“මුඩීස්’’ අසමත් යැයි කබ්රාල් කියයි

( තිළිණි ද සිල්වා )

ශ්‍රී ලංකාවේ වැඩිදියුණු වන ආර්ථික තත්ත්වයන් සහ ආයෝජක හැඟීම් හඳුනා ගැනීමට මුඩීස් ජාත්‍යන්තර ණය වර්ගීකරණ ආයතනය නැවත වරක් අසමත් වී ඇතැයි ශ්‍රී ලංකා මහ බැංකු අධිපති අජිත් නිවාඩ් කබ්රාල් මහතා කියා සිටී.

ශ්‍රී ලංකාවට තම ස්වෛරීත්ව බැඳුම්කර හෙවත් ඇමරිකානු ඩොලර්වලින් නිකුත් කළ බැඳුම්කර හරහා ලබාගෙන ඇති ණය ආපසු පියවීමේ හැකියාව තවදුරටත් අඩුවී ඇති බවට මුඩීස් ජාත්‍යන්තර ණය වර්ගීකරණ ආයතනය නිකුත් කළ වාර්තා පිළිබද හෙළා දකිමින් මහ බැංකු අධිපතිවරයා සිය නිල ට්විටර් ගිණුම ඔස්සේ සටහනක් තබමින් මේ බව කියා සිටී.

මූඩීස් ආයතනය , ශ්‍රී ලංකාවේ වැඩිදියුණු වන ආර්ථික තත්ත්වයන් සහ ආයෝජක හැඟීම් හඳුනා ගැනීමට නැවත වරක් අසමත් වී ඇති බවත් , විදේශ විනිමය ගලා ඒම ඉහළ නැංවීමට ශ්‍රී ලංකා රජය සහ ශ්‍රී ලංකා මහ බැංකුව විසින් ගත් තීරණාත්මක උත්සාහයන් අතාර්කිකව නොසලකා හැර ඇතැයි ද මහබැංකු අධිපතිවරයා පෙන්වා දේ.

මුඩීස් ආයනය මෙම තක්සේරුවට පැමිණ ඇත්තේ වැරදි වේලාවක බවත් , ශ්‍රී ලංකා රජය අයවැය ඉදිරිපත් කිරීමට සැරසි ඇති මොහොතක රටේ ආර්ථික හැකියාව අභියෝගයට ලක්කරමින් ඉදිරිපත් පත්කර ඇති මෙම වාර්තාව පිළිබඳ කනගාටු වන බව ද මහ බැංකු අධිපතිවරයා සිය ට්විට්ර් සටහනේ සදහන් කර ඇත.

ශ්‍රී ලංකාවට තම ස්වෛරීත්ව බැඳුම්කර හෙවත් ඇමරිකානු ඩොලර්වලින් නිකුත් කළ බැඳුම්කර හරහා ලබාගෙන ඇති ණය ආපසු පියවීමේ හැකියාව තවදුරටත් අඩුවී ඇති බවට මුඩීස් ජාත්‍යන්තර ණය වර්ගීකරණ ආයතනය වාර්තාවක් නිකුත් කරමින් කියා සිටියේය.

අදහස් (16)

“මුඩීස්’’ අසමත් යැයි කබ්රාල් කියයි

Sunil Friday, 29 October 2021 01:11 PM

මදැයි... මහ බැංකුව බාරදුන්නු කෙනා. ඔහුයි අසමත්... පුදනකොටම කාපි යකා...

: 3 60

Royfedricks Friday, 29 October 2021 01:50 PM

ඔය වගේ ගොන් කතා ඉස්සර කිව්වේ මර්වින් සිල්වා...

: 2 67

Chamara Friday, 29 October 2021 02:07 PM

පිස්සෝ හැමවිටම හිතන්නේ අනිත් අයට පිස්සු කියලා.

: 0 47

දොලේවත්ත Friday, 29 October 2021 02:23 PM

කඩා වැටෙන ආර්ථිකයක් සහිත ග්‍රීසියේ බැඳුම්කර ආයෝජනයක් කරපු කෙනා කවුද ආයුබෝවන්?

