ආදර මල් පවනේ
ඈ යන මේ ගමනේ
කොහෙදෝ යන්නේ
කවුදෝ දන්නේ
දුලීකා, දුලීකා
විජය කුමාරණතුංගයන්, එච්.ආර්. ජෝතිපාලයන්ගේ ආදරණීය හඬට රංගනයෙන් ජීවය කවද්දී, ඇය අපූරුවට ඒ දර්ශන පෙළට පෙනී සිටියාය. බියුලා ඩයස් ඇයගේ නාමයයි. හැත්තෑව දශකයේදී සිංහල සිනමාව හැඩ කළ ඒ ශිල්පිනිය දැන් වෙසෙන්නේ විදෙස් රටකය. ඇයගේ ඒ රුව රැගෙන මෑත කාලයේ පෙනී සිටියේ ඇයගේ ඥාති දියණියක වූ මේ නිලන්ති ඩයස්ය. නිලන්තිට ඇත්තේ ඇයගේ ඒ ලොකු නැන්දාගේ රූපයට සමාන රූපයම බව කිව හැකිය. සිනමාව, නර්තනය හා ටෙලිනාට්ය සමග හමුවූ මේ නිලන්ති විවාහයෙන් පසුව, රංගනයට හෝ නර්තනයට එක් නොවූ තරම්ය. අද දවසේ ආදරණීය බිරිඳක සහ සෙනෙහෙබර මවක වන නිලන්තිගේ ජීවිතයේ අලූත් තොරතුරු හෙළිකරන්නේ මෙසේය.
මෑත කාලයේදී ඔබ ගැන කතා නොවූ තරම්, එහෙම නේද?
අවුරුදු තුනකින් විතර රඟපෑවේ නැහැ. නමුත් රූපවාහිනී වැඩසටහන් වලට ඉඳහිට පෙනී සිටියා. මෙච්චර දීර්ඝ කාලයක් මේ විදියට හිටියෙ චූටි දූ නිසයි. එයා ලැබුණට පස්සෙ එයා එක්කම ජීවිතය ගෙවනවා. තවම එයාට අවුරුදු දෙකයි. මාව නැතිව එයාට බැහැ. එයාව තනි කරලා යන්න මට හිත දෙන්නෙත් නැහැ.
කොහොමද විවාහ ජීවිතය?
හරි සුන්දරයි. ඒක විඳින බව කියන්න පුළුවනි. සැමියාගේ අම්මත් මේ දිනවල ඉන්නෙ අපි එක්ක. ඇයත් අපට ගොඩාක් උදව් කරනවා. ඉතින් හරි සතුටින් ගත කරන්නෙ. හරිම සුන්දරයි කිව්වොත් හරි.
දුව ගැන කොහොමද හිතන්නෙ?
එයා සහජයෙන් ගෙනා දක්ෂතා දිහා බලද්දී හරිම සතුටුයි. නැටුමට හරි ආසයි. සිංදු අහන්නත් ආසයි. ඒවා අපි පුරුදු කරලා නෙවෙයි.
කලා ජීවිතයෙන් ඉවත්ව සිටීම ඔබට දැනෙන්නෙ කොහොමද?
ජීවිතයේ එක් එක් වකවානුවලට අපට මුහුණ දෙන්න සිදුවෙනවා. ඒ අවස්ථාවලට මුහුණදිය යුතුමයි. ඇත්තම කිව්වොත් මම කලාවෙන් ඉවත්වෙලා නැහැ. මේ පොඩි විවේකයක් විතරයි. ඔක්කෝටම වඩා මට මගේ පවුලේ වගකීම් ලොකුයි. ඒකට මම ආසයි. දුව තාත්තා එක්ක එකතුයි. ඒක ඇත්ත. නමුත් නිතරම හොයන්නෙ මාව. ඒ නිසා දුව තනිකරලා කොහේවත් යන්න බැහැ. කලාව කරන්න හොඳ නිදහසක් තිබිය යුතුයි. ඒ නිදහස ලැබුණාම නැවත ක්ෂේත්රයට එනවා. රංගන ජීවිතයේ කළදේට වඩා නොකළ දේ තියෙනවා. නමුත් ඊට වඩා ලොකු තෘප්තියක් ලබන්නෙ දරුවා නිසයි.
ජනප්රියත්වය ලැබූ කෙනෙකුට එය නැතුව සිටීම අපහසුයි නේද? ඔබට එය දැනෙන්නෙ කොහොමද?
මට එහෙම අපහසුතාවයක් නැහැ. තවම මට ලැබෙන ප්රතිචාරවල වෙනසකුත් නැහැ.
