අසූව දශකය හැත්තෑව දශකය මෙන්ම සුභාවිත ගීතයේ ස්වර්ණමය අවදියට අයත්ය. ඒ අලූත් අලූත් ගීත මෙන්ම අලූත් අලූත් ගායන ශිල්පීන්ද මේ දශකයේදීත් මතු වූ බැවිනි.

ප‍්‍රියනාත් රත්නායකද එබන්දෙකි. අද අපි ඔහුත් සමඟ සංවාදයක යෙදෙමු

ඔබ මුල්ම ගීතය ගායනා කළේ,

1988 දී,

මොකක්ද ඒ ගීතය?

ලතා මඩුලූ සේ බැදුණු අපේ

ආදර මල් දම් පියලි හැලී

ඔබ මා පැතූ පෙම මිලින වෙලා

සුසුමට තුරුලූව නිවී ගියා........

ඔය ගීතයත් සමඟ තවත් ගීත තුනක්ම මම හා පුරා කියලා ගායනා කළා. නින්ද නැති සිතේ, ගෙයින් ගෙයට පිඬු සිඟා වඩිනවා, සඳ දහසක් පවසනා කියන ගී තුන තමයි අනෙක් ගීත. මේ ගී හතරම තැටිගත කරල පරිත්‍යාග තැටියක් විදියට ගුවන් විදුලියට බාර දුන්නා. ලතා මඬුලූ ගීතය තමයි නිතර නිතරම ගුවන් විදුලියෙන් ප‍්‍රචාරය වුණේ. ප‍්‍රියනාත් රත්නායක කිව්වම ලතා මඬුළු සේ ගීතයක් මතක් වෙනතුරුම මේ ගීතය ගුවන් විදුලියෙන් නිතරම ප‍්‍රචාරය වුණා.

එතකොට ඔබ ගුවන් විදුලියේ ශ්‍රේණිගත සරල ගී ගායකයෙක් නෙමෙයි.

ලතා මඬුලූ සේ ගායනා කරන කාලේදී නම් එහෙම සරල ගී ගායකයෙක් නෙමෙයි. ඒත් පස්සෙදී මම සරල ගී පරීක්ෂණයෙන් සමත් වුණා.

එතකොට ප‍්‍රියනාත්ට සංගීත දැනුමක් නැහැ.

මම පානදුරේ ලලිත කලා ආයතනයෙන් සංගීතය ඉගෙන ගත්තා. මගෙ ගුරුවරයා වුණේ මැදගංගොඩ කියන සංගීතඥයායි.

එදා සුභාවිත ගීතයට තිබුණු තැන?

ඒ කාලේ තිබුණෙ ගුවන් විදුලියෙ වෙළෙඳ සේවයයි, ස්වදේශීය සේවයයි විතරයි. මේ වායෙ ප‍්‍රචාරය කරන ගීතවල සංගීතය, පද රචනය, ගායනය කියනා හැමදේම ප‍්‍රමිතිගත වුණා. ඒ නිසා ප‍්‍රචාරය වුණු හැම ගීතයක්ම හොඳ විශිෂ්ට ගීත.

මේ වෙද්දී ප‍්‍රියනාත් ගේ හඬින් ගීතවත් වුණු ගීත ගණනින් එකසිය පනහක් විතර

ඔය වෙද්දී කැසට් සංගීතය බොහොම ජනප‍්‍රිය වුණා. හිතුනෙ නැද්ද කැසට් එකක් කරන්න.?

මොකද නොහිතී. මම ලතා මඬුලූ නමින් මගෙ පළවෙනි කැසට් එක කළා.

මං හිතනවා ඒක ඔබේ ජයග‍්‍රහනයක්?

ජයග‍්‍රහනයක් වගේම වාසනාවක්. මොකද ඔයවෙද්දි මං හරිම දුප්පත්. දවසක් මම සිලෝන් ස්ටුඩියෝ එකට ගිහින් සරත් ද අල්විස් මුණගැහුණා. මගේ ආර්ථික තත්ත්වයේ තියෙන දුප්පත් කමත් මගේ කටහෙඬ් සහ ගායනයේ තියෙන පෝසත්කමත් තේරුම්ගත්තු සරත් ද අල්විස් මට නොමිලේ කැසට් එකට අවශ්‍ය ගීත ටික කරල දෙන්න පොරොන්දු වුණා. පුළුවන් වුණු කාලෙක උදව්වක් කරන්න පුළුවන් කෙනෙකුට උදව් කරන්න කියන අවවාදයත් එක්ක.

ලතා මඬුළු කැසට් පටයෙන් අලූත් ගීත රචකයො එහෙම බිහිවුණාද?

ඇයි උපුල් ශාන්ත සන්නස්ගල, උපුල්ගෙ පළවෙනි ගීතය ගායනා කළේ මම. කොටින්ම උපුල්ට සිංදුවක් ලියන්න කියලා ආරාධනා කළේ මම.

ඇයි ඔබට එහෙම දෙයක් හිතුණේ?

