මැති සබේ කෑම වේලේ ගණන් උස්සයි

(සුජිත් හේවාජුලිගේ සහ අංජුල මහික වීරරත්න)

පාර්ලිමේන්තු මන්ත්‍රීවරුන්ගේ ආහාර සඳහා දෛනිකව අය කළ ගාස්තුව රුපියල් 2000 ක් දක්වා රුපියල් 1550 කින් ඉහළ දැමීමට පාර්ලිමේන්තු ගෘහ කාරක සභාවේදී අද (23) තීරණය කෙරිණ.

පාර්ලිමේන්තු මන්ත්‍රීවරුන්ගේ දෛනික ආහාර වෙල සඳහා මෙතෙක් අය කෙරුණේ රුපියල් 450 කි.

එසේම පාර්ලිමේන්තු භෝජනාගාරයේ උදේ ආහාර වේලක් මෙතෙක් අය කෙරුණු රුපියල් සීයක ගාස්තුව රුපියල් 600 ක් ලෙසත් රුපියල් 300ක් ලෙස පැවැති දිවා ආහාර වේල රුපියල් 1200ක් ලෙසත් ඉහළ දමා ඇත

මෙයට අමතරව රුපියල් 50ක් ලෙස පැවැති තේ එකක මිල රුපියල් දෙසීයක් දක්වාත් ඉහළ දමා ඇත.

මෙම නව මිල ගණන් ලබන මස 1 වැනිදා සිට ක්‍රියාත්මක කෙරේ.

කෙසේ වෙතත් පාර්ලිමේන්තුවේ විධායක ශ්‍රේණියේ නිලධාරීන්ගෙන් අය කෙරෙන ගාස්තු ඉහළ නොදැමීමට තීරණය කළ බව එම කමිටු ආරංචි මාර්ග සඳහන් කළේය

අදහස් (15)

මැති සබේ කෑම වේලේ ගණන් උස්සයි

රුවන්සිරි Thursday, 23 January 2025 05:39 PM

වැටුප සොයා බලා පරීක්ෂාකර දෙනතුරු නොගෙන බැංකුවේ තැන්පත් කරන අයට දැන්නම් ඒක අතටම ගන්න වෙනවා. එහෙම නැත්නම් අවට පරිසරයෙන් සොයාගන්නම වෙනවා. එක් අතකින් බලනවිට වරදකුත් නැහැ පැමිනීම වෙනුවෙනුත්, දිනකට දෙතුන් දාහක් ලැබෙනවාලුනේ...!

: 29 45

SAMThursday, 23 January 2025 07:48 PM

පාර්ලිමේන්තුවේ කෑම වේල ගැන කතාකරනවාට වඩා රටේ පුරවැසියන් මුහුණ දෙන්නා වූ විශාල ගැටළු ප්‍රමාණයක් විසඳීමට ඇත. සහල් පොල් ගැටළුව මේ අතරින් ප්‍රධාන වේ. රටේ පුරවැසියනට ලබාදුන් පොරොන්දු සියල්ල අමතක කර මාලිමා ආණ්ඩුව නැටුම් ගැයුම් වැයුම් වලින් සමන්විත නර්තන කණ්ඩායමක් මෙන් පාර්ලිමේන්තුව තුළ සහ පිටත ක්‍රියාකිරීම කණගාටු දායක වේ. මාලිමා JVP භාෂාවෙන් පැහැදිලි කළහොත් කෙඳිරියක් නොමැතිව සේවය කිරීමට තීන්දු ගැනීමට වර්තමාන රජයට 2/3 බලයක් රටේ පුරවැසියන් ලබාදී ඇත. 2/3 බලය යනු බුද්ධිමත්ව තීන්දු ගතහොත් රටට විශාල සේවයක් කිරීමට බලයක් ලබාදී ඇත.. පුරවැසියන් ලබාදී තිබෙන්නා වූ 2/3 බලයේ වගකීම සහ වගවීම හඳුනා නොගෙන හෝ පටලවාගෙන හෝ යොදාගනිමින් පාර්ලිමේන්තුව තුළ සහ පිටත JVP දේශපාලනයක් කිරීමට කටයුතු කළහොත් 2/3 බලය යනු දැඩි අනතුරක් බවද තේරුම්ගත යුතුවේ. රාජ්‍ය පාලනය සහ සිල්ලර (retail politics) දේශපාලනය වෙන්වෙන්ව හඳුනා ගැනීමට හෝ ඉන් මිදීමට මාලිමා jvp හවුල් ආණ්ඩුව අපොහොසත්ව තිබේ...

