IMG-LOGO

2025 අප්‍රේල් මස 05 වන සෙනසුරාදා


බාප්පා වෙන් කළ අත රෝහලෙන් හයි කරයි

(චමින්ද වැවතැන්න)

කෑගල්ල අලපලාවල නිලපලාගම්මන ප්‍රදේශයේ තරුණියකට බාප්පා මන්නයකින් වම් අත සම්පූර්ණයෙන්ම වෙන් වන සේ කොටා තිබියදී කෑගල්ල මහ රෝහලේ විශේෂඥ ශල්‍ය වෛද්‍ය ආනන්ද ජයවර්ධන මහතා ඇතුළු වෛද්‍ය කණ්ඩායමක් අත සාර්ථකව බද්ධ කළේය.

මෙලෙස අත බද්ධ කර ඇත්තේ කෑගල්ල පොලිස් වසමේ අලපලාවල නිලපලාගම්මන ප්‍රදේශයේ පදිංචිව සිටින පොල්ගහවෙල ප්‍රදේශයේ ඇඟලුම් ආයතනයක රැකියාවක් කරන 21 හැවිරිදි අවිවාහක තරුණියකගේ බව වෛද්‍යවරයා පැවසීය.

කෑගල්ල මහ රෝහලේ නේවාසිකව ප්‍රතිකාර ලබන තරුණියගේ පියා හා බාප්පා අතර කාලයක සිට ඉඩම් ආරවුලක් තිබී ඇති අතර පෙරේදා (04) රාත්‍රී 7 ට පමණ දෙපාර්ශවය අතර ගැටුමක් හට ගෙන තිබිණි.

එම අවස්ථාවේදී තුවාලකාරිය වැඩ නිම වී නිවසට පැමිණෙමින් සිටින අවස්ථාවේදී ගැටුම පැවැති දෙපාර්ශවය සමථයට පත් කිරීමට මැදිහත් වී තිබේ.

එහිදී බාප්පා විසින් එල්ල කරන ලද මන්නා පහරකින් තරුණියගේ වම් අතේ වැලමිටෙන් පහළ කොටසට වැදී අත වෙන් වී බිමට වැටී ඇත.

වෙන්ව තිබුණු අත අසල්වැසියන් විසින් පොලිතින් උරයකට බහා අයිස් කැට ද යොදා ක්ෂණිකව තුවාලකාරිය සමඟ කෑගල්ල මහ රෝහලට රැගෙන ගොස් තිබේ.

කෑගල්ල මහ රෝහලේ විශේෂඥ ශල්‍ය වෛද්‍ය ආනන්ද ජයවර්ධන මහතා ඇතුළු වෛද්‍ය කණ්ඩායමක් රාත්‍රී 9 සිට ඊයේ (05) අලු‍යම 1 දක්වා පැය හතරකට ආසන්න කාලයකින් සාර්ථක සැත්කමකින් පසුව අත පෙර තිබූ ලෙසට බද්ධ කර ඇත.

තුවාලකාරියට කෑගල්ල මහ රෝහලේ දැඩි සත්කාර ඒකකයේ නේවාසිකව ප්‍රතිකාර ලබමින් සිටින්නීය.

විශේෂඥ ශල්‍ය වෛද්‍ය ආනන්ද ජයවර්ධන මහතා සත්කම සම්බන්ධයෙන් මෙසේ ද පැවසීය.

මෙවැනි රෝගියෙක් අපට ලැබුණු ගමන් කරුණු දෙකක් ගැන සිතා බලන්න සිද්ධ වෙනවා. පළමු එක රෝගියාගේ ජීවිතය බේරා ගැනීම. දෙවැනි එක අවයව බේරා ගැනීම. රෝගියා රෝහලට අරන් එන කොට විශාල වශයෙන් රුධිරය පිටතට ගිහිල්ලා තිබුණා. පළමුව ජීවිතය බේරා ගැනීමට රුධිරය දීමට සිදු වුණා. එහිදී රෝගියාගේ ජීවිතය බේරා ගැනීමට හැකි වුණා.

දෙවැනියට වෙන්ව ගෙනත් තිබුණු අත පරීක්ෂා කර බැලීමට සිදු වුණා. එහිදී කැපී වෙන්ව තිබුණු අත යලි සාර්ථකව බද්ධ කිරීමේ අභියෝගය මා ඇතුළු වෛද්‍ය කාර්ය මණ්ඩලය භාර ගත්තා. ඒ සඳහා පැය හතරකට ආසන්න කාලයක් ගත වුණා. මෙහිදී සියලු‍ම වෛද්‍ය කාර්ය මණ්ඩලය දුන් සහයෝගය අගය කරනවා. දැනට රෝගියා සාමාන්‍ය පරිදි නේවාසිකව ප්‍රතිකාර ලබමින් සිටිනවා යැයිද කීය.

