(නිමල කොඩිතුවක්කු සහ ලංකාපුර හෙන්රි ලයනල්)
පොහොර මිටිය රුපියල් 5000ට, කෘෂි රසායන සාධාරණ මිලකට, වී සඳහා සහතික මිලක් දෙන, ගොවි ණය කපා හරින යුගයක් වෙනුවෙන් සමගි ජන බලවේගය හා එක්වන්නැයි සමගි ජනසන්ධානයේ ජනාධිපති අපේක්ෂක විපක්ෂ නායක සජිත් ප්රේමදාස මහතා පොලොන්නරුවේදී පැවසීය.
ගොවියාටත් පාරිභෝගිකයාටත් අසාධාරණයක් සිදු කරන වංචාවන්ට ඉඩ නොදී පාරිභෝගිකයාට සාධාරණ මිලක් මෙන්ම ගොවි නිෂ්පාදනයට සාධාරණ සහතික මිලක් ලබා දෙන බවත් විපක්ෂ නායකවරයා සඳහන් කළේය.
ජනාධිපතිවරණය වෙනුවෙන් සමගි ජන බලවේගයේ දාහතර වැනි විජයග්රාහී ජන රැළිය පොළොන්නරුව හිගුරක්ගොඩ නගරයේ දී අමතමින් සමගි ජනසන්ධානයේ ජනාධිපති අපේක්ෂක විපක්ෂ නායක සජිත් ප්රේමදාස මහතා මේ බව පැවසීය.
ගොවියාවට අවශ්ය වන ගුණාත්මකභාවයෙන් ඉහළ පොහොර කි.ග්රෑම් 50 මිටිය රුපියල් 5000කට ලබා දෙන්න කටයුතු කරන බවත් කෘෂිරසායන තෙල් පොහොර මිල නියාමනයකට ලක් කර කළුකඩ වෙළෙදුන්ගෙන් මිල වැඩි වීමේ ක්රමවේදය මුදා ගෙන දරාගත හැකි මිලකට කෘෂි රසායන ලබා දෙන බවත් ප්රේමදාස මහතා සඳහන් කළේය.
පොහොර බෙදා දීමේ දී ගොවිජන සේවා මධ්යස්ථාන කේන්ද්ර කර ගෙන විනිවිදභාවයෙන් යුක්තව එම වැඩසටහන් ක්රියාත්මක කරන බවත් විපක්ෂ නායකවරයා පැවසීය.
කිව් ආර් කේත කේන්ද්ර කර ගෙන ගොවියාට, ධිවරයාට, ත්රීරෝදරථ රියදුරන්ට, පාසල් ප්රවාහන සේවාවලට සහ වී මෝල් හිමියන්ට ඉන්දන සහනාධාරයක් දෙන බවත් ඔහු කීවේය.
පාස්කු ප්රහාරය, කොරෝනා ව්යසනය, කාබනික පොහොර වංචාව, නැනෝ පොහොර වංචාව නිසා ගොවි ජනතාව විපතට පත්ව ඇති බවත් ප්රේමදාස මහතා සඳහන් කළේය.
තමන්ගේ සීමාසහිත මුදල් උපයෝගී කර ගෙන කණකර උකස් කර ගොවිතැනේ නියැලෙන ජනතාවට පසුගිය කාලයේ පහර පිට පහර එල්ල වෙමින් අසීමිත පීඩනයක් පැටවූ බවත් මේ පීඩනයෙන් අසහනයට ලක්ව වේල් 3 දෙන්න බැරි වූ ජනතාව වෙනුවෙන් වගා ණය කපා හරින බවත් විපක්ෂ නායකවරයා පැවසීය.
ඇප නැතිව රාජ්ය බැංකුවලින් කෝටි ප්රකෝටි ගණන් ණය ලබා ගත් සමහර ධනවතුන් බලයේ සිටින අය සමඟ ගජමිතුරු සම්බන්ධතා ඇති නිසා එම ණය කපා හැරියත් ගොවියාගේ ණය කපා හරින්න රජයට නොහැකි වී ඇති බවත් ඔහු කීවේය.
සමගි ජන බලවේග රජයක් තුළ රටට බත සපයන ගොවි ජනතාවට කෘතගුණ සලකමින් ණය කපා හරින බවත් ගොවියා රකින පොඩි මිනිසාගේ ජනාධිපතිවරයා ලෙස එම යුතුකම් ඉටු කරමින් රටට බත සපයන ගොවියා වෙනුවෙන් කැපවෙන බවත් විපක්ෂ නායකවරයා පැවසීය.
ගොවීන්ට දිස්ත්රික්ක ගණනාවක මායිම්ගල් දමා දශක ගණනාවක් වගා කටයුතු කළ පාරම්පරික ගොවිබිම් අහිමි වූ බවත් අහිමි වූ ඉඩම් නැවත ලබා දෙන බවත් ප්රේමදාස මහතා සඳහන් කළේය. රටේ පරිසර සම්පත වනජීවී සම්පත වෙනුවෙන් ඉහළ ප්රමුඛස්ථානයක් ලබා දෙන බවත් ගොවිබිම් ආරක්ෂා කරමින් වගාහානියට වගා පාලුවට විධිමත් රක්ෂණ ක්රමයක් ඇති කර වනඅලි මිනිස් ගැටුම අවම කරන බවත් විපක්ෂ නායකවරයා පැවසීය.
