ජනිත් මුලින්ම අපි ඔබට සුබපතනවා...

බොහොම ස්තූතියි.

 කොහොමද ඉතින්...?
හොඳයි. ගොඩක් සතුටින් ඉන්නේ ඒ වගේම දැන්නම් හිතටත් ලොකු නිදහසක් දැනෙනවා.

 අවසන් වටයට තේරීපත් වූ ඔබ තිදෙනාම දක්‍ෂයෝ. ඒ අතරින් ඔබ කොහොමද පළමු තැනට පත්වෙන්නේ. මොකක්ද ඔබේ විශේෂත්වය?

ඇත්තටම ඒකනම් හිතාගන්න බෑ. කොහොම වුණත් මම මේ තැනට එන්න ගොඩක් මහන්සි වුණා. ඊට අමතරව ගොඩක් අය කියනවා මම හරිම නිහතමානියි කියලා. මගේ දක්‍ෂතාවය, නිහතමානී බව වගේම මගේ වාසනාවත් මේ ජයග්‍රහණය සඳහා බලපාන්න ඇති කියලා මම හිතනවා. 

 ජයග්‍රාහී මොහොත කොහොමද ඔබට දැනුණේ?

ඒ මොහොතේ ඇතිවුණ සතුට වචනවලට පෙරළන්න අමාරැයි. ඇත්තටම ඒ වෙලාවෙ කතා කර ගන්නවත් වචන නැති වුණා.

 ඔබේ පාසලට අත්පත් කර දුන් මේ කීර්තිය ගැන මොකද හිතන්නේ?

මම අද මෙතන ඉන්නේ නාලන්දා විද්‍යාලය නිසයි. මගේ මුල්ම පාසල නිකවැරටිය මාගල්ලේගම කණිෂ්ඨ විද්‍යාලය. පහ වසර ශිෂ්‍යත්වය පාස්වෙලා කටුගස්තොට රාහුල විද්‍යාලයට ගියා. ඊට පස්සෙ සංගීතමය ශිෂ්‍යත්වයක් හම්බවෙලා කොළඹ නාලන්දා විද්‍යාලයට එන්නට අවස්ථාව ලැබුණා. එතැන ඉඳන්ම මම හැදුණෙ වැඩුණෙ නාලන්දා මෑණියන්ගෙ තුරැලේ. ඉතින් මගේ පාසලට මෙවැනි කීර්තියක් අත්කර දීම ගැන මට අද තියෙන්නේ නිහතමානී ආඩම්බරයක්. 

 පාසලෙන් ඔබට හොඳ සහයෝගයක් ලැබුණද?

නාලන්දා විදුහලේ විදුහල්පතිතුමා ඇතුළු ආචාර්ය මණ්ඩලයේ සියලුම දෙනා ශිෂ්‍ය නායක මණ්ඩලය, ආදි ශිෂ්‍යයන්, සියලුම ශිෂ්‍යයන්, මව්පියන් ආදී මේ හැමදෙනාම මට විශාල සහයෝගයක් ලබාදුන්නා නාලන්දා කියන නම වෙනුවෙන්. මාව දැකලවත් නැති කට්ටිය කතා කරලා උදව් කළා. මුදල් පවා දුන්නා. ඒ හැමදෙනාටම ස්තූතියි කියන්නත් මම මේක අවස්ථාවක් කරගන්නවා. 

 අවසන් තරගයේ පළමු තරගකරැවා ඔබ. මුලින්ම වේදිකාවට නගිද්දි මොනවද හිතුණේ?

ලොකු පීඩනයක් තිබුණා. ප්‍රේක්‍ෂකයන් 4000ක් විතර ඒ වෙලාවෙ බලාගෙන ඉන්නවා. ලක්‍ෂ සංඛ්‍යාත පිරිසක් TV එකේ මම දිහා බලාගෙන ඉන්නවා. විශාල පිරිසක් මගේ ජයග්‍රහණය ගැන බලාපොරොත්තු තියාගෙන ඉන්නවා. ඉතින් ඒ බලාපොරොත්තු ඉෂ්ට කිරීම සඳහා ඒ වෙලාවෙ හිතට දැනුණු පීඩනය වචනයෙන් විස්තර කරන්න අමාරැයි. අපි තුන්දෙනාටම එහෙමයි. 

 කොහොමද මේ වගේ දැවැන්ත වේදිකාවක තරගයට මුහුණ දුන්නේ?

මට ලොකු ආසාවක් තිබුණා අවසාන වටයකදී තරගකරැවකුට ඇතිවන පීඩනය මොන වගේද, ඒ අත්දැකීම මොනවගේද කියලා බලන්න. මේ අති දැවැන්ත වේදිකාවෙන් ලබාගත් පන්නරයත් එක්ක මට දැන් ඕනෑම ස්ටේජ් එකක් ඔට්ටුයි. දෙරණ ආයතනයට තමයි එහි මූලිකම ගෞරවය හිමිවිය යුත්තේ. අපිව මේ තරම් ගමනක් එක්කන් ආවෙ දෙරණ පවුල. දෙරණ සභාපතිතුමාගේ ඉඳලා හැම දෙනාම අපිට පුදුම විදිහේ සහයෝගයක් ලබාදුන්නා. 

