ජාත්‍යන්තර පාරිසරික සහතිකය ලබාගත් ගල්ෆ් කලාපයේ දෙවැනි ගුවන් තොටුපොළ වීමට නියමිත බහරේන ජාත්‍යන්තර ගුවන් තොටුපොළ සංවර්ධනය කිරීමේදී හරිත තාක්ෂණයට වැදගත් භූමිකාවක් නියෝජනය කරනු ඇත.

ගුවන් තොටුපොලේ නව මගී පර්යන්ත ගොඩනැගිල්ල සූර්ය කෝෂ පද්ධතියකින් සහ බලශක්ති සහ ජල කාර්යාක්ෂමතාවයේ නවතම තාක්ෂණ ක්‍රමවලින් සමන්විත වනු ඇත.

“පුනර්ජනනීය බලශක්තිය සමස්ථ බලශක්ති උත්පාදන ධාරිතාවයෙන් සියයට එකේ සිට දෙක දක්වා වෙනවා. එය සූර්ය කෝෂ වැනි බලශක්ති කාර්යක්ෂම නිෂ්පාදනවලින් සමන්විතයි” යනුවෙන් ටීඒවී සවුදි ඇරබියා ඇන්ඞ් ඇෆ්‍රිකා හි නියෝජ්‍ය කළමනාකාර අධ්‍යක්ෂ කුම්හුර් කවුර් පවසයි.

තුර්කියේ ටීඒවී කන්ස්ට්‍රක්ෂන් සමාගම මෙම වසර මුලදී ගුවන් තොටුපොලේ නව ගොඩනැගිල්ල, සේවා ගොඩනැගිල්ල සහ ගුවන් යානා පර්යන්තය ඉදිකිරීමේ ව්‍යාපෘතියේ ප්‍රධාන කොන්ත්‍රාත්කරුවා ලෙසින් තෝරාගත් අතර ඊට අමතරව එක්සත් අරාබි එමීර් රාජ්‍යයේ ඇරාබ්ටෙක් ආයතනයද එහි කොන්ත්‍රාත්කරුවෙකු ලෙසින් කටයුතු කරයි.

නව මගී පර්යන්ත ගොඩනැගිල්ල ඉදිකිරීමේදී සවුදි අරාබියේ මදිනාත් ගුවන් තොටුපොළ ඉදිකිරීමට යොදාගත් අමුද්‍රව්‍යවලට සමාන අමුද්‍රව්‍ය යොදා ගන්නා බවද කවුර් පවසයි.

“ස්වභාවික ආලෝකරණය සඳහා උපයෝගී කරගන්නා ලා පැහැ වර්ණයෙන් යුතු වහළය ඕසෝන් හිතකාමී වායුසමීකරණ සහ වාතාශ්‍ර පද්ධතිය වෙනුවෙන් යොදා ගැනීමට නියමිතය”

“මෙම ව්‍යාපෘතිය සඳහා හිතකාමී නඩත්තු කටයුතු සඳහා නව තාක්ෂන ක්‍රමයන් යොදා ගැනීමට අපි බලාපොරොත්තු වෙනවා”