බොහෝ දෙනෙක් ආදරය කරන හැඩකාර කටකාර ලෝචනා ඉමාෂි මේ දිනවල උතුම් මව් පදවිය ලබන්න සූදානම් වෙමින් ඉන්නේ. ඉතිං අපි හිතුවා ලෝචනා ඉමාෂි එක්ක කතා කරන්න.
ඉතාමත් හොඳින්, සතුටින් ඉන්නවා. ජීවිතය හරිම සුන්දරයි.
ලෝචනා උතුම් මව් පදවියට සුදානම් වෙන කාලේ කොහොමද?
මගේ ජීවිතේ පළමු අත්දැකීම තමා මම මේ කාලෙ ලබන්නේ. ඉතිං ආසයි. මොකද මම දන්නෙ නෑනෙ කොහොමද බබෙක් ලැබෙන්න ඉන්නකොට දැනෙන දේ කොයි වගේද කියලා. පුදුම කතුහලයකින් ඉන්නේ මම. ඉවසිල්ලක් නැති තරම් ආසාවෙන්. මොකද එයාලගෙ පවුලේ පිරිමි අය තමා වැඩි. නමුත් අපේ පවුලෙ ගත්තොත් ගැහැනු ළමයි වැඩියි. ඒත් අපිට දුවෙක් ලැබුණත් පුතෙක් ලැබුණත් අපිට එකයි. මොකද ඒ අපේ බබානෙ. අපිට ලැබෙන දරැවා බාරගන්න ආසාවෙන් බලන් ඉන්නවා.
බබා ලැබෙද්දි මහත්තයා ලංකාවට එනවද?
ඔව්. එයා මම එද්දි ලංකාවට ආවා. මාස දෙකක් විතර මාත් එක්ක ඉඳලා ගියා. බබා ලැබෙන්න කිට්ටු වෙද්දි ආය එනවා.
බබා ලැබුණට පස්සෙ ලෝචනා විදෙස් ගත වෙනවද?
එහෙම තමා හිතන් ඉන්නේ. බබාටත් වීසා ලබා ගන්නත් එක්ක ගිහින් එන්න තමා අදහස.
දිගටම එහේ ඉන්නද අදහස?
නෑ දිගටම එහෙ ඉන්නවා කියන තීරණයක නැහැ. ඒක බලන්න ඕන බබාගෙ අනාගතේ සහ මගේ වැඩකටයුතුත් එක්ක තමා.
බබා ලැබුණාට පස්සෙ ආයේ රඟපානවද?
ඔව්. මොකද මම විදෙස් ගත වුණත් ඒ දේවල් අතහැරියේ නැහැ. මම ලංකාවට ආපු අවස්ථාවල ඒ ලැබුණ නිර්මාණවලට දායක වුණා. මේ සැරෙත් මම ලංකාවට ඇවිත් නිර්මාණ කිහිපයක් කළා. මේ දවස්වල බබා ලැබෙන්න ඉන්න නිසා පොඩ්ඩක් නතර කරලා තියෙනවා. මොකද අපිට වුණත් කලාවෙන් ඈත්වෙලා ඉන්න බැහැ. මට මගේ මවුපියන්, ආච්චි නංගිලා මේ හැමෝම උදව් කරනවා. ඉතිං රගපෑමෙන්, නිවේදන කටයුතු වලින් ඈත් වෙන්නේ නැහැ. ඒ දේවල් මම ඉදිරියටත් කරනවා.
මහත්තයගේ විරැද්ධතා නැද්ද රඟපානවට?
අනේ නැහැ. මගේ මහත්තයා ලසන්තත් කලාවට සම්බන්ධයි. නිෂ්පාදකවරයෙක්. ඉතිං එයා කලාවට ගොඩක් ආදරෙයි. මගේ වෙලාවට මට ලැබුණ මහත්තයා මට නීති රීති දාන කෙනෙක් නෙවෙයි. මම රඟපානවට අකමැත්තක් නැහැ. මගේ කැමැත්තට ඉඩ දීලා තියෙනවා. ඉදිරිය තීරණය වෙන්නේ මගේ කැමැත්තට තමා.
