ඉදිකිරීම් කටයුතු අතරමග නතර කළ පරෙයිපඤ්ඤන්- ඊච්චන්කුලම් උස්සාන ජල යෝජනා ක්රමය හේතුවෙන් එම ප්රදේශයේ ජනතාවගේ ජීවිත හා දේපළවලට තර්ජනයක් එල්ලවීමේ අවදානමක් ඇතැයි ආර්ථික සංවර්ධන විශේෂඥ ආචාර්ය කරුණාරත්න පල්ලේගෙදර මහතා කියයි.
ආචාර්ය කරුණාරත්න මහතා කන්තලේ ඉපිද ඇමරිකාවේ හොනලූලු සරසවියෙන් ආචාර්ය උපාධිය දිනා ගත්තේය. ඔහු කියනුයේ පානීය ජලය සඳහා මේ වැව ලොව ස්වභාවික වැව් අතරින් ඉස්තරම්ම තත්ත්වයේ පවතින බවයි. පරෙයිපඤ්ඤන් කියන්නේ ‘කුරුල්ලන් පනින වැව‘ යන්නයි.
අදාළ වාරි යෝජනා ක්රමයේ මූලික ඉදිකිරීම් පමණක් කර ඇති අතර තඹලගමුව පරෙයිපඤ්ඤන් වැවේ සිට ඊච්චම්කුලම දක්වා කොන්ක්රීට් බට මාර්ගයෙන් ජලය රැගෙන යාමට සැලසුම් කර තිබේ. කිං පරෙයි පඤ්ඤන් උස්සාන ජල යෝජනා ක්රමය කිංපරෙයි පඤ්ඤන් වැවේ සිට පිටතට කොන්ක්රීට් බට එළා තිබේ. වැව් බැම්ම ඉක්මවා නොයන එම බටයෙන් ගලා එන ජලයෙන් බැම්ම සෝදා පාළුවට ලක්වන බව ඒ මහතා පෙන්වා දෙයි.
බැම්මේ පස් ඉවත් කළ කොටස නැවත සම්පූර්ණයෙන් වසා නැත. අඩි දහයක් පමණ ගැඹුරු හා පළල කැපුම් කඩක් බැම්ම හරහා දකින්නට ලැබේ. මෙම කැපුම්කඩ හරහා වැව් ජලය පිටතට ගලා ඒම වැළැක්වීමට වැලි කොට්ට යොදා ඇති අතර ඉදිකිරීම් ආරම්භ කළ සොරොව්වේ වැඩ අවසන් කර නැත. එබැවින් සොරොව්වට සම්බන්ධ කර ඇති බට හරහා ගලායන ජලය පාලනය කිරීමටද ක්රමයක් නැත.
‘‘මේක විශාල අනතුරක් දින දෙක තුනක් එක දිගට වැස්සොත් මෙතැනින් වතුර පිටවෙලා බැම්ම කඩාගෙන යනවා. දැනටමත් බැම්මේ කොටසක් සෝදා පාළුවට ලක්වෙලා. බැම්ම බිඳුනොත් වැවට පහළින් පදිංචි වී සිටින පවුල් දහස් ගණනක් ලොකු අනතුරකට ලක්වෙනවා. කොන්ක්රීට් වේල්ලක් සහිත ජලාශයකින් නම් මැදින් බටයක් දාලා ජලය පිටතට ගන්න පුළුවන්. නමුත් පස් බැම්මක් කපලා ඒ වැඩේ කරන්න අමාරුයි. මේක ජල පෝෂිත ප්රදේශයකින් වටවූ දුර්ලබ වැවක්.‘‘ යැයි ආචාර්ය පල්ලේගෙදර මහතා පැවසීය.
මෙම යෝජනා ක්රමයට රුපියල් මිලියන තිස්තුනක් වෙන්කළ බවත් පරෙයිපඤ්ඤන් වැවෙන් ඊච්චම්කුලම් වැවට ජලය ලබාගැනීමට ඇති පහසුම ක්රමය එය බවට වාරි ඉංජිනේරුවන් නිර්දේශ කළ බවත් හිටපු ආර්ථික සංවර්ධන නියෝජ්ය ඇමැති සුසන්ත පුංචි නිළමේ මහතා කීවේය. යම් යම් ගැටළු හේතුවෙන් නියමිත කාලයට වැඩ අවසන් කළ නොහැකි වූ බවත් ඒ අතරතුර ආණ්ඩු මාරුවෙන් කරගෙන ආ සංවර්ධන කටයුතු නතර කළ බවත් මේ යෝජනා ක්රමයද ඒ අනුව අතරමග නතරවිම හේතුවෙන් විශාල අනතුරක් ඇතැයි තමාද පිළිගන්නා බවත් පුංචි නිළමේ මහතා කීවේය.
මහ මැතිවරණය සඳහා අවශ්ය වන රුපියල් කෝටි 1100 ක මුදල නිදහස් කිරීමේ බලපත්රය සඳහා ජනාධිපතිවරයා අත්සන් තබා ඇතැයි මැතිවරණ කොමසාරිස් ජනරාල් සමන් ශ්රී රත
ශිෂ්යත්ව විභාගයට කලින් සාකච්ඡා වූවා යැයි හඳුනාගෙන ඇති ප්රශ්න තුන සඳහා විභාගයට පෙනී සිටි සියලුම දරුවන්ට ලකුණු ලබාදීම සුදුසු බව අදාළ ගැටලුව සම්බන්ධ
හැත්තෑ පස්වන යුද හමුදා දිනය නිමිත්තෙන් යුද හමුදා ධජයන්ට සෙත් පැතීමේ විශේෂ උත්සවය යුද හමුදාපති ලුතිනන් ජෙනරාල් විකුම් ලියනගේ මහතා ඇතුළු ඉහළ හමුදා නිල
අධ්යයන පොදු සහතික පත්ර සාමාන්ය පෙළ විභාගයේ 2023(2024) ප්රතිඵලවලට අනුව දිවයිනේ ප්රථම ස්ථානය හිමිකර ගැනීමට ගාල්ල සංඝමිත්තා බාලිකා විද්යාලයේ හිරුණි මල
අද (29) සිට පෘථිවියට නව සඳක් එසේත් නැතිනම් චන්ද්රයෙක් එක්වෙනු ඇති බවට තාරකා විද්යාඥයෝ පැහැදිලි කරති. මෙම නව සඳ කුඩා ග්රහකයකි.
ශ්රී ලංකා ක්රිකට් කණ්ඩායමේ ප්රධාන පුහුණුකරු ලෙස සනත් ජයසූරිය මහතා වසර කාලයක් සඳහා පත්කිරීමට ශ්රී ලංකා ක්රිකට් ආයතනය තීරණය කර තිබේ.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘මැණික් ගලේ පය හැපුනට කණා ඇහිඳලා ගනීද‘