ඒ මොන වගේ හේතු නිසාද? තවම ජනප්රියත්වය ලැබෙන්නෙ?
පසුගිය කාලයේ කල කී දේ නිසා තමයි. ඩාන්සින් ස්ටාර් අවසන් දෙදෙනා අතරට ආවා. එදා මට විශාල වශයෙන් ප්රතිචාර ලැබුණා. අමරපුරය ටෙලි නාට්යයේ වගේම ජොලි හලෝ චිත්රපටයේ හාස්ය චරිතය ගැනත් කතාවෙනවා. මම හිතන්නෙ රංගනයෙන් මට බොහෝදේ කරන්න තියෙන්නෙ අනාගතයේදීයි.
එදා ඔබ ගැන බොහෝදෙනා කතා කරන්න පටන්ගත්තෙ ජිප්සීස්ලා ගැයූ පිටිකොටපන් නෝනෙ ගීතයට නර්තනය කළ නිසයි. එහෙම නේද?
ඇත්තෙන්ම ඔව්. අදටත් බොහෝදෙනා කතා කරන්නෙ ඒ ගැනයි.
ඒ ගීතයට නර්තනය පෑ අනෙක් ශිල්පිනියන් දෙදෙනා කෝ?
එයාලත් විවාහ වෙලා. ඉතින් ඒ නිසා කලාවෙන් ඈත්ව සිටිනවා. අපි එකිනෙකා හමුවන්නෙත් කලාතුරකින්.
දැන් ඔබගෙ ලොකු නැන්දා ”බියුලා ඩයස්” කොහේද ඉන්නෙ?
ලොකු නැන්දා විවාහවෙලා ඉන්නෙ විදේශිකයෙක් සමගයි. ඉතින් විවාහයෙන් පසු විදෙස්ගතව සිටින්නෙ. විවාහයෙන් පසු රඟපෑමට එක්වුණෙත් නැහැ.
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මම කලාවෙන් ඉවත් වෙලා නෑ
නන්දන පනාගොඩ මිලානෝ Sunday, 01 November 2015 10:40 PM
එක තමයි ෆොටෝ නම් තිබෙනවා එත් මනමාලයා වෙනත් කෙනෙක් නේද?....(රේ)
දිනේෂ් Wednesday, 28 October 2015 10:20 PM
ගලබඩ, එයා කවුරු එක්ක විවාහ වුණත් අපිට මොකද? තමන්ගේ පාඩුවේ ඉන්න කෙනෙක්නේ. (නි)
නන්දසේන Friday, 30 October 2015 05:27 AM
දැන් අපේ අයට තිබෙන ප්රශ්නය මෙයාගේ පුද්ගලික ජීවිතයද? (නි)
මඩුල්ල Thursday, 29 October 2015 02:50 PM
තවම දකාර කම් පේනවා ඔබ ගොඩාක් ලස්සනයි (බ)
ඩයස් Thursday, 29 October 2015 03:52 PM
ම්...ම්...මෙයා අර ප්රසිද්ධ නැටුම් ශිල්පියාව නේද ලඟදි දවසක බැන්දේ? (බ)
තිලක් Thursday, 29 October 2015 06:24 PM
ලස්සනයි! (නි)
නුවරඑළියේ වසන්ත Saturday, 31 October 2015 08:45 AM
නිකන් බොරුවට මිනිස්සුන්ට මඩ ගහන්න එපා. අපේ රටට හෙන ගහලා තියෙන්නේ ඔය හින්දා තමයි. තමන් යමක් කියන්න කලින් ඒ ගැන හරි අවබෝදයක් ලබා ගෙන කතා කරන්න. ඉන්ටර්නෙට් එකට ගිහිල්ල හොයලා බලන්න. නිලන්තිගේ වෙඩින් ෆොටෝස් ඕන තරම් තියෙනවා. බලලා කතා කරන්න. (අ)
ගලබඩ Wednesday, 28 October 2015 04:01 PM
මෙයා ලොකු උත්සවයක් අරන් විවාහ වුනේ වෙන කෙනෙක් එක්ක නේද? (බ)
චන්න බුවනක Friday, 30 October 2015 05:04 PM
මොකටද අපිට පුද්ගලික දේවල්....(රේ)
හේමන්ත Friday, 30 October 2015 10:26 AM
පිටි කොටපන් නෝනේ... (ර)
මහින්ද Wednesday, 28 October 2015 06:59 PM
ඔබට සුබ පැතුම්! (නි)