 අන්තිම වටයේ ගැයූ ආකාරය ගැන ඔබ සෑහීමකට පත්වෙනවද?

මට හැකි උපරිම අයුරින් ගීත තුන ගායනා කළා කියන විශ්වාසය මා තුළ තියෙනවා. මම හිතනවා මගේ වාසනාවත් එක්ක ඒ ගීත තුන හොඳින්ම ගැළපුනා කියලත්.

 ඔබේ ගමෙන් ඔබට විශාල සහයෝගයක් ලැබෙන්නට ඇති?

මම ගයන්න පටන් ගත්තේ ගමේ දහම් පාසලෙන්. ඒ කියන්නේ පන්සලෙන් තමයි මම මේ ගමන පටන් ගත්තේ. මගේ ගමේ පන්සලේ හාමුදුරැවන්ව මම මේ වෙලාවේ ගෞරවයෙන් මතක් කරනවා. මට කොළඹ එන්න සල්ලි නැතිව හිටපු වෙලාවල් තිබුණා. හාමුදුරැවෝ තමයි මම පොඩිකාලෙදි  මට සල්ලි දුන්නෙ කොළඹ එන්න, ඉස්කෝලෙට එන්න. ඒ වගේම මගේ ගමේ හැමදෙනාගෙන්ම මට සියයට සියයකටත් වැඩි දේවල් ලැබුණා. මගේ ජයග්‍රහණය වෙනුවෙන් ඔවුන් දිවා රූ නොබලා මහන්සි වුණා. කිසිම කෙනෙක් මඟහැරියෙ නෑ.

 ඉතින් ඒ තරම්ම උදව් කරපු ගමේ අයට ජනිතගෙන් මොනවද ලැබෙන්නෙ?

ඔවුන්ට ඇතිවෙනකම් සින්දු කියලා ඔවුන්ව සතුටු කරන්න බලාපොරොත්තු වෙනවා. ඇත්තටම ජයග්‍රාහී කිරැළ අරන් ගමට එන්න මම ආසාවෙන් හිටියේ. මම හිතනවා මගේ ගමේ අයගෙ විතරක් නෙමෙයි මට ආදරේ කරපු හැමදෙනාගෙම බලාපොරොත්තුව මම ඉෂ්ට කළා කියලා.

 ඔබ ලැබූ ජයග්‍රහණයත් එක්ක මේ වෙද්දි ලංකාවේ ජනප්‍රියම තරැව ඔබ. තරැ සංකල්පයත් එක්ක ඔබ වෙනස්ම පුද්ගලයෙක් වෙයිද?

ගමේ ඉඳන් කොළඹට ඇවිල්ලා අමාරැවෙන් ඉගෙන ගෙන සාමාන්‍ය විදිහට හැදිච්ච කොල්ලෙක් මම. මව්පියන්ගෙන්, නෑදෑයින්ගෙන්, පාසලෙන් වගේම හැදිච්ච වටපිටාවෙනුත් හොඳ ගතිගුණ මට හම්බවුණා. ඉතින් සිහින කිරැළ ලබාගත්තා කියලා වෙනසක් නෑ. මම එදා හිටපු ජනිත්ම තමයි.

 ඔබට ස්තූතිය පුදදෙන්නට බොහෝ පිරිසක් ඇති?

දෙරණ පවුලේ සියලු දෙනාටත්, ආදරණීය විනිශ්චය මණ්ඩලයටත්, මගෙ පාසලේ, මගේ ගමේ, මගේ මුළු රටේම මා වෙනුවෙන් වචනයෙන් හරි සහයෝගය දැක්වූ සියලුම දෙනාට මා මේ මොහොතේ මගේ ගෞරවපූර්ව ස්තූතිය පුදකරනවා.

මගේ පළවෙනි සංගීත ගුරැවරයා මගේ තාත්තා. මේ හැමදෙයක්ම මට ලැබුණේ එයාගෙන්. ජයන්ත සර්, ගාමිණි අමරදේව සර්, හේෂාන් සර්, නිමල් ගුණසේකර අංකල් යන මට සංගීත ඥානය ලබාදුන්න හැමදෙනාම මම මේ මොහොතේ සිහිපත් කරනවා.

 ඔබේම ගීතයක් අපි අසන්නේ කවද්ද?

දෙරණ ආයතනයත් සමඟ එකතුවෙලා මගේම ගීතයක් ඉක්මනින්ම ප්‍රේක්‍ෂකයන්ට ලබාදෙන්න මම බලාපොරොත්තු වෙනවා.

 - කුමී / සේයාරෑ - FB -