: 2 49

Bandara Friday, 29 October 2021 02:28 PM

අපිත් එක්ක ගණුදෙනු කරන ජාත්‍යන්තර ආයතන මූඩීස් ආයතනයට වඩා කබ්රාල්ව පිළි ගන්නවානේ...!!! මේ මනුස්සයා ඇවිල්ලාත් පුදුම උද්දච්චකමක් තියෙන, තමන් තරම් දන්න කෙනෙක් තවත් නෑ කියලා හිතන් ඉන්න රට පණ්ඩිතයෙක්. මෝඩ, ඔලමොට්ටල, තකතීරු වැඩකරලා පස්ස බිම ඇණුනාම හැමදාම කලේ සිහිවිකල් වෙන්න බී ගත්ත මිනිස්සු දානවා වගේ බොරු චණ්ඩි පාට්. එහෙන් චීනය අපේ මහජන බැංකුව බ්ලැක් ලිස්ට් කළා. චීනය කෙලින්ම කලේ, උඹලාව අයිති අපිට, ඒක අමතක කරලා නිකන් චණ්ඩි පාට් දාන්න හදන්න එපා වගේ අනතුරු ඇඟවීමක්...

: 2 48

Hafeel Friday, 29 October 2021 02:38 PM

එ්ක තමයි අපිටත් මේක විශ්වාස කළ නොහැකි... මොකද්ද රනිල්, කබ්රාල්, පී.බී ජයසුන්දර, කබ්රාල් සහ ආසියාවේ හොඳම මුදල් ඇමති රවී කරුණානායකලා වගේ ආර්ථික ඔස්තාර්ලා ඉන්න මේ රටේ ඔහොම වෙන්න බැහැ...

: 2 29

sachith Friday, 29 October 2021 02:46 PM

“මුඩීස්’’ ඕනෑ නෑ.. ඔබතුමා හදන්න බයිඩීස් කියලා... දර්ශකයක්. එතකොට හරිනේ.

: 0 30

ජන හඩ Friday, 29 October 2021 03:25 PM

ඉහත අදහස් වලින් පෙනී යන දෙයක් නම් කබ්රාල්ව විවෙචනය (ඔහුගේ කාලයේ සිදුවූ දේ ජාත්‍යන්තරවත් ප්‍රසිද්ධයි) කරන විට රවී කරුණානායක හා රනිල්ගේ වැරදි ගෙනහැර දැක්වීමයි. අප රටේ මිනිසුන් එක් පක්ෂයකට ගැතිවිය යුතුයි.. කියන සංකල්පය හා වහල් මානසික දූපත් ක්‍රමය ජනයා තුළ විදහා දක්වන්නේ අද ඊයෙක සිට නොවේ. මේ විදියට කළ දුටුකළ වල ඉහගන්නා දේශපාලකයින් බිහිවී ඇත්තේද මෙවැනි අවස්ථාවාදී මිනිසුන් දේශපාලකයින්ගේ පසුපස ගොස් ඔවුන් වර්ණනා කොට වාසි ලබාගැනීමේ දීන පුරුද්ද අත් හැරීමට නොහැකිව මේ රටේ සැමදා සිටින නිසාවෙනි....

: 1 23

pradeep Friday, 29 October 2021 03:51 PM

කබ්‍රාල්ලා වගේ උගත්තු ඔය ආයතනවල නෑනේ... ඉතින් ඒගොල්ලන්ට තේරෙන්නේ නැහැ මොකුත්...

: 0 21

Nuwan Friday, 29 October 2021 04:13 PM

මහබැංකුවක් හිස්කරපු කෙනෙක් අන්තර්ජාතික පිළිගත් ආයතන වලට මෙහෙම කීම විහිළුවක්..!!!

: 0 27

asanka Friday, 29 October 2021 04:14 PM

අද රට පත්ව ඇති තත්වයට වග කිව යුත්තේ මුඩීස් ආයතනය හෝ කබ්රාල් නොව, අපට දැරිය නොහැකි අන්දමට ණය ගැනීමට තීරණය කළ මේ රට පාලනය කළ රජයන් සහ ඒවා පත් කළ උදවිය මේ තත්වයට සම්පූර්ණයෙන්ම වගකිව යුතුයි...

: 2 21

වීරවිජේ Friday, 29 October 2021 05:07 PM

ඔව් ඔව් ලෝකෙම අසමත්.. මෙයා විතරයි සමත්...!