: 71 106

ගමේ එකාලා Thursday, 23 January 2025 05:48 PM

හොඳ දෙයක්. බඩජාරී කමට කෑවා... මදිවෙලා ගෙවල් වලටත් අරන් ගියා. ජනතාවගේ රීරී මාන්ස හූරාගෙන කාපු විපක්ෂයේ අයට නම් දුක ඇති...!

: 106 87

SedirisSaturday, 25 January 2025 07:51 AM

කැන්ටිම සුද්ධ වෙන්නම කෑවේ මාලිමාවෙ සෙට් එක. ඔවුන්ගෙන් බහුතරේ එදා වේල කන්න නැති ගොඩයින්. අනිත් අය වෙන අයගෙන් හම්බෙන දේවල්නේ කෑවේ. විපක්ශෙ අය තමන්ගේම කියලා ව්‍යාපාර තියෙන, සල්ලි තියෙන මිනිස්සු. ඕකේ තියෙන කෑමවලට වඩා හොඳ ඒවා ඕනෑ තරම් කන්න සල්ලි තියෙනවා. අන්තිමට කෑම සුද්ධ කරපු ලැජ්ජාව වහගන්න ගාන වැඩිකළා. ඔය කෑම කතාව ඇදලා ගත්තෙත් මාලිමාවමයි.

: 1 0

බද්රානි Thursday, 23 January 2025 07:40 PM

බලාගෙන ගියාම, පහුගිය කාලේ අපි අඩු ගානට කන්න දීලා පෝෂණය කරලා තියෙන්නේ තඩි ඌරෝ රැළක්නේ...!

: 66 85

පුරවැසියා Thursday, 23 January 2025 09:04 PM

පව් අප්පා මාස දෙකක් දන්සල් බත් කාපු අයට වෙච්චි දෙයක්...

: 0 18

ලසා Thursday, 23 January 2025 10:14 PM

මේවා නම් රටේ ආර්ථිකයට දැනෙන දේවල් නෙමෙයි. අර මහ පරිමාණ හොරු ටික අල්ලන එක ඊට වඩා වැදගත්!

: 2 17

Nandalal DE SILVA - France Thursday, 23 January 2025 10:39 PM

මාරයි නේ ගණන් ඉහළ ගිය හැටි. සාමාන්‍ය ජනතාවගේ කෑම බීම ඉහළ යන හැටි දැකලා දුක හිතුණ මාලිමාව. දියවන්නා රංචුවගෙත් කෑම ඉහළ දැමීම සාධාරණයි. දැන් ඉතිං දියවන්නාවේ පිනට වගේ ගොස්තර පුරව ගත්ත රංචුවම හිටන් මහත්තයා වගේ හාමිනේ හදලා කෙහෙල් කොළේ ඔතන් ආපු බත් ගෙඩිය වගේ කරයි. බත් කාලා ඉවර වුණාම මදිනම් මේ මිහිහරකුන්ට කන්න කෙහෙල් කොළොත් තියෙනවා නේ. කාලා වරෙන්කෝ දැන්.

: 20 6

Jayamanna Friday, 24 January 2025 12:21 AM

පසුගිය සතියේ විපක්ෂ මන්ත්‍රීවරුන්ගේ විරෝධය මත බහුතර ජෙබියෝ විසින් ගිල දැමූ නොමිලේ ආහාරවල මිල වැඩි කිරීමට ජෙබ්බයියෝට සිදුවිය. නැත්තම් මේ කතා කරන වැඩකට නැති මෝඩයෝ එහෙම කරන්නේ නැහැ. දැන් ජෙබ්බයියෝ උන්ටම තිත්ත න්‍යාය මතක් කරලා.

: 1 31

Kamal Friday, 24 January 2025 04:06 AM

බද්‍රානි පූම් වෙලා.

: 0 26

Perera Friday, 24 January 2025 04:27 AM

මාලිමා රජයක් ආව නිසා හොඳයි, නැත්නම් අර තට්ටු මාරු ක්‍රමෙට හිටපු උන් තවමත් අපිව හූරන් කනවා.

: 24 3

Wijekon Friday, 24 January 2025 05:31 AM

කවුරු හෝ මංත්‍රී කෙනෙක් ගමේ අහිංසකයෙක් කනවා වගේ පාන් භාගෙකින් හා පරිප්පු දීසියකින් උදේ ආහාරය ඉල්ලුවොත් හෝ ලුනු මිරිස් සමග කිරිබත් කෑලි දෙකක් කෑවත් උදේ කෑමට 600/=ක් ගන්නවද .එහෙම නැත්නම් මංත්‍රීලා සදහා කෑම දෙන්නෙ ෆැකේජ් එකකටද .

