(කාංචන කුමාර ආරියදාස)

නාවුල බෝවතැන්න ජලාශයේ වාන්දොරටු හයක් අඩි දෙක බැගින් විවෘත කිරීම හේතුවෙන් අඹන් ගඟ දෙපස ගම්මාන 09 ක ජනතාවට දින දෙකක සිට ගමනා ගමන කටයුතු සහ ගමෙන් පිටවීමට නොහැකිව කොටුවී ඇතැයි මහවැලි අධිකාරිය කියයි.

බෝතැන්න ජලාශ භාර ප්‍රධාන ඉංජිනේරු බුද්ධික මහේෂ් නවරත්න මහතා 27 දින උදෑසන සඳහන් කළේ මේ වන විට බෝවතැන්න ජලාශයේ වාන් දොරටු යක් අඩි දෙක බැගින් විවෘත කිරීමත් සමඟ බෝතැන්න ජලාශයෙන් අඹන් ගඟට තප්පරයකට ඝණ අඩි දහ අටදහසකට අධික ජල ප්‍රමාණයක් මුදා හැරෙන බවය.

බෝවතැන්න ජලාශයේ අනෙක් සොරොව් දෙකකින් කන්දලම සහ ඉබ්බන්කටුව ජලාශයට ද ජලය ලබාදීම සිදුවන බැවින් ඉබ්බන්කටුව ජලාශයේ වාන්දොරටු විවෘත කර තැබීම හේතුවෙන් තප්පරයකට ඝන අඩි පන්දහසක ප්‍රමාණයක් දඹුලු ඔයට මුදා හරින බවද දඹුලු ඔය හරහා එම ජලය කලා වැවට ගලා යෑම හේතුවෙන් කලා වැවේ වාන් දොරටු විවෘත කිරීමත් සමඟ එහි තත්පරයකට ගණ අඩි 18000ක් පමණ කලාඔයට මුදා හරින බැවින් කලාඔය දෙපස ජනතාව මෙන්ම අඹන් ගඟ දෙපස ජනතාව දැඩි විමසිල්ලෙන් සිටින්නැයි ඉල්ලීමක් කළේය.