2024 නොවැම්බර් මස 16 වන සෙනසුරාදා
2024 නොවැම්බර් මස 16 වන සෙනසුරාදා
(තිලිණි ද සිල්වා)
හිටපු අමාත්‍ය බැසිල් රාජපක්ෂ මහතාට පනවා තිබූ විදෙස් ගමන් තහනම ඉවත් කරන ලෙස කොළඹ මහාධිකරණ විනිසුරු ආර්. ගුරුසිංහ මහතා අද (23) නියෝග කරන ලදී.
2015 වසරේ ජනාධිපතිවරණය පැවති සමයේ දිවිනැගුම සංවර්ධන දෙපාර්තමේන්තුවට අයත් රුපියල් මිලියන 2992ක මුදලක් වැයකර නිවාස ආධාර ලබාදීම තුළින් රජයේ මුදල් සාවද්‍ය ලෙස පරිහරණය කළේ යැයි චෝදනා කොට එම නඩුව පවරා තිබුණි.
ඒම නඩුව අද කැඳවූ අවස්ථාවේ දී බැසිල් රාජපක්ෂ මහතා වෙනුවෙන් පෙනීසිටි ජනාධිපති නීතිඥ ගාමිණී මාරපන මහතා, අධිකරණය හමුවේ කරුණු දක්වමින් කියා සිටියේ තම සේවාදායකයා ජනාධිපතිවරයා විසින් පත්කර තිබෙන ආර්ථික කාර්ය සාධන කමිටුවක ප්‍රධානත්වය දරමින් කටයුතු කරන හෙයින් ඔහුට රාජකාරීමය කටයුතු සඳහා විදෙස්ගත වීමට අවශ්‍ය වී තිබෙන බවය.
ඒ බව තහවුරු කරමින් ජනාධිපති ලේකම්වරයා විසින් නිකුත් කරන ලද ලිපියක් ද ජනාධිපති නීතිඥ ගාමිණී මාරපන මහතා අධිකරණයට බාර දෙන ලදී.
එමෙන්ම මෙම නඩුවේ ඇප ලබාදුන් අවස්ථාවේදී සෑම මාස තුනකට වරක්ම පොලිස් මූල්‍ය අපරාධ විමර්ශන කොට්ඨාශයට වාර්තා කළ යුතු බවට අධිකරණය මඟින් ඇප කොන්දේසියක් පැනවූ බවත් එම ඇප කොන්දේසිය තම සේවාදායකයා මේ දක්වා කඩකර නොමැති හෙයින් එය ද ඉවත් කිරීමේ නියෝගයක් නිකුත් කරන ලෙස ජනාධිපති නීතිඥ මහතා අධිකරණයෙන් ඉල්ලා සිටියේය.
ජනාධිපති නීතීඥ ගාමිණී මාරපන මහතාගේ එම ඉල්ලීම්වලට නීතිපතිවරයා වෙනුවෙන් පෙනී සිටි රජයේ නියෝජ්‍ය සොලිසිටර් ජෙනරාල් තුසිත් මුදලිගේ මහතා විරුද්ධත්වයක් නොදැක්වූයේය.
ඒ අනුව බැසිල් රාජපක්ෂ මහතා වෙත පනවා තිබූ විදේශ ගමන් තහනම ඉවත් කිරීමට පියවර ගන්නා ලෙස නියෝග කළ මහාධිකරණ විනිසුරුවරයා මෙම නියෝගය ආගමන විගමන පාලකවරයාට දැනුම්දෙන ලෙසත් නියෝග කරන ලදී.
කෙසේවෙතත් විදෙස්ගත වන්නේ නම් ඊට පෙර අධිකරණය දැනුවත් කිරීමට පියවර ගන්නා ලෙසද විනිසුරුවරයා විසින් විත්තිකාර බැසිල් රාජපක්ෂ මහතාට නියෝග කර තිබේ.
ඇමෙරිකන් ජනාධිපති ධුරයට තේරී පත්වුණු ඩොනල්ඩ් ට්‍රම්ප්ගේ නව කැබිනට් මණ්ඩල සාමාජිකයන් සේම, ට්‍රම්ප්ගේ තරුණ සහායිකාව, නටලි හාප් ගැන ද මේ වනවිට බොහෝ දෙනා
ඇමෙරිකා ජනාධිපති ධුරයට තේරී පත් වී සිටින ඩොනල්ඩ් ට්‍රම්ප් සිය මාධ්‍ය ලේකම්වරිය ලෙස කැරොලයින් ලෙවිට් තෝරාගෙන ඇත.
මැතිවරණ වියදම් වාර්තා බාර නොදෙන සියලුම අපේක්ෂකයන්ට දේශපාලන පක්ෂ සහ ස්වාධීන කණ්ඩායම් වලට එරෙහිව නඩු පවරන බව මැතිවරණ කොමිෂන් සභාව පවසයි.
හිටපු පාර්ලිමේන්තු මන්ත්‍රී නාමල් රාජපක්ෂ මහතා ශ්‍රී ලංකා පොදු ජන පෙරමුණේ ජාතික ලැයිස්තු මන්ත්‍රී ධුරයට පත් කිරීමට යෝජනා වී ඇත.
මෙවර මහ මැතිවරණයේදී ඡන්දය ප්‍රකාශ කිරීමට සුදුසුකම් ලැබූ ලක්ෂ පනස් තුනකට අධික පිරිසක් ඡන්දය ප්‍රකාශ කර නොමැති බව මැතිවරණ කොමිෂන් සභා ආරංචි මාර්ග සඳහන
නව පාර්ලිමේන්තුව ලබන 21 වැනිදා රැස්වන බව පාර්ලිමේන්තුවේ වැඩබලන මහලේකම් සහ කාර්ය මණ්ඩල ප්‍රධානී නීතිඥ චමින්ද කුලරත්න මහතා පැවසීය.