: 0 14

B Amarasinghe Friday, 24 January 2025 06:02 AM

විධායක ශ්‍රේණිය ඇවිල්ලා අමුතු කට්ටියක්ද?

: 10 1

Pubu Friday, 24 January 2025 07:43 AM

අමතක කරන්න එපා.,, මෙම ජාත්‍යන්තර බුෆේ දිවා ආහාරය සහ ඉහළ තේ, කට්ටල මෙනුවෙන් දිවා ආහාරය නොවේ. එබැවින් එය වෙළඳපල අනුපාතයට සාපේක්ෂව තවමත් ඉතා අඩුය. නැවතත්, මෙම පිරිවැය වසන් කිරීම සඳහා, රජයේ නිලධාරීන්ට සහන අනුපාතිකය අඛණ්ඩව ලබා දීමෙන් රජය විසින් කරන ලද උපක්‍රමයකි.

: 2 30

රට වැසියා Friday, 24 January 2025 09:28 AM

අනේ අපිට නම් පාර්ලිමේන්තුවේ කෑම එක කොච්චර ගනං ගියත් කමක් නැ! ප්‍රශ්නේ තියෙන්නේ රටේ බහුතරය එදි නෙදා විඳින දුක මේ ආණ්ඩුව තේරුම් ගන්නේ නැති එකයි!

: 2 23

ඔබේ අදහස් එවන්න

එසැණ පුවත්

මනම්පිටියේ ආගමික මධ්‍යස්ථානයක් අසල වෙඩි තැබීමක්

2025 අප්‍රේල් මස 18 1195 0

මනම්පිටියේ පවත්වාගෙන යනු ලබන ආගමික මධ්‍යස්ථානයක් අසල මීට සුළු වේලාවකට පෙර වෙඩි තැබීමක් සිදුව ඇතැයි පොලිසිය කියයි.

පිල්ලෙයාන් රියදුරු ලෙස කටයුතු කළ අයෙකු අත්අඩංගුවට

2025 අප්‍රේල් මස 18 921 0

නැගෙනහිර විශ්වවිද්‍යාලයේ හිටපු උපකුලපතිවරයෙකු වු මහාචාර්ය සිව සුබමනියම් රවින්ද්‍රනාත් මහතා අතුරුදන් කිරීමේ සිද්ධියට අදාළව හිටපු රාජ්‍ය අමාත්‍ය ස

මදුරු මර්දකයෝ 1103ක් හොර පාරෙන් අරන්

2025 අප්‍රේල් මස 18 378 0

සෞඛ්‍ය අමාත්‍යාංශය ක්ෂේත්‍ර මදුරු මර්දන සහයකයන් 1103 දෙනෙකු සේවයේ යොදවා තිබුණත් මෙම තනතුරු සඳහා පසුගිය වසරේ මාර්තු මාසය දක්වා විධිමත් අනුමැතියක් ලබාග

දින 30ක් ජීවත් වෙන්න ලක්ෂයක මුදලක්

2025 අප්‍රේල් මස 18 1164 0

ශ්‍රී ලාංකික පවුලකට සිය ආහාර සහ ආහාර නොවන අවශ්‍යතා ඉටුකර ගැනීම සඳහා සාමාන්‍යයෙන් මාසිකව රුපියල් ලක්ෂයකට වඩා වැඩි මුදලක් අවශ්‍ය බව ලෝක ආහාර වැඩසටහනේ න

සුනිල් සේනානායක දිවි සැරිය නිම කරයි

2025 අප්‍රේල් මස 18 1147 0

එක්සත් ජාතික පක්ෂ දකුණු පළාත් සභා හිටපු මන්ත්‍රිවරයෙකු වූ සුනිල් සේනානායක මහතා අභාවප්‍රාප්ත විය.

මත්පැන් අළෙවිසැල් 3කට මුද්‍රා තබයි

2025 අප්‍රේල් මස 18 708 0

අලුත් අවුරුදු උත්සව සමයේ කළ වැටලීම්වලදී නීති විරෝධීව මත්පැන් අළෙවි කළ සුරාබදු බලපත්‍ර හිමි මත්පැන් අළෙවිසැල් තුනකට මුද්‍රා තැබූ බවත් එම මත්පැන් අළෙව