අයි. පී. එල්. තරගාවලියේ තරග කිහිපයක ප්රතිඵල වෙනස් කරවාගැනීම සඳහා තමන් ශී්ර ලාංකික කී්රඩකයකුට ඉන්දීය රුපියල් මිලියන 100 ක මුදලක් දුන්නේ යැයි ඉන්දීය බුකිකරුවකු ප්රකාශ කළ බව වාර්තා වේ. මුම්බායි පොලිස් වාර්තා උපුටා දක්වමින් ‘ටයිම්ස් ඔෆ් ඉන්දියා’ පුවත් පත මේ බව පසුගිය සෙනසුරාදා (19 වැනිදා) වාර්තා කළේය. මෙම ප්රකාශය සම්බන්ධයෙන් ශී්ර ලංකා කි්රකට් ආයතනයේ ලේකම් නිශාන්ත රණතුංග මහතාගෙන් ඊයේ (20 වැනිදා) කළ විමසීමකදී ඒ මහතා කියා සිටියේ එවැන්නක් පිළිබඳ කිසිදු පැමිණිල්ලක් ලැබී නැති බව ඉන්දීය කි්රකට් පාලක මණ්ඩල නිලධාරීන් තමන්ට සහතික කළ බවයි ”බුකිකරුවකු විසින් කරන ලදැයි කියන මේ ප්රකාශය සත්ය එකක් ලෙසින් අපට බාරගන්න බෑ. ඔවුන් බලන්නේ අවධානය තමන් වෙත ඇදගන්නයි” ”අපේ කී්රඩකයන්ව අපට සියයට 100 ක් විශ්වාසයි. ඇරත් මේ තරම් කාලයකට ශී්ර ලංකාවේ කිසිම කී්රඩකයකුට එවන් චෝදනාවක් එල්ල වෙලාත් නෑ” යයිද රණතුංග මහතා වැඩිදුරටත් පැවසීය. මුදලට තරග පාවාදීම සම්බන්ධයෙන් ඉන්දීය කී්රඩකයන් පස් දෙනකුට තාවකාලික තරග තහනමක් පැනවීමට ඉන්දීය කි්රකට් පාලක මණ්ඩලය මේ වන විටත් පියවර ගෙන ඇත. එම කී්රඩකයන්ට එල්ල වී ඇති චෝදනා සම්බන්ධයෙන් දැනට පරීක්ෂණ කටයුතු කෙරෙමින් පවතී. මුදලට තරග පාවාදීමට සම්බන්ධ වූයේ යයි සැකපිට සෝනු යෝගෙන්ද්ර ජලාන් සහ දේවේන්ද්ර ශී්රපාල් දෙදෙනා මුම්බායි පොලිසිය විසින් අත්අඩංගුවට ගන්නා ලදි. ඔවුන් පවසා ඇත්තේ අයි. පී. එල්. තරග පාවාදීම සඳහා ශී්ර ලංකාවේ කී්රඩකයකුටත් ඉන්දීය රුපියල් කෝටි 10 ක් (ශී්ර ලංකාවේ මුදලින් රුපියල් කෝටි විසිතුන හමාරක්) ගෙවන ලද බවයි. මේ අතර ලබන සැප්තැම්බර් මාසයේදී ශී්ර ලංකාවේදී පැවැත්වෙන විස්සයි/20 ලෝක කුසලාන තරගද ගණිකාවන් යොදවා ගනිමින් මුදලට පාවාදීම සඳහා උත්සාහයක් තිබෙන බවත් ටයිම්ස් ඔෆ් ඉන්දියා පුවත් පත වාර්තා කර තිබිණ. ඒ සඳහා 170 දෙනකුගෙන් සමන්විත පිරිසක් ශී්ර ලංකාවට පැමිණීමට සූදානමින් සිටින බවද නවදිල්ලි පොලිසිය කියයි. ටයිම්ස් ඔෆ් ඉන්දියා වාර්තාවට අනුව බංග්ලාදේශයේ පැවැති විස්සයි/20 තරගද මුම්බායි ඒජන්තයන්ගේ උවමනාකම් පරිදි