: 1 25

wahaldeepe Friday, 29 October 2021 06:32 PM

හොරෙක් ගිය උඩක්

: 0 0

Rohana Friday, 29 October 2021 08:23 PM

මූඩිස් ආයතනය නිකම්ම ආවට ගියාට ණය වර්ගීකරණය පිළිබඳ නිගමනවලට එන්නේ නැහැ. මේ නිගමනවලට එන්නේ ලොකයේ සියළුම රටවල් සමග සංසංදනය කිරීමෙන්. සත්‍ය වසංකර සැමවිටම ආණ්ඩුව බේරාගන්න මෙවැනි මුසාවාද ඉදිරිපත් කරන්නේ තමන්ගේ පැවැත්ම සඳහා බව පෙනෙන්නට තිබේ...

: 0 0

chandima Friday, 29 October 2021 08:38 PM

එහෙමයි මහ බැංකු අධිපති ඇමැතිතුමෝ...

: 0 1

Lalith M Saturday, 30 October 2021 12:04 AM

ගොන් කබරයා සහ එයාගේ අති බුද්ධිමත් මුදල් ඇමති වගේ තකතීරු හොරු මූඩීස් වගේ ආයතන වල නෑ. ඒක නිසා අපේ රටේ කෙරෙන හොර ක්‍රියාදාම නොතේරීම පුදුම නෑ.

: 0 0

ඔබේ අදහස් එවන්න

එසැණ පුවත්

පාරිභෝගික අධිකාරියේ විමර්ශන අංශය විසුරුවයි

2024 නොවැම්බර් මස 17 220 0

පාරිභෝගික කටයුතු පිළිබඳ අධිකාරියේ විමර්ශන අංශය විසුරුවා හැරි බව එම අධිකාරියේ උසස් නිලධාරියෙක් පැවසීය.

උණ රෝගයක් හේතුවෙන් සෙබලු පිරිසක් නිරෝධායනයට

2024 නොවැම්බර් මස 17 106 0

මන්නාරම, වෙඩිතලතිව් යුද හමුදා පුහුණු කඳවුරේ පුහුණුව ලබන සෙබළුන් අතර උණ රෝගයක් පැතිරයාම හේතුවෙන් එම කඳවුරේ සෙබළුන් පිරිසක් කඳවුර තුළ නිරෝධායනය කිරීමට

ජපුරෙන් පාර්ලිමේන්තුවට ආදී විද්‍යාර්ථයින් 22ක්

2024 නොවැම්බර් මස 17 339 0

පාර්ලිමේන්තු මහ මැතිවරණයට ජාතික ජන බලවේගයෙන් ඉදිරිපත් වූ ශ්‍රී ජයවර්ධනපුර විශ්ව විද්‍යාලයේ විද්‍යාර්ථීන් 24දෙනාගෙන් විසි දෙදෙනෙකුම පාර්ලිමේන්තුවට

නවසීලන්තය ලකුණු 209 යි

2024 නොවැම්බර් මස 17 25 0

සංචාරක නවසීලන්ත පිල සහ ශ්‍රී ලංකා පිල අතර තරග තුනකින් සමන්විත එක්දින ක්‍රිකට් තරගාවලියේ මහනුවර පල්ළෙකැලේ ජාත්‍යන්තර ක්‍රිකට් ක්‍රීඩාංගනයේ දැන් පැව

නව අගවිනිසුරු මුර්දු ප්‍රනාන්දු

2024 නොවැම්බර් මස 17 268 0

ශ්‍රේෂ්ඨාධිකරණ විනිසුරු මුර්දු ප්‍රනාන්දු මහත්මිය නව අග විනිසුරු ලෙස පත්කිරීමේ නිර්දේශය ආණ්ඩුක්‍රම ව්‍යවස්ථා සභාව අනුමත කර ඇත.

ගුවන් ගමන් තුනක් අවලංගු කරයි

2024 නොවැම්බර් මස 17 1962 0

කටුනායක ගුවන් තොටුපොළ වෙත පැමිණි ශ්‍රී ලන්කන් ගුවන් යානා 03 ක් තාක්ෂණික දෝෂවලට ලක් වීම නිසා , ගුවන් ගමන් වාර කීපයක් අවලංගු කර , තවත් ගුවන් ගමන් වාර කීපයක්