2025 මාර්තු මස 10 වන සඳුදා
(විමුක්ති එස් රුද්‍රිගු)
ශ්රී ලංකාව වසර 5 කට පසුව පසුගිය පෙබරවාරි පළමු වැනිදා වාහන ආනයන සීමා ඉවත් කිරීමට කටයුතු කිරීමත් සමග මෙරටට පළමුව පැමිණි එන්.වයි.කේ නෞකාවේ වාහන 197 ක් මෙරටට ගෙන්වා ඇත්තේ ව්‍යාජ නිෂ්පාදිත දිනයක් පෙන්වමින් යැයි රේගු අංශය පවසයි.
ඒ පිළිබඳව ආරම්භ කළ රේගු විමර්ශනය තවමත් අවසන්වී නොමැති බවත් ආරංචි මාර්ග ප‍්‍රකාශ කළේය.
එම වාහන 2022 වසරට අයත් බවත් මෙරට වාහන ආනයනකරුවන් සීමිත පිරිසක් සහ ජපානයේ එක් අපනයකරුවකු එකතු වී මෙම වංචාව සිදුකර ඇති බවත් ආරංචි මාර්ග ප‍්‍රකාශ කළේය. මතභේදයට තුඩුදී ඇති වාහන 197 මෙරටට ඒවා ඇත්තේ ජපාන අපනයන සමාගමක් වන එන්.වයි.කේ බවත් මෙරට සීමිත ආනයනකරුවන් පිරිසක් වෙනුවෙන් එම වාහන තොගය මෙරටට ඒවා ඇති බවත් ආරංචි මාර්ග ප‍්‍රකාශ කළේය.
වංචාව සිදුකළ ජපාන වාහන අපනයනකරුවා, මෙරට වාහන ආනයනය කිරීමේ රෙගුලාසිවලට අනුව නිෂ්පාදන සමාගමෙන් මෙරටට එවූ වාහනවල නිෂ්පාදන දිනය පිළිබඳව සහතිකයක් ලබා නොගෙන වාහන එවීමට පෙර අපනයන පරීක්ෂණ සහතික ලබාගත් කාර්යාංශයට විශේෂ පෙළඹවීමක් කර නිෂ්පාදන දිනය පිළිබඳව සහතිකයක් ලබාගෙන ඇතැයි ආරංචි මාර්ග පැවැසුවේය.
මෙතෙක් කල් වාහන ආනයනය කරනු ලැබුවේ වාහනය ලියාපදිංචි කළ වසරේ සිට අවුරුදු 3 ක කාලයක් දක්වා වුවත් පසුගිය පෙබරවාරි පළමු වැනිදා වාහන ආනයන සීමා ලිහිල් කරමින් නිකුත් කළ ගැසට් පත‍්‍රයේ ලියාපදිංචි කළ වසර නිෂ්පාදිත දිනය ලෙස වෙනස් කර තිබෙන බවත් එවිට නිෂ්පාදිත දිනය නොදන්නේ නම් මෙරටට ආනයනය කරන වාහනවල නිෂ්පාදිත දිනය ලෙස සැළකෙන්නේ ජනවාරි මාසයේ 14 වැනිදා බවත් ආරංචි මාර්ග ප‍්‍රකාශ කළේය. එවිට නව රෙගුලාසිවලට අනුව 2022 වසරේ නිෂ්පාදනය කළ වාහනයක නිෂ්පාදිත දිනය නොදන්නේ නම් එම වාහනය මෙරටට නීත්‍යානුකූලව ගෙන්විය නොහැකි බවද ආරංචි මාර්ග පැවැසුවේය.
රටට පිම්මක් පනින්නට හැකියාව ලැබෙන්නේ ඉංග්‍රීසි අධ්‍යාපනය දියුණු කළහොත් පමණක් බව කළුතර දිස්ත්‍රික් මන්ත්‍රී අජිත්.පී. පෙරේරා මහතා:-(ස.ජ.බ) පාර්ලිමේන්තු
ගනේමුල්ල සංජීව ඝාතන සිද්ධියේ මහ මොලකාරි යැයි කියන ඉසාරා සෙව්වන්දී දික්වැල්ලේ නිවසක සැඟව සිටින බවට පොලිසියට අසත්‍ය තොරතුරු සැපයූ දික්වැල්ලේ පෙදරේරු
සෞඛ්‍ය සේවාව සහ ඖෂධ යනු මෙරට ජනතාවගේ ජීවිත සමඟ ප්‍රමුඛ ව බද්ධ වූ ක්ෂේත්‍රයක් බැවින් ඊට විකල්ප නොමැති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස
රුහුණු කතරගම දේවාලයේ බස්නායක නිළමේ ඩිෂාන් ගුණසේකර මහතාගෙන් අපරාධ පරීක්ෂණ දෙපාර්තමේන්තුව අද (10) පැය තුනහමාරකට පමණ ප්‍රකාශයක් සටහන් කර ගත්තේය.
ශ්රී ලංකාව ආයෝජන සඳහා ආකර්ෂණීය ස්ථානයක් බව ලොවට කියා පෑමේ කොටස්කරුවකු වීම සිය අපේක්ෂාව බව ශ්රී ලංකාවේ තෙදින සංචාරයකට පැමිණි ජාත්‍යන්තර වශයෙන් පිළි
හොඳ ජාත්‍යන්තර පාසල් අතර ජාත්‍යන්තර පාසල් කඩ බිහි වී තිබෙන බව ගම්පහ දිස්ත්‍රික් මන්ත්‍රී හර්ෂණ රාජකරුණා මහතා:-(ස.ජ.බ) පාර්ලිමේන්තුවේදී පැවසීය.
