බීමත් රියදුරන් අල්ලන්න පොලිසිය වෙත බ්‍රොතලයිසර් උපකරණ කට්ටල

(ඉන්දිකා රාමනායක)

උත්සව සමයේ රිය අනතුරු අවම කිරීම සදහා බීමත් රියදුරන් අත්අඩංගුවට ගැනීමේ මෙහෙයුම් සදහා සෑම පොලිස් ස්ථානයකටම බීමත් රියදුරන් පරීක්ෂා කරන බ්‍රොතලයිසර් උපකරණ කට්ටල 30,000 ක් ලබා දී ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

බීමත් රියදුරන් පරීක්ෂා කිරීම සදහා පොලිස් ස්ථාන වලට මෙතෙක් ලබා දී ඇති උපකරණ වලට අමතරව මෙම

උපකරණ කට්ටල ලබා දී ඇති බවද පොලිස් මාධ්‍ය ප්‍රකාශකවරයා කියා සිටියේය.

උත්සව සමයේ සිදුවන රිය අනතුරු වලක්වා ගැනීම සදහා බීමත් රියදුරන් අත්අඩංගුවට ගැනීමේ මෙහෙයුම් අද (18) සිට රටපුරා ආරම්භ කිරීමට උපදෙස් ලබා දී ඇති බවද අජිත් රෝහණ මහතා පවසයි.

මෙම මෙහෙයුම් වලදී බීමත් රියදුරන් ට අමතරව අධික වාහන නළා ශබ්ද කරන, නොයෙක් ආකාරයේ විදුලි බුබු`ථ දල්වාගෙන ධාවනය කරන රියදුරන් ද අත්අඩංගුවට ගන්නා බවද හෙතෙම කීය.

සාමාන්‍යයෙන් රටතුළ දිනකට රියඅනතුරු වලින් මරණ 10 ක් වාර්තා වන බවත්, කොරෝසා සමයේ ප්‍රදේශ හුදකළා කිරීම, වාහන ධාවනය සීමා කිරීම, ඇතුලු ක්‍රම අනුගමනය කිරීම හේතුවෙන් රිය අනතුරු වල අඩුවක් දක්නට ලැබුණ බවද අජිත් රෝහණ මහතා සදහන් කළේය.

මේ වන විට රටතුළ රියඅනතුරු පෙර තත්ත්වයට පත්ව ඇති බවත් අද (18) දිනය තුළ පමණක් පුද්ගලයන් 10 දෙනෙක් මියගොස් සිටි බවද හෙතෙම සඳහන් කළේය.

සාමාන්‍යයෙන් අප්‍රේල් මස 10 - 20 අතර කාලයේ සහ දෙසැම්බර් මස 20 සිට ජනවාරි මස 05 වැනි දින දක්වා තුළ රියඅනතුරු බහුල වශයෙන් සිදුවන බවද අජිත් රෝහණ මහතා කීය.

මෙම තත්ත්වය වලක්වා ගැනීම සදහා මෙහෙයුම් කටයුතු ආරම්භ කර ඇති බවද අජිත් රෝහණ මහතා සදහන් කළේය.

අදහස් (6)

බීමත් රියදුරන් අල්ලන්න පොලිසිය වෙත බ්‍රොතලයිසර් උපකරණ කට්ටල

SL Friday, 18 December 2020 08:37 AM

ලංකාවේ පොලිසියයි, රියදුරු පුහුණුව දෙන, වාහන රියදුරු පලපත්‍ර දෙන සෙට් එකයි, ඩුබායි, ඕමාන් වගේ රටකට යවල හරි කොහොමද වාහන එලවන මිනිසෙක් පුරුදු කරන්නේ'...? ඔවුන්ගේ විනය පුහුණු කරන්නේ...බලපත්‍රයක් දෙන්න පරික්ෂා කරන්නේ, වහනයක් භාවිතයට පෙර වාහනයේ තිබිය යුතු අනිවාර්ය ලක්ෂණ, උපකරණ, මොනවද කියල කියල දෙන්න ඕනේ. ලංකාවේ වාහන බලපත්‍ර දෙන ක්‍රමය හරිම ප්‍රාථමිකයි.., මේ කාලයට කිසිසේත්ම නොගැලපේ... මේ මරණ වලින් අති බහුතරයකට බලපත්‍ර දෙන ක්‍රමය වගකිව යුතුමයි... !

: 1 12

josiya Friday, 18 December 2020 10:12 AM

අනේ මහත්තයෝ, අපි අවුරුද්දක් විතර මත්වතුර බීවේ නැහැනේ.

