ඇමෙරිකා ජනාධිපති ලෙස ජෝ බයිඩන් අවසන් වරට එක්සත් ජාතීන්ගේ මහ සමුළුව ඇමතුවේය. ඇමෙරිකන් ජනාධිපතිවරණය එලැඹෙන නොවැම්බර් 5 වැනිදා පැවැත්වෙයි. 81 හැවිරිදි බයිඩන් ජනාධිපතිවරණයට ඉදිරිපත් නොවන අතර, මේ ඔහු ජනාධිපති ධුරයේ රැඳී සිටින අවසන් සති කිහිපයයි.
“ඇමෙරිකන් ජනාධිපති ලෙස මේ මහ සමුළුව අමතන සිවුවැනි අවස්ථාව මෙයයි. ඒ වගේමයි ඇමෙරිකන් ජනාධිපති ලෙස මම එක්සත් ජාතීන්ගේ මහ සමුළුවට සහභාගී වන අවසන් වතාව වන්නේ ද මෙයයි.” යැයි ජනාධිපති බයිඩන් සිය දේශනය ආරම්භ කරමින් පැවැසීය.
ජනාධිපතිවරණයට ඉදිරිපත් නොවීම සහ ජනාධිපති ධුරයෙන් සමුගැනීමට තමන් ගත් එම තීරණය ඉතා වේදනාකාරී එකක් යැයි බයිඩන් සමුළුවට සහභාගී වූ ලෝක නායකයන්, රාජ්ය තාන්ත්රිකයන් ඇතුළු පිරිස අමතමින් පැහැදිලි කළේය. බයිඩන් මිනිත්තු 25 ක කාලයක් සිය දේශනය පැවැත්වීය.
තමන් ජනාධිපති ධුරයෙන් සමුගන්නේ, ඊශ්රායලය ගාසා තීරයේ හමාස් සටන්කාමීන් සමඟත් ලෙබනනයේ හිස්බුල්ලා සටන්කාමීන් සමඟත් ගැටුම් පවතින අවස්ථාවක බවත්, එම ගැටුම්වලට තමන්ට ඇමෙරිකන් ජනාධිපති ලෙස විසඳුම් සෙවීමට නොහැකි වූ බවත් බයිඩන් පැවැසුවේ කනස්සල්ලෙනි. ජනාධිපති ධුරයෙන් සමුගැනීම වේදනාකාරී යැයි බයිඩන් පැවැසුවේ මේ නිසාය.
සෙසු ලෝක නායකයන් මෙන්ම බයිඩන් ද සිය වැඩි අවදානයක් යොමු කළේ ඊශ්රායලය සහ ලෙබනනය අතර මේ වනවිට හටගෙන ඇති අර්බුදකාරී තත්ත්වය සම්බන්ධයෙනි. ලෙබනනය සමඟ යුද ගැටුම් ඇති කර ගැනීමෙන් වළකින්නැයි බයිඩන් ඊශ්රායලයට දැඩි අනතුරු ඇඟවීමක් කිරීමට ද අමතක නොකළේය.
ඊට අමතරව, රුසියන් යුක්රේන යුද්ධය සම්බන්ධයෙන් ද ජනාධිපති බයිඩන් අදහස් දැක්වීය. රුසියන් ප්රහාර හමුවේ දිගින් දිගටම යුක්රේනයට බටහිර නායකයන්ගේ සහාය අවශ්ය බව ජෝ බයිඩන් සමුළුව අමතමින් අවධාරණය කළේය.
(ඒ.එෆ්.පී.)
ශ්රී ලංකාවේ නව ජනාධිපති ධුරයට පත් වූ අනුර කුමාර දිසානායක මහතාට ජාත්යන්තර මූල්ය අරමුදලේ කළමණාකාර අධ්යක්ෂිකා ක්රිස්ටලීනා ජෝර්ජියේවා මහත්මිය සු
මෙරට ජනතාවට විශාල ගැටලුවක් බවට පත්ව තිබෙන විදේශ ගමන් බලපත්ර ගැටලුවට හැකි ඉක්මණින් විසඳුමක් දෙන බවත් ලබන ඔක්තෝබර් මස 15ත් 20ත් අතර කාල වන විට පෝලිම අවසන්
පාසල් දුවා දරුවන්ගේ පෝෂණ අවශ්යතාවය පිරිමසාලීම වෙනුවෙන් ප්රවාහනය ද ඇතුළත්ව බිත්තරයක් රුපියල් 30ක මුදලට ලබාදීමට සමස්ත ලංකා බිත්තර නිෂ්පාදකයින්ගේ සං
ඉරානයෙන් සිය ජීවිතයට විශාල තර්ජන තිබෙන බව ඇමෙරිකාවේ රිපබ්ලිකන් ජනාධිපති අපේක්ෂක ඩොනල්ඩ් ට්රම්ප් අද (25) ප්රකාශ කළේය.
ශ්රී ලංකා ගුවන් විදුලි සංස්ථාවේ නව සභාපතිවරයා ලෙස ආචාර්ය උදිත ගයාෂාන් ගුණසේකර මහතා පත්කර ඇත.
ජාතික ජනබලවේගයේ මන්ත්රීවරු සහ ඇමතිවරු පොලිස් ස්ථානාධිපතිවරු පත්කිරීමට මැදිහත් නොවන බවත් මීට පෙර පාලකයන් අනුගමනය කළ එම දේශපාලන සංස්කෘතිය වෙනස් කරන
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
බයිඩන් අවසන් වරට ජගත් මහ සමුළුව අමතයි