බොරු සහතික දී ඩී.ජී වෙලා

(සුජිත් හේවාජුලිගේ සහ අංජුල මහික වීරරත්න)

ජාතික භාෂා අධ්‍යාපන හා පුහුණු ආයතනයේ හිටපු අධ්‍යක්ෂ ජනරාල්වරයා ව්‍යාජ අධ්‍යාපන සහතික ඉදිරිපත් කර වසර දොළහකට වැඩි කාලයක් එම ආයතනයේ සේවය කර ඇතැයි පොදු ව්‍යාපාර පිළිබඳ පාර්ලිමේන්තු කාරක සභාවේදී ( කෝප් කමිටුව) තොරතුරු අනාවරණය විය.

මෙම නිලධාරියා විවිධ චෝදනා සම්බන්ධයෙන් අවස්ථා කිහිපයකදී වැඩ තහනමට ලක්ව ඇති බවත් මෙසේ වැඩ තහනමට ලක්ව සිටි කාල සීමාවලදීද ඔහු වැටුප් සහ දීමනා ලබා ගෙන ඇති බවත් තොරතුරු හෙළිවී යැයි කෝප් කමිටුව පවසයි.

එම නිලධාරියා මෙම ආයතනයට පත්වී ඇත්තේ අමාත්‍යාංශ අනුමැතියකින් තොරව බව ආයතනයේ නිලධාරීහු කමිටුවට පැවසූහ.

මොහුගේ අධ්‍යාපන සහතික මෙන්ම උප්පැන්න සහතිකයේද ගැටලු පවතින බව පැවසූ ඒ නිලධාරීහු මේ තැනැත්තා කිසිදු අනුමැතියක් ලබා නොගෙන පසුගිය වසරේදී කැනඩාවට ගොස් ඇතැයිද සඳහන් කළහ.

මෙම ආයතනයේ නිලධාරීන් සිටින්නේ තිහකට අඩු සංඛ්‍යාවක් නමුත් ආයතනය මාසිකව ලක්ෂ 12 ක් ගෙවා කුලී ගොඩනැගිල්ලක පවත්වාගෙන යන බවද මෙහිදී තොරතුරු අනාවරණය විය.

එය වැරදි ක්‍රියාවක් බව කෝප් කමිටුව සඳහන් කළේය.

මේ තොරතුරු අනාවරණය වූයේ ජාතික භාෂා අධ්‍යාපන හා පුහුණු ආයතනයේ ප්‍රධානීන් පොදු ව්‍යාපාර පිළිබඳ පාර්ලිමේන්තු කාරක සභාව හමුවට පසුගියදා කැඳවූ අවස්ථාවේදීය.

අදහස් (10)

බොරු සහතික දී ඩී.ජී වෙලා

Perakum Friday, 25 August 2023 10:22 PM

මේ වගේ කමිටු වලින් කොයිතරම් කරුණු එළිකලත් මෙතෙක් කල් ඒවායින් වැඩක් වී ඇත්දැයි නොදනිමු. කමිටු සාමාජිකයින් දීමනා ගන්නවා අපි බදු ගෙවනවා එච්චරයි…!

: 0 30

සුජාතා රත්නායක Saturday, 26 August 2023 06:52 AM

සාමාන්‍යයෙන් සේවය සඳහා බඳවා ගැනීමෙන් පස්සේ සුදුසුකම් සනාථ කරන සහතිකවල සත්‍ය අසත්‍ය බව සොයන්න ඕනෑ. එම කටයුතු මුල් අවුරුදු තුන ඇතුළතදී අවසන් කරන්න ඕනෑ වුණත් දැන් කාලයේ බොහෝමයක් ආයතන ඒවා කරන්නේ විශ්‍රාම ගැනීමට ආසන්න වෙලා කියලා දකින්නට ලැබෙනවා.. මම එහෙම එකක් කියන්නම් එක් පවුල් සෞඛ්‍ය සේවා නිලධාරිනියක් ඉගෙනුම ලබා තිබුනේ ඇගේ පියා විදුහල්පති ලෙසට හිටපු පාසැලේමයි ඉතින් සාමාන්‍ය පෙළ අසමත් වුණා. අන්තිමේ දෙවරක්ම ලබාගත් ප්‍රතිඵල එක් සහතිකයක් ලෙසට හදා (ඒකාලයේ පාසලෙන් දෙන සහතික පිළිගන්නවා ) ඉදිරිපත් කර සේවයට ගියා දෙපාර්තමේන්තු ගත නිලධාරීන් කටයුතු නිසා මේ වැඩ හසුවෙන්නේ නැහැ වරින්වර මාරු කරන නිළධාරීන් ඉන්නවා නම් මෙහෙම වෙන්නේ නැහැ. ඉතින් අවුරුදු 55 පසුවෙන තුරු සහතික පරීක්ෂා කර නැහැ. අන්තිමේ අලුතින් පැමිණි කෙනෙකුට සේවයේ දීර්ඝ කිරීමට සොයද්දී මේක හසුවුණා. සහතික බොරු කියලා පැහැදිලි වුණා. සේවයෙන් පහකළා. නමුත් ඇයට සහායට වංචාව සැඟවූ නිලධාරීන්ට කිසිම දඬුවමක් නැහැ.. කමිටුවේ අයගේ උපදෙස් අදාල අමාත්‍යාංශ වෙතට යොමුකෙරේවා...!

