”ආත්ම ගාණක් යනකම් මම ඔයත් එක්ක හැමදාම ඉන්නවා රන්වීර්....
”ඔයාගේ හැම දුකකදීම, කරදරයකදීම මම ඔයත් එක්ක ඉන්නවා.... සත්තයි....”
”අද වෙනකම් මේ කතන්දරේ රන්වීර්ගේ.... ඒත් අදින් පස්සේ මේක ඉෂානිගේ ආදරේ ඒක පොරොන්දුවක් රන්වීර්”
ඉෂානිගේ පොරොන්දු විශ්වාස කරන්න පුළුවන්ද?
හ්ම්....... එක මම කියනවාට වඩා බලලම තීරණය කරන එක හොඳයි නේද? හැබැයි මම නම් කවදාවත් පොරොන්දු කඩ කරන්නේ නෑ.
ඔබ හොඳින් හඳුනන, හුරුපුරුදු, ලෙංගතු ලයාන්විත හඬ.... ඇය පාරමී රණසිංහ. කවුරුත් ආදරය කරන ඉන්දියානු ඉෂානිගේ චරිතයට හඬ කැවීමෙන් දායකවන අපේ ඉෂානි සඳැල්ල සමග කතාබහකට එකතු වූයේ මෙලෙසිනි.
ඔබ පේ්රක්ෂකයාට නුහුරු නුපුරුදු චරිතයක් නෙමෙයි. කොහොමද මේ දවස්වල වැඩ කටයුතු?
මුලින්ම කියන්න ඕන මම ජාතික රූපවාහිනියේ නිවේදිකාවක් විදිහට තමයි සේවය කරන්නේ. නුග සෙවණ, රිවිදින අරුණැල්ල වගේ වැඩසටහන් කිහිපයක් ඉදිරිපත් කරනවා. ඊට අමතරව හඬ කැවීම් ශිල්පිණියක් විදිහටත් වැඩ කරනවා.
ඔබ මුලින්ම කලාවට පිවිසෙන්නේ නිවේදිකාවක් විදිහටද? එහෙම නැත්නම් හඬ කැවීම් ශිල්පිණියක් විදිහටද?
උසස් අධ්යාපනයෙන් පස්සේ නිවේදිකාවක් විදිහට හිරු ගුවන්විදුලියට සම්බන්ධ වෙන්න මට අවස්ථාව ලැබුණා. එතනින් පස්සේ මට ගුවන්විදුලියෙම හඬ කැවීම් වලටත් සම්බන්ධ වෙන්න අවස්ථාව ලැබුණා. මුලින්ම මට හඬ කැවීම් ශිල්පිණියක් වෙන්න අවස්ථාව ලැබුණේ සිරස ඔඪ හරහා. ඒ කාටුන් එකක පුංචිම පුංචි චරිතයකට.
එදා ඒ හඬකවපු පුංචිම පුංචි චරිතයෙන් අද හැමෝම ආදරය කරන ජනප්රිය චරිතයක් බවට පත්වෙලා?
ගොඩක් සතුටුයි. මීට වසර 15කට ඉහතදී තමයි නිවේදන කලාවට අමතරව, මට වෙළඳ දැන්වීම් වලට හඬ කැවීමටත් අවස්ථාව ලැබෙන්නේ. දෙරණ බෝයිස් ඔෆ් ෆලවර්ස් කතාවෙන් ප්රධාන චරිතයක් කළා. ඒ විදිහට හඬ කැවීම් ශිල්පිණියක් ලෙස ගුවන් විදුලි නාට්ය, වෙළඳ දැන්වීම්, ටෙලි නාට්ය රැුසකට දායක වුණා. ඒ අතුරින් සදහටම ඔබ මගේ ටෙලි නාට්යයේ ඉෂානිගේ චරිතය පේ්රක්ෂකයා ඉතා ආදරයෙන් වැළඳගෙන තියෙනවා.
ඉෂානිට හඬකැවීමට අවස්ථාව ලැබෙන්නේ කොහොමද?