: 0 0

Ruhunu Friday, 18 December 2020 10:45 AM

ඇල්ලුවට වැඩක් නැහැ... මොකද පොලිසියේ ඉන්නෙත් කන බොන මිනිස්සු.. එයාලටත් බෝතලයක් දුන්නා නම් වැඩේ ගොඩින් බේරගන්න පුළුවන්... අපරාදේ ඔය මැෂින් වලට වියදම් කළ සල්ලි.

: 0 0

Dasa P Friday, 18 December 2020 04:12 PM

බ්‍රොතලයිසර්? ජීනා මැඩම් හිටියා නම් පැනලා දුවයි....

: 0 8

විජේ Saturday, 19 December 2020 12:29 AM

හොරෙන් හොරෙන් කරන එකේ බ්‍රොතලයිසරුත් ලයිසොං කොරානං...!!!

: 0 0

sathyapala Friday, 18 December 2020 09:04 PM

කොරෝනා අාසාධිත පොලිස් නිලධාරීන් මේවා අතගා රියදුරන්ගේ කටේ ගැසීමට යාමෙන් රට පුරා කොරෝනා ව්‍යාප්තිය තවත් බරපතල විය හැක. මේ නිසාම කටේ ගැසීමට පෙර ඇල්කොහොල් අඩංගු දියර මගින් පිරිසිදු කළහොත් එහි අඩංගු ඇල්කොහොල් නිසා ලැබුණු මධ්‍යසාර අගය වැරදියට පෙන්වූවා කියලා මේ ගැන උසාවියේදී තර්ක කළහොත් සියලුම වැරදිකරුවන් නිදහස් වන්නටත් ඉඩ තිබෙනවා. එවිට පොලිසියේ මේ උත්සාහය අපතේ යා හැකියි.

: 0 0

ඔබේ අදහස් එවන්න

එසැණ පුවත්

ලංකාදීප ඡන්ද ප්‍රතිඵල විශේෂ අතිරේකය සෙනසුරාදා

2024 නොවැම්බර් මස 15 1569 0

මහ මැතිවරණ ප්‍රතිඵල 2024 ඡන්ද ප්‍රතිඵල විශේෂ අතිරේක සෙනසුරාදා පත්‍රය සමඟ

ලොරිය දුම්රියේ ගැටී රියදුරු මරුට - 6 ක් රෝහලේ

2024 නොවැම්බර් මස 15 301 0

වැලිගම, පොල්අත්ත දෙණිපිටිය ප්‍රද්ශයේදී කුඩා ලොරි රථයක් දුම්රියේ ගැටීමෙන් අද (15) පස්වරුවේ එම රථයේ රියදුරු මරණයට පත් වූ බවත් එම අනතුරෙන් තුවාල ලැබූ දරුවන

කෝටි 165 ක හෙරොයින් සමඟ 6 ක් අත්අඩංගුවට

2024 නොවැම්බර් මස 15 597 0

රුපියල් කෝටි 165 කට අධික වටිනාකමකින් යුත් හෙරොයින් කිලෝ 66 යි ග්‍රෑම් 840 ක් සමග නාවික හමුදාව විසින් ගැඹුරු මුහුදේදී අත්අඩංගුවට ගෙන තිබූ සැකකරුවන් 6 දෙනෙ

මහින්දගේ වාර්තාව විජිත බිදියි

2024 නොවැම්බර් මස 15 3912 0

මෙවර පාර්ලිමේන්තු මහ මැතිවරණයේදී දිවයිනේ වැඩිම මනාප ඡන්ද සංඛ්‍යාව ලබා ගැනීමට ගම්පහ දිස්ත්‍රික්කයේ ප්‍රථමයා ලෙස පත් වූ ජාතික ජන බලවේගයේ විජිත හේරත්

අකුරණ නගරය ජලයෙන් යටවෙයි

2024 නොවැම්බර් මස 15 551 0

මහනුවර දිස්ත්‍රික්කයේ ඇතැම් ප්‍රදේශවලට අද( 15 ) සවස් කාලයේ ඇති වූ අධික වර්ෂාව හේතුවෙන් අකුරණ නගරයේ අදත් ගංවතුර තත්වයක් ඇතිව තිබිණි.

කාන්තාවෝ 20ක් දියවන්නාවට යති

2024 නොවැම්බර් මස 15 2945 1

මෙවර පාර්ලිමේන්තු මහ මැතිවරණයෙන් කාන්තාවන් විස්සකට වැඩි පිරිසක් තේරී පත්ව සිටීම විශේෂත්වයකි.මින් කාන්තාවන් වැඩි පිරිසක් තේරී පත්ව සිටින්නේ ජාති