2024 නොවැම්බර් මස 05
329
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
612
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
බැසිල්ගේ විදෙස් ගමන් තහනම ඉවතට
sharm warn Monday, 23 November 2020 09:55 AM
ඔව්., දැන් මොකට රටින් පනින්නද? ලොකුම පුටු දෙකේ ඉන්නේ ගෙදරම මිනිස්සු වෙච්චි කොට.... අපි කාටද බය? අපිට කවුද බය..?
fairoos Monday, 23 November 2020 10:27 AM
දැන් ඉතින් නඩුත් හාමුදුරුවන්ගේ, බඩුත් හාමුදුරුවන්ගේ... නේ...
Rizi Monday, 23 November 2020 10:45 AM
දැන් මල්වාන ඉඩමේ ප්‍රශ්නයත් ඉබේටම විසඳේවි.
sharm warnTuesday, 24 November 2020 04:02 AM
ආයිත් අහලා ... ඒ විතරද... තව මන්ත්‍රීලා ටිකක් ලියුමක් දුන්නලු මෙයාට... ‘‘ අනේ සර්, පාර්ලිමේන්තු එන්න... අනේ සර් කරුණාවෙන් සලකන්න කියලා... ‘‘ කවදා හරි රටම ඉවරයි.
බද්රානි Monday, 23 November 2020 11:04 AM
අර අයිතිකාරයෙක් නැති මල්වානේ ගේ විතරක් නෙමේ, ඒ ගමම මොහුට ලියලා දුන්නත් අපිට මොකද? එහෙම නැත්නම්, ලංකාවේ, බූරුවන්, ඔටුවන් හා කොටළුවන්ට පාලකයින්ගේ බර අදින්න බැරිව අපරාදේ දුක්වෙනවා.
Nuwan Monday, 23 November 2020 12:11 PM
20 අරගෙන නවන නැවිල්ලට කනත් එක්ක හිරවෙනවා. රෙස්පෙක්ට් සර්...
Rata Perata Monday, 23 November 2020 12:20 PM
එක රටක්, එක නීතියක්... නන්දසේන රටේ අසාර්ථකම නායකයා.
RANIL Monday, 23 November 2020 12:28 PM
සර් පාස් එකම විෂය පවුල් සංස්ථාව...
Hafeel Monday, 23 November 2020 12:41 PM
මෛත්‍රී, රනිල් යුවලට සාපයක්... මේ නඩු ටික කල්මරමින් ඇදලා දුන්නාට...
Buddika Monday, 23 November 2020 12:46 PM
මේවා වෙන බව අපි දැනසිටියත් මෝඩයින් දැනගත්තේ නැහැ. දැන් රට අයිති ඔවුන්ටයි. පරපුරටයි. නීතියත් ඔවුන්ගේමයි. රට ආපස්සට... රාජපක්ෂලා ඉදිරියට...
Jaya Monday, 23 November 2020 12:47 PM
ඒ ගොල්ලන්ගේ හැම තහනමක්ම ඉවත් වෙනකොට ජනතාවට හැම එකක්ම තහනම් වෙනවා.
ana Monday, 23 November 2020 02:27 PM
නඩුයි බඩුයි...
sharm warnTuesday, 24 November 2020 04:00 AM
දෙකම සර්ගේ... රෙස්පෙක්ට් සර්....
pradeepa Monday, 23 November 2020 02:36 PM
දැන් ඉතින් නඩුත් හාමුදුරුවන්ගේ, බඩුත් හාමුදුරුවන්ගේ... නිකම් බොරුවට කෝර්ට්ස් යනවා. ඔයා තවත් ජනතාවගේ සල්ලි නාස්ති කරන්නේ නැතුව නිදහස් කියන්න කවදා හරි ඕක තමයි වෙන්නේ...
Demuni Uduwara Monday, 23 November 2020 03:22 PM
‘‘වැටත්, නියරත් ගොයම් කා නම්‘‘ නීතියක් නැති රටක්...
කපුරුහාමි Monday, 23 November 2020 04:28 PM
අවුලක් නැහැ. පවුල් පාලනේ රජ කරනකම් ආයේ කවර කතාද.
Chandima Monday, 23 November 2020 08:23 PM
කලබලෙන් පනින්න සූදානම් වෙන්නේ කොවිඩ් හින්දා... රට බංකොලොත් වෙන්නද යන්නේ?
Chithrananda Tuesday, 24 November 2020 12:38 AM
රජයේ නීති නිලධාරීයා විරුද්ධත්වයක් ප්‍රකාශ කරන්නේ කොහොමද? එහෙම උනොත් තමයි පුදුමේ...
Perera Tuesday, 24 November 2020 05:53 AM
විධායකට ඕනෑ විදිහට නටන අධිකරණයක් ලබන්න ලංකාව කොයිතරම් වාසනාවන්තද?
Damith Tuesday, 24 November 2020 08:09 AM
පුදුමයි... ඇයි දැන්? අපි හිතුවේ ඊළඟ දවසේ ඔබගේ සහෝදරයා පැමිණීමෙන් පස්සේ සිදුවෙයි කියලා.
isuru Wednesday, 25 November 2020 09:38 AM
ඕක කියන්න දෙයක්ද ඉදිරියේ ලංකාවේ විධායක ජනාධිපති තමයි බැසිල් රාජපක්ෂ.