චරිත් කොතලාවල ප්රමුඛ එයාලගේ කණ්ඩායම ඉෂානිගේ හඬට සුදුසු හඬක් සොය සොයා ඉන්න කොට තමයි ඒ හඬට මාව තෝරාගැනෙන්නේ.
කොහොමද ඉෂානිට ලැබෙන ප්රතිචාර?
රන්වීර් - ඉෂානි කියන්නේ ටෙලිනාට්යකරණයේ අලූත්ම පෙම් යුවල විදිහට හැමෝගෙම ආදරය දිනාගත් චරිත දෙකක්. ගොඩක් හොඳ ප්රතිචාර ලැබෙනවා. චරිත් කොතලාවල ප්රමුඛ එයාලගේ කණ්ඩායමට වගේම, දෙරණ සභාපති ලක්සිරි වික්රමගේ මහත්මයා මේ වෙලාවේ ගෞරවයෙන් මතක් කරනවා. මං ගැන ලොකු විශ්වාසයක් කියලා තමයි මේ චරිතය මට භාර දුන්නේ. ලැබෙන ප්රතිචාරත් එක්ක ඉෂානිට මගේ හඬ තුළින් සාධාරණයක් වෙනවා ඇති කියලා හිතනවා. ඒ වගේම මම කරන චරිතයට උපරිමයෙන් කැප කරලා ඒ විශ්වාසය රැුකීම තමයි මගේ එකම උත්සාහය. තව දෙයක් තමයි මම ගොඩක් කාර්යබහුල කෙනෙක්. ඒ වැඩ අතරේ හැම දේම කළමණාකරණය කරගෙන මේ චරිතය කරන්න මට සහය දෙන දෙරණ හඬ කැවීම් අංශයේ කණ්ඩායම ආදරයෙන් සිහිපත් කරනවා.
ඉෂානි කියන ඔබ හඬකවන චරිතය ගැනත් කතා කරමු.
ඉෂානි කියන්නේ අහිසංක, ඉක්මනටම රවට්ටගන්න පුළුවන් චරිතයක්. සමහර වෙලාවට මටම හිතෙනවා ඇයි ඉෂානි මෙච්චරම බොළඳ කියලා. කටහඬ තුළිනුත් ඒ අහිසංකකම, බොළඳකම ඉස්මතු කරන්න චරිත් අයියට වුවමනා වුණා. ආදරය, දුක, සතුට, වෙන්වීම්, දරාගැනීම, හැලහැප්පීම් මේ සියල්ල එක්කම ඉෂානි කියන චරිතය ඉදිරියේදී වෙනස්ම විදිහකට දැකගන්න ලැබේවි. හිතන්නෙවත් නැති සිදුවීම්වලට ඉෂානිටත් රන්වීටර්ටත් මුහුණ දෙන්න සිදුවෙනවා. කුඩා කාලයේ ඉඳලා ඉෂානිට ආදරය කරන රන්වීර්ගේ ජීවිතේ කොයි විදිහට වෙනස් වේවිද කියලා බලන්න, දවසින් දවස උණුසුම වැඩියි. අවසානය වනතෙක් ඉෂානි එක්ක ආදරයෙන් රැුඳෙන්න කියලා ආරාධනා කරනවා.
අද අපේ ටෙලි නාට්යවලට වඩා ඉන්දියානු ටෙලිනාට්යකරණයේ රැුල්ලක් දකිනවා. ඉන්දියානු ටෙලිනාට්ය හඬ කැවීම් ශිල්පිනියක් විදිහට ඔබට කෙනෙක් දෝෂාරෝපණයක් කළොත්?