රසික රසිකයෝ ගොඩක් දෙනෙක් ඔබට ආදරෙයි. විදෙස් ගතවුණාම කොහොමද ඒ ජනප්රියත්වය දැනුණේ
අම්මෝ, ඒ ගැන නම් විදෙස් ගතවුණාම තමා තදින්ම දැනුණේ. මොකද ලංකාවේදී නිදහසක් නෑ කියලා හිතට දැනුණු අවස්ථා නැතුව නෙමෙයිනේ. නමුත් පිටරටකට ගියාම කතා කරන්න කවුරැත් නැහැ. කවුරැත් අඳුනන්නෙ නැහැ. ඒ වෙලාවට තමා ලංකාවේ තිබුණ සුහදකමේ වටිනාකම තදින්ම දැනුණේ. අනිත් පැත්තෙන් රඟපෑම තුළින් පවා ඈත්වෙලා ඉද්දී වටිනාකම මට තදින් දැනුණා.
විදෙස් ගතවීමට සිදුවීම පිළිබඳ දුකක්ද තියෙන්නේ
දුකක් නෙවෙයි. මම ඒ කාලේ ඒ රටේ විදිහට හැඩ ගැසුණා. ජීවත්වුණා. මගෙන් මහත්තයට වෙන්න ඕන යුතුකම් ඉටු කළා. ඒ දේවල් එක්ක සතුටින් හිටියා. නමුත් ආයේ ලංකාවට ආවේ කලාවට තියෙන ආසාව වැඩිවෙලා කිව්වොත් හරි.
මොනවද ලෝචනා අනාගත බලාපොරොත්තු
දැනට එකම බලාපොරොත්තුව මව් පදවිය. කොහොමත් මම ලොකු බලාපොරොත්තු එක්ක ජීවත් වන කෙනෙක් නෙවෙයි. නමුත් මම ගිය ආත්මෙක කරපු පින් කටයුතු නිසා වෙන්න ඇති මගේ මවුපියන්, මගේ සැමියා ඒ වගේම මෙතෙක් මගේ ජීවිතය සාර්ථක වුණේ. ඉතින් ඉදිරියත් මට හොඳ වේවි. බබා ලැබුණට පස්සෙ බබාගෙ වැඩත් එක්ක හොඳින් පවුල් ජීවිතය ගතකිරීම තමා බලාපොරොත්තුව.
අනූෂා රණසිංහ
ඉරානය සම්බන්ධයෙන් කළ ප්රකාශයක් මුල්කොට ගනිමින්, එක්සත් ජාතීන්ගේ මහ ලේකම් ඇන්තෝනියෝ ගුටරේස්ට ඊශ්රායලයට ඇතුළුවීම තහනම් කිරීමට ඊශ්රායල අග්රාමාත්
හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර් සම්පන්දන් මහතාට ලබා දී තිබූ කොළඹ 7 මහගමසේකර මාවතේ පිහිටි නිල නිවස ඔහු මිය ගොස් මාස තුනකට ආසන්න ක
ඇඹිලිපිටිය මහගම ප්රදේශයේ තිරිවාන නිධිය කැනීම සම්බන්ධයෙන් කිසිදු ඉදිරි පියවරක් නොගන්නා බව නීතිපතිවරයා අභියාචනාධිකරණයට ඊයේ (02) පොරොන්දු විය.
ජාත්යන්තර මූල්ය අරමුදල සමඟ වන වැඩසටහනට අදාළව ජනාධිපති අනුර කුමාර දිසානායක මහතා ප්රමුඛ නව රජයේ ඉදිරි වැඩපිළිවෙළ පිළිබඳ සොයා බැලීමට ජාත්යන්තර මූල
තල් සංවර්ධන මණ්ඩලය තල් රා තල් වයින් සහ තල් අරක්කු ඇතුළු තල් ආශ්රිත නිෂ්පාදන අපනයනයෙන් පසුගිය වසර දෙකේ දී රුපියල් කෝටි 12 කට වැඩි ආදායමක් උපයාගෙන ඇතැයි
හිස කෙස් සැකසීම සඳහා ආලේපනයක් ගැල්වීමෙන් පසු කාන්තාවකගේ කෙස්කලඹ ගැලවී යාමේ සිද්ධිය සම්බන්ධයෙන් පොලිසිය සොයමින් සිටි රූපලාවණ්යාගාරයේ හිමිකාරිය අ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මමත් ළඟදිම අම්මා කෙනෙක්