සරසවි දියනියෝ පොතේ තිබුණු ගීත ඛණ්ඩයක් දැක්කාම මට හිතුනා මෙයාට ලස්සනට ලියන්න පුළුවන්නෙ කියලා.

මොකක්ද ඒ ගීතය

සිතුම් පොබකළ සමන් මල් යායේ

දුහුල් සළුතිර මුවාකළ යාමේ

ඔහුට පිදු සිත තුරුළට ආ දා

එය රිදවන්න එපා

විශාරද එඞ්වඞ් ජයකොඩිගෙ සංගීතයට චරිතා ප‍්‍රියදර්ශනී සමඟ යුග ගීතයක් විදිහටයි මේ ගීතය ගැයුවෙ. මේ සිංදුව බොහොම ජනප‍්‍රිය වුණා. නන්දන වින්දන කියන රූපවාහිනී වැඩසටහනේ මේ ගීතය විකාශය වුණා.

කැසට් එකෙන් පස්සෙ?

හොඳයි, චිත‍්‍රපටවලට ටෙලි නාට්‍යවලට සංගීතයෙන් වගේම ගායනයෙනුත් දායක වුණා. ප‍්‍රසංගවලට ගී ගයන්න ලැබුණු අවස්ථා වැඩිවුණා. නමුත් ඔබ කාලයක් ලංකාවෙ දකින්න හිටියෙ නැහැ. මගෙ දරුවන්ට උගන්නන්න ඕනෙ වුණා ඒ හින්දා මට සිද්ධ වුණා වැඩි වැඩියෙන් සල්ලි හොයන්න. ඒ නිසා මම ඩුබායිවලට ගියා රස්සාවක් කරන්න. ඒ ගිය ගමන ආපහු ආවෙ 2011දී

එතන ඉඳන් 2016 වෙනකන් අවුරුදු පහක් ගතවෙලා ඇයි ඔබ උකටලී වුණේ. ගීතය ගැන කළකිරිලද?

නෑ කිසිදෙයක් ගැන කලකිරිලා වැඩක් නෑ. කළයුත්තේ අපි අලූත් දෙයක් හොඳ දෙයක් නිර්මාණය කිරීමයි ඉතින් මම කාලය අරන් අලූත් ගීත නිර්මාණය කළා. ඒ ගීත එකතුව සීඞී තැටියක් වශයෙන් ඉදිරිපත් කිරීම සැප්තැම්බර් 10 දා සවස 6ට කොළඹ ආනන්ද විද්‍යාලයීය කුලරත්න ශාලාවේදී සිදුවෙනවා.

මොකක්ද මේ අලූත්ම සී.ඞී. තැටියෙ නම ඔබ වෙනුවෙන් මා.

කව්ද මේකට දායක වෙන්නෙ සමන් වෙලගෙදර, නදී විජේසිංහ, කිත්සිරි වඩුගේ, ශ්‍රීයානි පෙරේරා, හේමසිරි හල්පිට, එච්.එම්. රත්නායක, හඞ්සන් සමරසිංහ, සම්පත් බණ්ඩාර, සමන් ප‍්‍රියදර්ශන, නිරන්ජන් නානායක්කාර, මයික් ප‍්‍රනාන්දු, විමලසිරි ගමගේ ගීත රචනයෙනුත් දර්ශන රාජමන්ත‍්‍රී, රෝහණ වීරසිංහ, සෝමපාල රත්නායක, සමින්ද වීරසිංහ සංගීතයෙනුත් දායක වෙනවා.

ඔබ සරත් ද අල්විස්ගෙ ඉල්ලීම ඉටුකළා වගේ පේනවා.

ඔව්. මම අලූත්ම ගීත රචකයන්ට ඔවුන්ගෙ පළමු ගී පද රචනය ගීතයක් කරගන්න උපකාර කළා. මේ ගී එකතුවෙ සුවිශේෂ ගීතයක් ගැන කතා කරමු සුදු නෙළුම හොඬ දරා මහමායාදේවී සුබ සිහිනේ නිවන් මඟ ලොව පසක් කරමින් සමිඳු වඩවන පෙරහැරේ විදි සරණා පෙරුම් පුරනා ඇත්කුලේ මහ රිජින්දා කියලා අලියා ගැන ගීතයක් මේ ගීත එකතුවෙ තියෙනවා. අලියා කියන්නෙ මං බොහොම ආදරය කරන සතෙක්. නමුත් අද අලියා බොහොම අසරණ වෙලා. අලිමංකඩෙන් යන කොට කෝච්චියට අහුවෙනවා. වට්ටක්කයක් කනකොට හක්කපටස් පිපිරෙනවා. පහුගිය අවුරුද්දෙදිම අලි එකසිය හතළිස් පහක් මළයි කියලා පත්තරේ තියෙනවා මම දැක්කා, මේ ලස්සන සතාගැන මගෙ හිතේ තියෙන්නෙ දුකක්. ඒ නිසා මම අලියා ගැන සිංදුවක් කිව්වා.

ශකුවි