මුදලට පාවා දී ඇති බවට තොරතුරු අත්අඩංගුවට පත් අයකු සතුව තිබේ. මෙම තැනැත්තිය ‘කොකේන්’ නැමැති මත්ද්රව්ය ලග තබාගෙන සිටි අතර ගණිකාවන් 8 දෙනකුද සමගින් පසුගිය මාර්තු 31 වැනිදා ශී්ර ලංකාවට පැමිණීමට සූදානමින් සිටියාය. එහෙත් පසුව එම ගමන අවලංගු කර දමන ලදි. මෙම තැනැත්තිය සහ බුකි කරුවන් අතර රැස්වීම් ගණනාවක් කොළඹ ප්රධාන පෙළේ හෝටල ගණනාවකදීම පැවැත්වීමටද නියමිතව තිබුණ බව ඉන්දීය පොලිසිය කියයි. ඇතිවීගෙන යන සිදුවීම් සම්බන්ධයෙන් ඉන්දීය පොලිසිය විසින් අන්තර්ජාතික කි්රකට් සභාවටද පැමිණිලි කර තිබෙන බවත් ටයිම්ස් ඔෆ් ඉන්දියා පුවත් පත කියයි.
ශ්රේඨාධිකරණය නියෝගයට පටහැනිව කටයුතු කළ පතල් කාර්යාංශයේ අධ්යකෂ ජනරාල්වරයාට එරෙහිව අධිකරණයට අපහාස කිරීම සම්බන්ධයෙන් පියවර ගැනීමට බලාපොරොත්තු වන බ
කුකුළේගඟ ජලාශයේ ගඟ ඉහළ ජල පෝෂක ප්රදේශවලට පවතින වර්ෂාව හේතුවෙන් ජලාශයේ වාන් දොරටු දෙකක් අද (27) විවෘත කර ඇතැයි බුලත්සිංහල ප්රාදේශීය ලේකම් කාර්යාලය ප
ජනාධිපති අනුර කුමාර දිසානායක මහතා විසින් ජනාධිපති කාර්යාලයේ නීති අධ්යක්ෂ ජනරාල් ලෙස ජ්යෙෂ්ඨ නීතිඥ ජේ.එම්. විජේබණ්ඩාර මහතා පත් කර ඇත.
ක්රීඩා අමාත්යංශය වියදම් කළ ප්රතිපාදනවල ප්රගතිය පිළිබඳ කඩිනම් විගණනයක් කරන්නැයි අග්රාමාත්ය ආචාර්ය හරිනි අමරසූරිය මෙනවිය පැවැසුවාය.
හක්මන ප්රදේශයට ඊයේ (26) දින මධ්යම රාත්රියේ සිට ඇදහැලුණු ධාරානිපාත වර්ෂාව හේතුවෙන් හක්මන, මුලටියන හා කඹුරුපිටිය, මුල ටියන ප්රධාන මාර්ගයේ ස්ථාන කිහිප
පසුගිය ජනාධිපතිවරණයේදී ශ්රී ලංකා පොදුජන පෙරමුණ හැරදා හිටපු ජනාධිපති රනිල් වික්රමසිංහ සමග එක්වූ පළාත්සභා සහ පළාත් පාලන ආයතන නියෝජිතයින්ට නැවතත් ශ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මුම්බායි බුකිකරුවෝ අලූත් පොතක් පෙරළති
සිසිර Monday, 21 May 2012 12:26 PM
ක්රිකට් මුදලට විකුණන්න ගියහම ඕවා සාමාන්ය දේවල්
මතීශ Monday, 21 May 2012 12:54 PM
වෙන්න බෑ....
ටිකිරි Monday, 21 May 2012 02:20 PM
"රට පවා දීපු මට එක තරගයක් මුදලට පවා දෙන එක හරියට වෙහෙරක් ගිලපු මට අග්ගලාවක් කජ්ජක්ද කියල ඇහැව්වා වගේ".