: 0 4

Nimal Saturday, 26 August 2023 07:13 AM

දූෂණය, වංචාව, අකාර්යක්ෂමතාවය, අද රටම වෙලාගත් පිළිල වෙලා. COPE කමිටුවේදී හෙළිවන මේ දූෂණ ගැන ඉදිරි ක්‍රියාමාර්ග නොගන්නේ ඇයි...?

: 0 8

Perakum Saturday, 26 August 2023 02:37 PM

එහෙම කොහොමද? එතකොට ලොක්කගේ ඉඳන් පහළට ඔක්කොම මාට්ටු. මේ කෝප්ද මොකක්ද කමිටු ගැන අනවශ්‍ය බලාපොරොත්තු තියාගන්න එපා....

: 0 3

චන්දන Saturday, 26 August 2023 07:54 AM

අපි ඕක හිතුවා. පුහුණු වැඩ සටහන් වලදී අභ්‍යාසලාභීන් විවිධ අපහසුතාවලට ලක් කරනවා. පුද්ගලයින්ට විවිධ අපහාස කරනවා. කිසිම චාරයක් නැහැ. මම දැකලා තියෙනවා විශේෂයෙන්ම ගුරුවරුන්ට ප්‍රබලව අපහාස කරනවා. අඩු සුදුසුකම් තියෙන අයගේ ලක්ෂණ මේ මිනිහා අඩු නැතිව පෙන්වනවා.

: 0 8

Perakum Saturday, 26 August 2023 11:08 AM

ඕකට අපේ කාලෙ කිව්වේ “අඩු කලේ දිය සැලේ” කියලා...

: 0 7

විජේ Saturday, 26 August 2023 07:59 AM

නම කියන්න බැරිනං වැඩක් නෑනේ ලොක්කා...

: 0 13

Anil Saturday, 26 August 2023 11:19 AM

ලස්සන වැඩේ කියන්නේ උන්දෑ ඔක්කොම වරප්‍රසාද අරගෙන මාරුවෙලා රටේ ඉන්නේ නැතුව පැනලා ගියාට පස්සේ තමයි හොයන්නේ... කොයි හොරකම හොයන්නෙත් ඔහොම තමා. ඒකයි ඕන හොරෙක් බය නැතුව ඕන හොරකමක් කරන්නේ...!

: 1 14

සරත් Saturday, 26 August 2023 06:25 PM

හොර රාජපක්ෂ කල්ලියේ සගයෙක් වෙන්න ඇති. නැතිව ඔහොම ගේම් ගහනවා බොරු...

: 2 2

ගමේ එකාලා Saturday, 26 August 2023 07:53 PM

හොරට ලියලා විභාග පාස් වෙච්චි හොර පෙරකදෝරුවෝත් රටේ නායකයෝ වෙච්චි රටේ ඕවා මොනවාද?

: 1 2

ඔබේ අදහස් එවන්න

එසැණ පුවත්

හොර නෝට්ටුවක් සමඟ දෙන්නෙක් මාට්ටු

2024 නොවැම්බර් මස 24 39 0

ව්‍යාජ 5000 මුදල් නෝට්ටුවක් රැගෙන රටබීම මිලදී ගැනීම සදහා අලෙවිසැලකට පැමිණි පුද්ගලයින් දෙදෙනෙකු අත්අඩංගුවට ගත්බව උහන පොලිසිය පවසයි.

වෙළෙඳ පොළේ බිත්තර මිල යළි ඉහළට

2024 නොවැම්බර් මස 24 134 0

වෙළෙඳ පොළේ බිත්තර මිල යලි ඉහළ ගොස් ඇතැයි පාරිභෝගිකයෝ පවසති.

බඹරු ඇන 7ක් රෝහලේ

2024 නොවැම්බර් මස 24 20 0

තේ දළු නෙලමින් සිටි වතු කම්කරුවන් පිරිසකට එල්ල වු බඹර ප්‍රහාරයකින් තුවාල ලැබු වතු කම්කරු කාන්තාවන් හත්දෙනෙකු බගවන්තලාව ප්‍රාදේශිය රෝහල වෙත ඇතුලත් කර

පළාත් කීපයකට ඉතා තද වැසි

2024 නොවැම්බර් මස 24 280 0

ගිනිකොණ දිග බෙංගාල බොක්ක ආශ්‍රිතව මේ වන විට අඩු පීඩන කලාපයක් නිර්මාණය වී ඇතැයි කාලගුණ විද්‍යා දෙපාර්තමේන්තුව පෙන්වා දෙයි.

‘‘අපේ වැටුප පොදු අරමුදලකට‘‘

2024 නොවැම්බර් මස 24 1105 0

ජනාධිපතිතුමා, අගමැතිතුමිය, ඇමතිවරු, නියෝජ්‍ය ඇමතිවරු හා අපේ මන්ත්‍රිවරු 159 දෙනාම වැටුප් ගන්නේ නැති බවත් එම මුදල් පොදු අරමුදලකට බැර කරණවා යැයි ධීවර ජලජ

දමිත් පල්ලෙවත්ත මහතා HNB මහ පුටුවට

2024 නොවැම්බර් මස 24 1438 0

ප්‍රවීණ මෙන්ම ජ්‍යෙෂ්ඨතම බැංකුකරුවකු වන දමිත් පල්ලෙවත්ත මහතා, HNB බැංකුවේ ප්‍රධාන විධායක නිලධාරියා ලෙස එම තනතුරට පත් කිරීමට මහ බැංකුවේ අනුමැතිය හිමිවි