(තුසිත කුමාර ද සිල්වා)

පසුගිය රජය සමයේදී බේරුවල ධීවර වරායේ සිදුව ඇතැයි කියන රුපියල් කෝටියකට අධික මුල්‍යමය වංචාව සම්බන්ධයෙන් වරාය කළමනාකාරවරයා සහ සේවකයන් හත්දෙනකු පිළිබඳ විමර්ශන ආරම්භ කර වරාය කළමනාකාරවරයා ඇතුළු සේවකයන් තිදෙනෙකුගේ වැඩ තහනම් කර ඇති බව ධීවර වරාය නීතිගත සංස්ථාවේ මානව සම්පත් කළමනාකාර සිසිල ගුණතිලක මහතා අද(3) පැවැසීය.

බේරුවල ධීවර වරායේ  හිටපු කළමනාකරු, මුදල් අයකැමිවරයකු, ඉන්ධනහල් භාරකරු, ඉන්ධන පොම්ප ක්‍රියාකරුවන් දෙදෙනකු, කාර්යාල කාර්ය සහායක ඇතුළු හත්දෙනකු එම සිද්ධියට චෝදනා ලබා සිටින බව බේරුවල ධීවර වරායේ ප්‍රකාශකයෙක්  පැවැසීය.

නව රජය පත්වීමත් සමග එම ධීවර වරාය වෙත පැමිණි විගණනන කණ්ඩායමක් කළ  විගණනයයේදී එම මුල්‍ය වංචාව පිළිබඳව තොරතුරු හෙළිවී ඇති බව එම ප්‍රකාශකයා වැඩිදුරටත් පැවැසීය.