(අංජුල මහික වීරරත්න සහ සුජිත් හේවාජුලිගේ)

රජය නියෝජනය කරන පාර්ලිමේන්තු මන්ත්‍රීවරයකුගේ හිතවතුන් මොනරාගල බඩ ඉරිගු වගා බිම් අක්කර දහස් ගණනක හරක් ගෙන ගොස් දැමීම නිසා ගොවීන්ට බඩඉරිඟු වගා කරගන්නට නොහැකි වී ඇතැයි සමගි ජන බලවේගයේ පත්කළ මන්ත්‍රී රංජිත් මද්දුමබණ්ඩාර මහතා පාර්ලිමේන්තුවේදී පැවසීය.

මෙම දේශපාලන හිතවතුන් ගොවීන්ට වගා කිරීමට ඉඩ දෙන්නේ නැතැයිද කී මද්දුමබණ්ඩාර මහතා වගා කරන්නට තිබෙන ඉඩම් වලට  හරකුන් තණ උලා කන්නට ගෙන ගොස් දැමීම නිසා  ගොවීන්  බඩඉරිඟු වගා කිරීම නතර දමා  ඇතැයි සඳහන් කළේය.

ගොවියාට සලකන්නේ මෙහෙම දැයි ප්‍රශ්න කළ මද්දුමබණ්ඩාර මහතා කුකුල් මස් මිල අහස උසට නැග තියෙන්නේ බඩ ඉරිඟු නිෂ්පාදනය නැති නිසා බවද කීය.

බිත්තර  නිෂ්පාදනය සියයට 40කින් අඩු වී ඇති අතර හෙක්ටයාර  එක් ලක්ෂ විසි දාහක් වවපු බඩ ඉරිඟු වගාව දැන් හෙක්ටයාර 40,000කට පහත බැස තිබෙන බවද මද්දුමබණ්ඩාර මහතා  සඳහන් කළේය.