බල්ලෙකුට වෙඩි තියලා ; විශ්‍රාමික කපිතාන් අල්ලයි

(සුජිත් හේවාජුලිගේ සහ ශ්‍රීනාත් ප්‍රසන්න ජයසූරිය)

අසල්වැසි නිවසේ සුරතලයට ඇති කළ සුනඛයාට වායු රයිෆලයකින් වෙඩි තබා මරා දැමූවේ යැයි කියන විශ්‍රාමික යුද හමුදා කපිතාන්වරයෙක් කඳාන පොලිසියේ නිලධාරීන් කණ්ඩායමක් විසින් ඊයේ (29) සැකපිට අත්අඩංගුවට ගනු ලැබීය.

සුනඛයාට වෙඩි තැබීමට යොදා ගත් බව කියන එම වායු රයිෆලය ද පොලිසිය බාරයට ගෙන ඇත.

මෙසේ සැකපිට අත්අඩංගුවට ගෙන ඇත්තේ කඳාන පොල්පිටිමූකලාන ප්‍රදේශයේ පදිංචි 55 හැවරැදි විශ්‍රාමික යුද හමුදා කපිතාන්වරයෙකි.

සුනඛයාගේ අයිතිකරුවන් විසින් කරන ලද පැමිණිල්ලක් අනුව විමර්ශන පවත්වා මෙම විශ්‍රාමික යුද හමුදා කපිතාන්වරයා සැකපිට අත්අඩංගුවට ගත් බව පොලිසිය කියයි.

වෙඩි තැබීමෙන් තුවාල ලැබූ සුනඛයා සැකකරුගේ නිවස ඉදිරිපිට මාර්ගයේ ලේ පෙරාගෙන වැටී සිටිය දී හමුවී ඇත. මෙම සුනඛයා රෑට නිතර නිවෙස ඉදිරිපිට ඇති මාර්ගයට පැමිණ බුරන හෙයින් නිදා ගැනීමටවත් නොහැකි යැයි පවසමින් මෙසේ වෙඩි තබා මරා දමා ඇති බව විමර්ශනවලදී තොරතුරැ හෙළිවී යැයි පොලීසියේ නිලධාරියෙක් කීය.

සැකකරු අධිකරණයට ඉදිරිපත් කිරීමට නියමිතය.

කඳාන පොලිස් ස්ථානාධිපති ප්‍රධාන පොලිස් පරීක්ෂක ගාමිණී හේවාවිතාරණ මහතා ගේ උපදෙස් මත අපරාධ විමර්ශන අංශයේ ස්ථානාධිපති පොලිස් පරීක්ෂක සමන් ලියනගේ මහතා ඇතුලු පොලිස් නිලධාරීහු කණ්ඩායමක් සිද්ධිය සම්බන්ධයෙන් වැඩිදුර පරීක්ෂණ පවත්වති.

අදහස් (7)

බල්ලෙකුට වෙඩි තියලා ; විශ්‍රාමික කපිතාන් අල්ලයි

chandima Tuesday, 29 October 2024 10:58 PM

බලන්න ආණ්ඩුව වෙන වුණු නිසා කපිතාන් අත්අඩංගුවට ගත්තා. ඉස්සර නම් අත්අඩංගුවට ගන්නේ බල්ලාව...

: 1 0

Damithre Tuesday, 29 October 2024 11:28 PM

ප්‍රතිචාරේ නම් තද වැඩියි. නමුත් බල්ලන් ඇතිකරන අය බලු වැඩ නොකර, අනික් අයට කරදර කරන්නැතුව ඇතිකරන්න දැනගන්න ඕනෑ. (මේ අයට කතාකරන්න ඉගැන්නුවා නම්, බුරන එකක් නෑ.) සමහරු උදෙන්ම සුරතලාව ලිහලා දානවා අසල්වැසියන්ගේ වත්ත, නැත්නං පාර ලස්සන කරලා එන්න...

: 0 4

Don perea Wednesday, 30 October 2024 02:44 AM

මුන් එක්කෝ මිනී මරනවා .දැන් බල්ලෝ මරනවා

: 0 2

ලුම්බිණි Wednesday, 30 October 2024 04:52 AM

මේක නම් බලු වැඩක් .

: 0 1

ජෙනරල් වාස් Wednesday, 30 October 2024 05:05 AM

හමුදා කපිතාන්වරයත් රෑකට පාරට ඇදලා දාලා, කැගහන්න කියලා, වෙඩි තියලා දැම්මා නම් ඉවරයි නෙ.

