිවීම පිණිසය.
පැරණි රුපියල් දෙකේ කොළයේ එක් පැත්තක් සැරසූ පොලොං හිකනලා ශ්රී ලංකාවට ආවේණික සත්ත්වයකු ලෙස හ`දුනාගෙන එම මුදල් නෝට්ටුවට ඇතුලත් කැර තිබුණ ද ඉන්දියාවේ ද මේ සත්ත්ව විශේෂය සිටින බව එරට විද්යාඥයෝ කීහ. ඉන් වසර ගණනාවකට පසු ඉන්දියාවේ සිටින එම සත්ත්වයා හා ශ්රී ලංකාවේ සිටින සත්ත්වයා පරීක්ෂාවට ලක්කළ සත්ත්ව විද්යාඥ මෙන්ඩිස් වික්රමසිංහ මහතා ඇතුළු කණ්ඩායමක් ඉන්දියාවේ සිටින මේ හා සමාන වූ හිකනලාත් මෙරට පොලොං හිකනලාත් විශේෂ එකක් නොව දෙකක් බව තහවුරු කළහ.
කකුල් කොට හිකනලෙක් ද ශ්රී ලංකාවේ සිටී. ඒ හිකනලා හීරළුවා ලෙස හැඳිවෙයි. හිකනලා තෙත් හා වියළි කලාපයේ ජීවත්වන බව තරුණ සත්ත්වවේදීන්ගේ සංගමයේ උරග හා උභය විද්යාඥ සමීර කරුණාරත්න මහතා කියයි.
ඉන්දියාවේ සිටින සුදු පැහැති මුදු සහිත හිකනලා ඩසියා සබ්කේරුලියම් ලෙස නම් කරන ලදී. ඒ අනුව ශ්රී ලංකාවේ සිටින ඩසියා හලියානස් විශේෂය මෙරටට ආවේණික විශේෂයක් ලෙස යළි පිලිගැණිනි.
ශ්රී ලංකාවේ වියළි කලාපයේ පමණක් දැකිය හැකි මේ සත්ත්ව විශේෂය පල්ලෙගම, දඹුල්ල, පොළොන්නරුව, බකමූණ, අනුරාධපුරය, පලටුපාන හා යාපනය වැනි ප්රදේශවලින් වාර්තා වී ඇත.
බොහෝ කුලෑටි සත්ත්වයකු වන ‘පොළොං හිකනලා‘ තුරු මත වසන බැවින් දැකගැනීම අතිශය අසීරුයැයි පරිසරවේදීහු පවසති.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි වාර කිපයක් ඇති වන බව කාලගුණ විද්යා දෙපාර්තමේන්තුව කියයි.
නව ජනාධිපතිවරයා ලෙස පත්වීමෙන් පසුව සාම්ප්රදායානුකුලව ආරක්ෂක ප්රධානීහු සේනාධිනායක ජනාධිපති අනුර කුමාර දිසානායක මහතා ජනාධිපති කාර්යාලයේ දී හමු වූ
රජයේ සංස්ථා මණ්ඩල අධිකාරි යනාදී ව්යවස්ථාපිත ආයතනවල සභාපතිවරුන් සහ අධ්යක්ෂවරුන්ට එම තනතුරුවලින් ඉවත් වන ලෙස රජය දැනුම්දී ඇතැයි වාර්තාවේ.
මාදිවෙල මන්ත්රී නිල නිවාස වලින් ඉවත්වන ලෙස එහි පදිංචිව සිටින මන්ත්රීවරුන් 108 දෙනාට ලිඛිතව දැනුම් දී ඇත.
ලේකම්වරුන්ගේ ගැටලු ඇති දේශපාලන පක්ෂ පහකට මෙවර මහ මැතිවරණයට තරග කිරීම සඳහා අවසර නොදීමට මැතිවරණ කොමිෂන් සභාව තීරණය කර ඇත.
හිටපු 6 වන විධායක ජනාධිපති මෛත්රීපාල සිරිසේ මහතාගේ නිල ස්වයං ස්මරණීය චරිතාපදානය ’සිහිනය නොනිමිය’ නමින් එළිදැක්වීම අද (04)ගෝල් ෆේස් හොටෙල්හිදී සිදුකෙර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පොලොං හිකනලා නිකිනි වගේ
ජයා-පිටබැද්දර Thursday, 13 November 2014 12:31 PM
මේ සතාව නොපෙන්න කැලේට යන්න අැරියා නම් මෙයාව ආරක්ෂා කර ගන්න තිබුනා දැන් ඉතින් නම ගම ඔක්කොම තියෙන නිසා දඩයම පටන් ගනීවි මෙයාව පිට රටකට විකුණලා සල්ලි හොයන්න.(හේ)
රවි Friday, 14 November 2014 05:55 AM
වල්ල පට්ටා ,කිඹුල් හූනා ඉවර වුණා විතරයි .තව ඵකෙක් ඵළියට ආවා .මූත් ඉවරයි ???(දිල්)
විකි Thursday, 13 November 2014 03:04 PM
දැනගන්න ලැබුණු එක සතුටක් ඉන්නවා කියලා ... (හේ)
සඳුනි Thursday, 13 November 2014 03:53 PM
ජයා..නිවැරදියි.මෙවැනි සතුන් සිටිනා ඉසව් හෙලිකිරීම ඔවුන්ට මාරකයක් ලගා කිරීමක්.(අ)
දසුන් Friday, 14 November 2014 10:59 PM
මෙවන් සතුන් සංරක්ෂණය කිරීමට යම් වැඩපිළිවෙළක් අවශ්යයි නේද? (නි)
හුසේන් Friday, 14 November 2014 10:34 AM
ඔය වගේ විරල සත්තුන්ට වඩා සල්ලිවලට අපේ මිනිස්සු කෑදරයි.ඔය සතා පෙන්නුවට ලංකාදීපයට ස්තුතීයි. (හේ)
ටෙක්ලා Friday, 14 November 2014 03:09 AM
ස්වභාව ධර්මයේ හරිම සුන්දර නිර්මාණයක් (නි)