(යොහාන් භාසුර)

බෝතල්කළ පානීය ජලය සඳහා උපරිම සිල්ලර මිලක් නියම කරමින් පාරිභෝගික කටයුතු පිළිබඳ අධිකාරිය අතිවිශේෂ ගැසට් පත්‍රයක් නිකුත් කර තිබේ.

ඒ අනුව මිලිලීටර 500 ක වතුර බෝතලයක් රුපියල් 70 ක්, ලීටරය බෝතලයක් රුපියල් 100 ක්, ලීටර 1.5 බෝතලයක් රුපියල් 130 ක්, ලීටර 2 - බෝතලයක් රුපියල් 160 ක් සහ ලීටර 5 බෝතලයක් රුපියල් 350 ක් ලෙස  උපරිම සිල්ලර මිලක් නියම කර තිබේ.

මෙම මස 1 වැනිදා සිට කිසිම නිෂ්පාදකයෙකු, අසුරන්නෙකු, වෙළෙන්දෙකු හෝ බෙදාහරින්නෙකු මෙරට බෝතල්කළ පානීය ජලය උපරිම සිල්ලර මිලට වැඩියෙන් වෙළෙඳාම් කිරීම, වෙළෙඳාම් කිරීම සඳහා ඉදිරිපත් කිරීම හෝ වෙළෙඳාම සඳහා ප්‍රදර්ශනය කිරීම නොකළ යුතු බව පාරිභෝගික කටයුතු පිළිබඳ අධිකාරිය එම ගැසට් නිවේදනයෙන් සඳහන් කරයි.