: 2 2

රට වැසියා Wednesday, 30 October 2024 12:30 PM

පොලිසිය හරි නම්, කල යුතුව තිබුනේ බල්ලාගේ අයිතිකරුද අත් අඩංගුවට ගැනීමයි. සතෙතු අයාල‍ේ යැවීම, අසල්වාසින්ට කරදරයක් වීම ද වැරුද්දකි. මෙය පලාත් පාලන නීතිවල සඳහන්ය. එම කපිතාන්වරයාට අපගේ ප්‍රණාමය, අයාලේ යන බල්ලෙකු රටේ අඩු වුණා. 70 දශකයේද අයාලේ යන බල්ලන්ට නගර වෙඩි තබා වඳ කරා. අයාලේ යන බල්ලන් මිලියන 3 කට වැඩිය රටේ සිටින බව වාර්තා වේ. මෙයින් සිදුවන අනතුර කිසිවකු ගණන් ගන්නේ නැත. ඊනීයා සත්ව කරුණාව පමණක් ක්‍රියාත්මක වේ.

: 3 4

prabash Wednesday, 30 October 2024 12:59 PM

කරපු දේ වැරැදියි. නමුත් මිනිසුන් දැනගන්න ඕන සුරතල් සතුන් අනිත් අයට කරදරයක් නැති විදිහට හදන්න.

: 0 8

ඔබේ අදහස් එවන්න

එසැණ පුවත්

තෙවන ලෝක යුද්දයට එරෙහිව බෞද්ධයෝ පෙළ ගැසෙති

2024 නොවැම්බර් මස 25 576 0

ලෝකය තුළ යළි හිස ඔසවමින් පවතින යුද මානසිකත්වය මුළුමනින්ම තුරන් කර, සාමකාමී ලෝකයක් බිහිකිරීමේ අරමුණින් යුතුව ඉන්දියාවේ බුද්ධගයා පූජා භූමියේ ශ්‍රී මහ

කලපුවේ සැඟවුණු මල් කැකුලිය

2024 නොවැම්බර් මස 25 1171 0

මිගමුව කලපුවේ කුඩා ධීවර යාත්‍රාවක් පෙරළී යාමේන් අතුරුදහන් වු පියා හා දියණියෙගේ සිරුරු අද දහවල් මිගමුව මුන්නක්කරේ සිරිවර්ධනපුර කලපු තිරයේ තිබියදී ස

කුඩා දැරියකට අතවර කළ එක් දරු පියා වසර 8කට හිරේ

2024 නොවැම්බර් මස 25 785 0

කොළඹ ප්‍රදේශයේ වෙසක් සිරි නැරඹීමට සිය දෙමාපියන් සමඟ පැමිණී 11 හැවිරිදි දරුවකුට වෙසක් කලාපයක කුටියක් තුළදී බරපතළ ලිංගික අපයෝජනය කිරීමේ චෝදනාවන්ට වරදක

උසස් පෙළට එරෙහිව පෙත්සමක්

2024 නොවැම්බර් මස 25 908 0

මෙවර අ.පො.ස. උසස් පෙළ විභාගය පැවැත්වීම වලකාලන අතුරු නියෝගයක් නිකුත් කරන්නැයි ඉල්ලා ශිෂ්‍යාවක ගොනු කර ඇති මූලික අයිතිවාසිකම් පෙත්සම සම්බන්ධයෙන් කරුණු

අර්චුනා ගැන පරීක්ෂණයක්

2024 නොවැම්බර් මස 25 1676 2

යාපනය දිස්ත්‍රික් පාර්ලිමේන්තු මන්ත්‍රී අර්චුනා රාමනාදන් මහතාගේ ක්‍රියා කලාපය සම්බන්ධයෙන් පරීක්ෂණයක් පවත්වන බව කතානායක අශෝක රන්වල මහතා පැවැසීය.

සහල් ගැන හිටපු කෘෂි අධ්‍යක්ෂ කතා කරයි

2024 නොවැම්බර් මස 25 1496 1

රටින් සහල් ගෙන්වීම අවශ්‍ය නෑ. 2023/2024 මහ කන්නය සහ යල කන්න දෙක තුල මෙරට වී මෙට්රික් ටොන් 4. 24 ක් නිෂ්පාදනය කළා . වාර්ෂික සහල් අවශ්‍යතාවය සහල් මෙට්රික් ටොන් මිලි