රටේ මේ වන විට ඉන්නේ වැඩබැරි නායකයෝ සහ කයිය නායකයෝ වුවත් සමගි ජන බලවේගය 76 වසරක ප්රජාතන්ත්රවාදී ඉතිහාසය තුළ සක්වල හා හුස්ම වැඩසටහන් හරහා රුපියල් බිලියනයක වැඩ කර නව ජන වරමක් වෙනුවෙන් පැමිණ ඇති බවත් ඔහු සඳහන් කළේය. කයිය නායකයෝ රට වටේ කයිය ගසමින් ගියත් තමා වැඩ කරමින් යන බවත් රටේ ප්රශ්න කයිවාරුවෙන් සෝබනවලින් විසදිය නොහැකි බවත් විපක්ෂ නායක සජිත් ප්රේමදාස මහතා මෙහි දී තවදුරටත් පැවසීය.
පාර්ලිමේන්තු මන්ත්රීවරුන් වන තිස්ස අත්තනායක, ආචාර්ය හර්ෂ ද සිල්වා, නලීන් බණ්ඩාර, රෝහිනි කවිරත්න, දයාසිරි ජයසේකර, කිංස්ලි නෙල්සන් යන මහත්වරුන් ඇතුලු පිරිසක් මෙම අවස්ථාවට එක්ව සිටියහ.
ඉරානයේ ගල් අඟුරු පතලක සිදුවුණු පිපිරීමකින්, පතල් සේවකයෝ පනස් එක් දෙනෙක් ජීවිතක්ෂයට පත්වූහ. තුවාල ලැබූ ගණන 20 කි. තවත් සේවකයෝ 15 දෙනෙක් පිපිරීමත් සමඟ පතල ත
ඇමෙරිකාවේ ඇලබාමා ජනපදයේ, බර්මින්හැම් නගරයේ සිදුවුණු වෙඩි තැබීමකින් සිවු දෙනෙක් ජීවිතක්ෂයට පත්වූහ. වෙඩි ප්රහාරයෙන් තුවාල ලබා රෝහල්ගත කළ ගණන 18 කි.
ශ්රී ලංකාවේ 9 වැනි විධායක ජනාධිපති ලෙස තේරී පත්වුණු අනුර කුමාර දිසානායක මහතාට සුබ පැතීමට විශේෂ අමුත්තෙක් පැමිණ සිටියේය. ඒ, මෙරට ඉන්දීය මහ කොමසාරිස් සන
“අනුර දිසානායක ජනාධිපතිතුමනි, ශ්රී ලංකාව නමැති ආදරණීය දරුවා මම ඔබට මහත් සෙනෙහසින් භාර දෙමි”යැයි ජනාධිපති රනිල් වික්රමසිංහ මහතා විශේෂ ප්රකාශයක් ක
ශ්රී ලංකා ප්රජාතන්ත්රික සමාජවාදී ජනරජයේ ජනාධිපතිවරයා ලෙස අනුර කුමාර දිසානායක මහතා පත්කරගත් බව මැතිවරණ කොමිසමේ සභාපති ආර්. එම්. ඒ. එල්. රත්නායක මහතා
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘‘පොහොර,කෘෂි රසායන සාධාරණ මිලකට දෙනවා‘‘
Gas Cylinder Monday, 26 August 2024 03:38 PM
යූඑන්පී එකට දැන් හැමෝම එකතු වෙනවා.
SARATH Monday, 26 August 2024 03:50 PM
පුතාණෝ හැමදාම දුන්නේ ගැලරි ටෝක්නේ. ඔයා මෙදා පාර පරාදයි අප්පුහාමි...
බණ්ඩා Monday, 26 August 2024 05:53 PM
අරක දෙනවා, මේක දෙනවා කියකියා බොරු කියකියා රට වටේ යනවා. ඔය කියන විදිහට දෙන්න පුළුවන් නම් මොනවා කරන්න බැරිද? පට්ට බොරුනේ මේ කියන්නේ. නිධන් හාරලාවත් දෙන්න පුළුවන්ද මන්දා..!
chandima Tuesday, 27 August 2024 06:22 AM
දෙන්නම් කාසිවලට රැවටෙන්න බැහැ. එව්වා විශ්වාස කරන්න තරම් පැටිකිරිය හොඳ නෑ. දෙනවා නම් දැන්මම බෙදන්න ඡන්දයට කළින් එතකොට හිතලා බලලා ඡන්දෙ දෙන්නම්...
Chandima Tuesday, 27 August 2024 06:30 AM
පෝර විතරද දෙන්නේ. හිටවන්න ඇට දෙන්න බැරිද?
Dayan Tuesday, 27 August 2024 06:56 AM
සජිත් නත්තල් සීයා වෙනවා. පියානෝගේ සල්ලි මෙන්න?
ddd Tuesday, 27 August 2024 07:29 PM
ගැලරි ටෝක් ,මේවට අහුවෙන්න එපා . මේ ඔක්කොම එකයි ,වෙනසක් කරන්න