අනවශ්‍ය සිදුවීම් සහ අලාභහානි වීම් වළක්වා ගැනීම සඳහා බහරේනයේ පොදු උද්‍යානවලට ඇතුළු වීමේදී යම් ගාස්තුවක් අයකර ගැනීමේ සූදානමක් තිබේ.
නැගෙනහිර රිෆා හි කාලීෆා ග්‍රෑන්ඞ් උද්‍යානයේදී පවුල් සහ ක්‍රීඩා පිටියේ රැඳී සිටි මැරවරයන් පිරිසක් අතර ගැටුමක් හටගැනීමෙන් පසුව ඉහත යෝජනාව ඉදිරිපත්ව තිබේ.

මෙම ක්‍රීඩා පිටිය වසා දමන ලෙස ඉල්ලමින් ප්‍රදේශවාසීන් 300 දෙනෙකුගේ අත්සන්වලින් සමන්විත පෙත්සමක් දකුණු නගර සභා කවුන්සලය වෙත ඉදිරිපත්ව ඇත. රට පුරා පිහිටි උද්‍යාන, ක්‍රීඩාපිටි සහ ඇවිදීමේ මංතීරු වෙත  ඇතුළු වීමේදී ගාස්තුවක් අයකර ගැනීමට ඇති හැකියාව සම්බන්ධයෙන් අධ්‍යයනයක් කරන ලෙසට වූ යෝජනාවක් නගර සභාවේ නිල කාලය අවසන් වීමට පෙර පැවැති අවසන් රැස්වීමේදී සම්මත වී ඇති අතර එම යෝජනාව වැඩ, නගර සභා සහ නාගරික සැළසුම් අමාත්‍යාංශය වෙත යොමුකර ඇත.

2012 දී කලීෆා ග්‍රෑන්ඞ් උද්‍යානය විවෘත කිරීමෙන් අනතුරුව ගහ බැණ ගැසීම්, ක්‍රීඩා කරද්දී බාධා කිරීම් සහ නගර සභාවේ දේපොළවලට හානි කිරීම් පමණක් නොව තණ බිමට සහ ගහකොළවටල ගිනි තැබීම්ද නිරන්තරයෙන්ම වාර්තා විය. 

රටේ සියලුම පොදු උද්‍යාන ලබන වසරේ ජනවාරියේ සිට සීසීටීවී කැමරා යොදා ගනිමින් ආවරණය කිරීමට නියමිත අතර මෙම ව්‍යාපෘතිය සඳහා 2017-2018 වසර සඳහා වන ජාතික අයවැයෙන් ප්‍රතිපාදන වෙන්කරවා ගැනීමට දැනටමත් සැළසුම් කොට ඇති අතර එම යෝජනාව ඉදිරියේදී පාර්ලිමේන්තුව වෙත ඉදිරිපත් කෙරෙනු ඇත. බහරේන පුරා පොදු උද්‍යායන 100 කට වැඩි සංඛ්‍යාවක් පිහිටා තිබේ.

“අවම සාමාජික ගාස්තුව අවුරුද්දකට බහරේන ඩිනාර් 20 ක් විතර වේවි. සාමාජික ගාස්තුවක් හඳුන්වා දීමෙන් අපට උද්‍යායනය වෙත එන අයගේ දත්ත බැංකුවක් සකස් කරගන්න පුළුවන්. ඒක හරියට පැමිණීමේ ක්‍රමයක් වගෙයි. උද්‍යානයට ඇතුළු වීමට විශේෂ කාඞ්පතක් නිකුත් කරනවා” යැයි නගර සභා සභාපති අහ්මඞ් අල් අන්සාරි පවසයි.

“නිතර නිතර උද්‍යායනයට නොපැමිණෙන කෙනෙක් නම් එවිට ඔහු හෝ ඇය ෆිල්ස් 200 ක් ගෙවා තම ස්මාර්ට් කාඞ්පත ගෙවීමෙන් උද්‍යායනයට ඇතුළු වෙන්න ඕනේ. දොරටුවේ ඇති විශේෂ රේඩාර් යන්ත්‍රයක් මගින් එම කාඞ්පත ස්කෑන් කරනවා” යැයි අල් අන්සාරි වැඩිදුරටත් පවසයි.