 

 



අදහස් (5)

බාප්පා වෙන් කළ අත රෝහලෙන් හයි කරයි

siri Wednesday, 05 April 2023 07:55 PM

මිහිපිට දෙවිවරු දැකල නැත්නම් ඔන්න බලාගන්න. අපි කවුරු කවුරුත් වන්දනා මාන කලයුත්තේ මේවගේ දෙවිවරුන්ටයි. රටටත් වැඩක් නැති ගමටත් වැඩක්ම නැති මැටි රුප වලට නෙවේ.

:       1       2

සම්පත් බණ්ඩාර Wednesday, 05 April 2023 08:19 PM

ඇත්තටම කෑගල්ල දිස්ත්‍රික්කයේ මිනිසුන්ට මොකක්ද මේ වෙලා තියෙන්නෙ කියලා හිතන්න අමාරුයි මෙතන තියෙනවා බාප්පා වෙන්කල අත රෝහලෙන් හයිකරයි කියලා තවත් තැනක තියෙනවා අවුරුදු 73 ක් වයසේ පසුවන ධනවත් මවක් දූලා ගත් මුදල් සදහා පොලී මුදල් ඉල්ලා දෙයියන්ට විසිදාහක් පුදයි කියලා අනේ මෙහෙම මෝඩයෝ ඇතිවෙන්නෙ මොන හේතුවක් නිසාද කියලා තේරුම් ගන්න බැහැ

:       0       0

Nihal Wednesday, 05 April 2023 09:41 PM

මේ දෙවිවරු අපගේ පිනට උපන් අය ඔබ සැමට දීර්ඝායුෂ ලැබේවා

:       0       2

උපුල් Thursday, 06 April 2023 04:14 AM

ඉතාමත් අගේ කලයුතුයි සමහර දොස්තරවරැ රටහැරයනවා වැඩි පඩිවලට

:       0       2

කල්ප Thursday, 06 April 2023 07:08 AM

මිහිපිට දෙවිවරු

:       0       2

ඔබේ අදහස් එවන්න

 

 
 

එසැණ පුවත්

ඌරගස්මංහන්දියේ වෙඩි තැබීමක්
2025 අප්‍රේල් මස 04 776 1

ඌරගස්මංහන්දිය බෙලිගස්වේල්ල ප්‍රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.


මෝදි ලංකාවට පැමිණෙයි
2025 අප්‍රේල් මස 04 1793 1

ඉන්දීය අග්‍රාමාත්‍ය නරේන්ද්‍ර මෝදි මහතා මීට සුළු වේලාවකට පෙර ශ්‍රී ලංකාවට පැමිණියේය.


යෝෂිත - ඩේසි ඇප මත මුදා හරියි
2025 අප්‍රේල් මස 04 665 1

වසර තුනක කාලයකදී විශූද්ධීකරණය කළ මුදලින් රුපියල් කෝටි 08 කට අධික මුදලක් යොදවා රත්මලාන හා දෙහිවල ප්‍රදේශ වලින් ඉඩම් ඇතුළු දේපල මිලදී ගත් බවට වු අධිචෝදනා


හිතවත්කමේ ගුවන් යානය හෙට මියන්මාරයට
2025 අප්‍රේල් මස 04 769 3

මියන්මාරයේ භූ කම්පනයෙන් විපතට පත් ජනතාවට වෛද්‍යාධාර ඇතුළු මානුෂීය ආධාර රැගත් පළමු ගුවන් යානය හෙට (05) මියන්මාරය බලා පිටත්ව යයි


ජාතික පොලිස් කොමිසම වැඩබලන පොලිස්පතිගේ තටු ගළවයි
2025 අප්‍රේල් මස 04 2625 4

වැඩබලන පොලිස්පතිවරයාට පොලිස් ස්ථානාධිපතිවරු ඉවත් කිරීමට දී තිබූ බලය ඉවත් කළ බව ජාතික පොලිස් කොමිෂන් සභාව සඳහන් කරයි.


ට්‍රම්ප්ගේ බදු ඇමෙරිකා ආර්ථිකයට මරු පහරක්
2025 අප්‍රේල් මස 04 2032 2

ජනපති ඩොනල්ඩ් ට්‍රම්ප්ගේ ’’අන්‍යෝන්‍ය බදු ක්‍රමය’’ ඇමෙරිකාව ආර්ථිකය අවපාතයකට ඇද දමුණු ඇතැයි මතුව තිබෙන බිය තවත් වැඩි කරමින් ලොව විශාලතම සමාගම් වල වට


මේවාටත් කැමතිවනු ඇති

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 138 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 380 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 906 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

Our Group Site