2025 මාර්තු මස 07
45
0
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්
2025 පෙබරවාරි මස 27
179
1
ශ්රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස
බොරු දින දමා වාහන ගෙන්වලා : රේගුව ඇහැ ගහගෙන
Rasi Monday, 10 March 2025 01:03 PM
කොච්චර ෆේස්බුක් වලයි, හැමතැනමයි පාරම්බෑවත් ඔන්න ඕක තමයි සිංහල එවුන්ගේ විශිෂ්ටත්වය. ඕක ඇරෙන කම්, මොකා බලයට ගෙනාවත් වැඩක් නැහැ.
de silva Monday, 10 March 2025 01:12 PM
විහිළුවක් නොවේ වසර 5-6 පමණ පැරැණි විට්ස් එකක් ලංකාවට එනකොට කෝස්ට් වන්නේ ලක්ෂ 6-8 අතර මුදලක්, එකට එකක් බදු ගහලා කිසිම ප්‍රශ්නයක් නැතුව ලක්ෂ 12-15 අතර මුදලකට පාරිභෝගිකයාට දෙන්න පුළුවන්..., එක එක නීති දමමින් වාහනයක වටිනාකමට වැඩිය 3-4 ගුණයක් ගෙවලා, පුරවැසි අපට වාහන ගන්න සිදුවීම අසාධාරණයක්, රටේ පොදු ප්‍රවාහන සේවයත් ඉතා ප්‍රාථමික තත්වයේ පවතින්නේ..., ආණ්ඩුව අපට කිසිම ඔප්ෂන් එකක් දෙන්නේ නැහැ.. ඉදිරි මැතිවරණ වලදී මාලිමාවට නැවත ඡන්දේ දෙනවාද කියලා සිතලා බලන්න වෙනවා..
පුරවැසි Monday, 10 March 2025 01:48 PM
මේ ආණ්ඩුවට බලය දෙන එක කොහොම වුණත්, කට්ටිය අවුරුදු 76 ක් හොඳටම කරලා, දිලා ගිය දෑවැද්ද තමයි මේ. ඩොලර් එකවුන්ට් එකේ තියෙන ගානත් එක්ක, මේ වගේ කමෙන්ට්ස් දාන එකත් ලැජ්ජාවක්. අපි ඉන්න තැනවත් අපි දන්නේ නැහැ...!
WanniarachchiMonday, 10 March 2025 01:49 PM
බදු ගහන්නේ නැතුව ආණ්ඩුවට ආදායම් ලැබෙන ක්‍රමයක් නෑ. බදු වැඩිනම් ලංකාවේ සියලු රෝහල්, විශ්ව විද්‍යාල සහ නොමිලේ සේවා පුද්ගලීකරණ ය කරලා ඒවාට මිලක් නියම කරන්න ඕනේ, එහෙම නැත්නම් ජෙප්පෝ හිතන් ඉන්නව වගේ මන්ත්‍රී වැටුප පැලවත්තට නැතුව මහා භාණ්ඩාගාරයට දෙන්න ඕන. හොරකම් කරපුඑක නවත්වල රටක් හදන්න බෑ කියල දැන් හැමෝම අවබෝද කරගෙන ඉන්නේ
සිල්වා Monday, 10 March 2025 01:58 PM
මාලිමාවට ඡන්දය දුන්නෙ ආකල්ප වෙන්කරවා ගැනීමටයි. උද්ඝෝෂණ වැඩ වර්ජන සන්නද්ධ අරගල වැනි ක්‍රියාමාර්ග පිළිබඳව ඊට දායක වන අයගේ ආකල්ප දැන් දැන් වෙනස් වෙමින් පවතී.
දොන් සේතං Monday, 10 March 2025 02:02 PM
ලංකාවට වාහනයක් ගෙන්වන සෑම වෙලාවකම රටේ විදේශ විනිමය පිටට ගලා යනවා. ඊට පස්සේ අමතර කොටස්, ටයර්, ඉන්ධන වලට රටේ විදේශ විනිමය පිටවෙනවා... පුද්ගලික වාහනයක් ගෙන්වීම දේශද්‍රෝහී කමක්. සංචාරක ව්‍යාපාරයට විතරක් විශේෂ පහසු කමක් දීම හොඳයි..
අරවින්ද මොණරවිල Monday, 10 March 2025 02:11 PM
පොහොට්ටුවට, ගෑස් සිලින්ඩරයට හා ටෙලිෆෝනයට ඡන්දය දුන්නු අයට මාලිමාවට ඡන්දය දෙනවාද කියලා හිතලා බලන්න වෙන එකම හොඳ අදහසක්...!
Nihal Monday, 10 March 2025 01:23 PM
හොරුන්ට අසුබ කාලයක්
බකල ජයා Monday, 10 March 2025 01:27 PM
මං දන්න ටුවරිසම් කරන අය, ජපානේ ජීවත්වෙන අය කියනවා ජපන් ජාතිකයින් පොදුවේ ගත්තාම හැමෝම වගේ හරිම අවංකයි කියලා. හැබැයි වංකකම, වංචාව මම හිතන්නේ බෝවෙනවා...
අරවින්ද මොණරවිල Monday, 10 March 2025 02:32 PM
පොඩ්ඩක් හොයලා බලන්න ඔය ආනයනයකරුවන් අතර රාජපක්ෂලා වික්‍රමසිංහලා සිරිසේනලා ප්‍රේමදාසලාට ගෑවුණූ අය ඉන්නවාද කියලා !