ඉනිදියානු ටෙලිනාට්ය කොහොමත් අතිශයෝක්තියත් එක්ක එන දෙයක්. අපේ ටෙලි නාට්ය කලාවට වඩා එයාලගේ බැඳීම්, එයාලා ආදරය ගැන හිතන විදිහ, වත්කම් ගැන හිතන විදිහ, කතාකරන ආකාරය, එයාලගේ හැඟීම් ප්රකාශකරන ආකාරය මේ හැම දෙයක්ම පේ්රක්ෂකයාට ලබා දෙන්නේ අතිශයෝක්තියකින්. ඇඬුවත් ඒක දැනෙන්න අඬනවා. මම දකින විදිහට වඩා වෙනස් විදිහකට තව කෙනෙක් දකින්න පුළුවන්. විවිධ වූ මතයන් දරන්න පුළුවන්. ඒක එකිනෙකාගේ කැමැත්ත. මේ නාට්යවල ලොකු හරයක් මම දකින්නේ නැහැ. බොළඳයි. ඉන්දියානු නාට්ය තුළ තියෙන්නේ මතුපිට තියෙන සුන්දරත්වය පමණයි. මෙහි යම් රසයක් තිබෙනවා. ඇබ්බැහිවෙන එකනම් අනුමත කරන්නේ නැහැ. කොරියානු නාට්ය, ඉන්දියානු නාට්ය මේ සියල්ලේම මතුපිට අර්ථයෙන් පේ්රක්ෂකයාට, අසන්නාට නාට්ය විචිත්රවත් නම් ඉබේටම පේ්රක්ෂකයා නාට්ය කරා ඇදෙනවා.
දෙරණ රේඩියෝහි විකාශය වන ජනප්රියතම ගුවන් විදුලි නාට්ය වන ”සේයා” සේයාගේ චරිතයට හඬකවන්නෙත් මම. ඒ චරිතයටත් ඉහළ ප්රතිචාර ලැබෙනවා.
වෘත්තිය වශයෙන් මූලික තැන දීලා තියෙන්නේ නිවේදනයටද? හඬකැවීම් වලටද?
නිවේදනයට. ජාතික රූපවාහිනිය කවදාවත් දාලා යන්නේ නෑ. දාලා යන්න මට හේතුවකුත් නැහැ. විශේෂයෙන්ම ශිෂ්ඨ මාධ්ය භාවිතය වගේම මට ගැලපෙන මට හරියන එකම තැන රූපවාහිනිය. ඒ නිසා මගේ වෘත්තියට කැපකිරීමෙන් වැඩ කරනවා.
පාරමී රණසිංහ කියන්නේ සාමාන්ය ජීවිතයේදී කොයිවගේ චරිතයක්ද?
ඉෂානි වගේ නම් බොළඳ නැහැ.
නදීෂා අතුකෝරළ
පාර්ලිමේන්තු මන්ත්රීවරුන්ට නොමිලේ නිකුත් කර ඇති මුද්දර පාර්ලිමේන්තුව විසුරුවා හැරීමත් සමඟම පාවිච්චි කිරීම තහනම් හෙයින් ඒවා ළඟම තැපැල් කාර්යාලයට
වැඩබලන පොලිස්පතිවරයා ලෙස පත් කෙරුණු ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතාගේ එම වැඩ බැලීමේ තනතුර අනුමත කිරීමට ජනාධිපතිවරයා එවා ඇති නි
රුපියල් කෝටි 04ක් වටිනා මනෝවර්ධක පෙති සහ කොකේන් ලඟ තබා ගත් බවට චෝදනා ලැබු ජර්මන් පුරවැසිභාවය හිමි ශ්රි ලංකිකයකු විත්තියේ සාක්කි නොකැඳවාම නිදොස් කොට න
මහ මැතිවරණයේදී සමාජ මාධ්ය නිසියාකාරව පාවිච්චි කරන්නේදැයි වහාම විපරමක් කරන ලෙස පැෆරල් සංවිධානය මැතිවරණ කොමිෂන් සභාවෙන් ඉල්ලීමක් කරයි.
අධිවේගී මාර්ග සංචාරක රථවාහන කොට්ඨාසයට අනුයුක්ත පොලිස් කොස්තාපල්වරයෙකුගේ මල සිරුරක් කාණුවක තිබී අද (7) හමු වූ බව පමුණුගම පොලිසිය කියයි
පාස්කු ඉරුදින ප්රහාරයට සම්බන්ධ පිරිස් නීතියේ රැහැනට හසුකරගෙන හැකි ඉක්මනින් එහි වින්දිතයන්ට සාධාරණයක් ඉටු කරන ලෙස රජයෙන් ඉල්ලා සිටින බව ගම්පහ දිස්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මම ඉෂානි වගේ බොළඳ නැහැ