ශී‍්‍ර ලංකා ජාතික පාපන්දු කණ්ඩායමේ ප‍්‍රධාන පුහුණුකරු ලෙස කටයුතු කිරීම සදහා ක්ලෝඩියෝ රොබෙර්ටෝ සිල්වේරා මහතා මෙම මස 11 වැනිදා දිවයිනට ළගා වන බව ශී‍්‍ර ලංකා පාපන්දු සම්මේලනය පවසයි. සිල්වේරා මහතා ශී‍්‍ර ලංකාවේ වසර තුනක සේවය ස`දහා පත්කරනු ලැබ ඇත. ඔහුගේ සහය පුහුණුකරු (අභ්‍යාසක) ලෙස කටයුතු කරන ආබ්බොක් රෝගූර් ජූනියර් මහතාද ඔහු සමග දිවයිනට පැමිණෙයි.

බ‍්‍රසීලයේ කී‍්‍රඩා සමාජ පුහුණුකරුවන් ලෙස කටයුතු කර තිබෙන මෙම පුහුණුකරුවන්ට සුපිරි දීමනාවක් සමග අනෙකුත් පහසුකම් ලබා දීමට කටයුතු කරන බව ශී‍්‍ර ලංකා පාපන්දු සම්මේනයේ සභාපති රංජිත් රුද්‍රිගෝ මහතා ලංකාදීප යට පැවසීය.

36 හැවිරිදි රොබෙටෝ සිල්වේරා මහතාට ඇමරිකානු ඩොලර් 5500 ක (රුපියල් 675000කට ආසන්න මුදලක්) මාසික දීමනාවක් ගෙවන අතර සහයක පුහුණුකරු ස`දහා ඇමරිකානු ඩොලර් 2000 ක දීමනාවක් ගෙවීමට නියමිතය.

මීට අමතරව ඔවුන්ට දිරි දීමනා ගෙවීමට පාපන්දු සම්මේලනය කටයුතු යොදා තිබේ. ශී‍්‍ර ලංකා කණ්ඩායම අන්තර් ජාතික තරගයක් ජය ගන්නා අවස්ථාවක බ‍්‍රසීල ජාතික ප‍්‍රධාන පුහුණුකරුට ඇමරිකානු ඩොලර් 500 ක විශේෂ දීමනාවක් ගෙවීමට යෝජනා වී තිබේ.

ශී‍්‍ර ලංකාව අනතර් ජාතික තරගාවලියක් ජය ගැනීමට සමත් වුවහොත් එවැනි අවස්ථාවකදී ඔවුන් මසක දීමනාවට සමාන පාරිතෝෂික (බෝනස්) දීමනාවක් ගෙවීමටද කටයුතු සූදානම් කර තිබේ.  බ‍්‍රසීල ජාතික පුහුණුකරුවන්ට දීමනා ගෙවීමේදී ඒ ස`දහා කී‍්‍රඩා අමාත්‍යංශයද සහයෝගය දක්වයි.

වසර ගණනාවකට ඉහතදීද ශී‍්‍ර ලංකාව බ‍්‍රසීල ජාතික පාපන්දු පුහුණුකරුවන්ගේ සේවය ලබා ගෙන තිබේ. වසර 1995 දී ශී‍්‍ර ලංකාව සාක් රන් කුසලාන පාපන්දු තරගවලිය දිනා ගත්තේ එවකට ශී‍්‍ර ලංකාවේ සේවය කළ බ‍්‍රසීල ජාතික ජෝර්ජ් පෙරේරා මහතා යටතේය. එකල අභ්‍යාසක ලෙස කටයුතු කළේ බ‍්‍රසීල ජාතික මාකෝස් පෙරේරා මහතාය.

බ‍්‍රසීල පුහුණුකරුවන් සේවය භාර ගැනීමෙන් පසු ශී‍්‍ර ලංකා කණ්ඩායමට දේශීය පුහුණුකරුවන් එක් අයකුගේ සේවය පමණක්ලබා ගන්නා බව පාපන්දු සම්මේලනයේ සභාපතිවරයා පවසයි. ඒ සඳහා දැල් රකින්නන්ගේ පුහුණුකරු ලෙස ඞී. චන්ද්‍රසිරි මහතාගේ සේවය ලබා ගැනීමට තීරණය වී තිබේ.

ශී‍්‍ර ලංකා පාපන්දු කණ්ඩායම පසුගිය වසර ගණනාවක් පුරා දිගින් දිගටම ලද පසුබෑම හමුවේ විදේශීය පුහුණුකරුවන්ගේ සේවය කෙරෙහි අවධානය යොමු කරන ලෙස කී‍්‍රඩා ඇමති මහින්දානන්ද අලුත්ගමගේ මහතා උපදෙස් දී තිබුණි.

මීට පෙර වසර ගණනාවක් කොරියානු ජාතික පුහුණුකරු ජුංග් ජුන්ග් මහතාගේ සේවයද ශී‍්‍ර ලංකා පාපන්දු කණ්ඩායමට ලබා ගත්තේය. පසුගිය වසරේ දෙසැම්බර් මාසයේ නවදිල්ලි නුවරදී පැවති සාක් පාපන්දු තරගාවලියේ පරාජයෙන් පසු කොරියානු පුහුණුකරුවා ශී‍්‍ර ලංකා සේවයෙන් ඉවත්ව ගියේය.

ශී‍්‍ර ලංකා ජාතික පාපන්දු පුහුණුකරු ලෙස කටයුතු කළ සම්පත් පෙරේරා, සහය පුහුණුකරු ඩඞ්ලි ස්ටේන්වෝල් හා දැල්රකින්නන්ගේ පුහුණුකරු ලිලිත් වීරසිංහ යන මහත්වරුන්ගේ සේවය අවසන් කිරීමට පාපනදු සම්මේලනය ඉකුත්දා කටයුතු කළේය.