හන්තානට පායන සඳ
ලස්සනයිද කියන්න
මා නොදකින ඒ පුර හඳ
ඔබට හැකිය දකින්න
අමරසිරි පීරිස්ගේ හඬින් ගැයුණ මෙම ගීතය නෑසු කෙනෙකු නැත. රසවිඳි කෙනෙකු ද නැත. භාව සන්තර්පණය නොකළ කෙනෙකු ද නැත. මේ මධුර ස්වරයට පණ දුන් ඒ සංගීතවේදියා විශාරද ඩෙනිස්ටර් පෙරේරා සඳැල්ල අපි මෙවර කතා බහට එකතු කර ගන්නට සිතුවා. මේ ඔහුට විවර කළ අපේ සොඳුරු කතා බහයි.
රූපවාහිනී රාජ්ය සම්මාන 2016 සම්මාන රාත්රියේ හොඳම ටෙලි නාට්ය තේමා ගීතයට හිමි සම්මාන ලැබුවා. අපි එතනින් කතාව ආරම්භ කරමු.
එක පෙළ සරතේ
ඔරු පල්ලේ මස්තකයෝ
හබල් පාර ගෙන තාලෙට
ගං දිය කැළතේ
ඔරු පල්ලේ මස්කතයෝ......
එදා මේ ගීතයට ස්වර මුසු කරන්නට මට අවස්ථාව ලැබුණා. මේ වෙනකොට මම ටෙලි නාට්ය අටක පමණ සංගීත අධ්යක්ෂණය කරලා තියෙනවා. ඒ අතුරින් මේ ගීතය මගේ ජීවිතේට ලොකු ආලෝකයක් ලබා දුන්නා. ඒ ලැබුණු සම්මානය නිසාම නෙමෙයි. සත්පත්තිනි ටෙලි නාට්යයම මගේ ජීවිතේට ආලෝකයක් ලබා දුන්නා කියලා විශ්වාස කරනවා.
ජාතික රූපවාහිනියේ විකාශය වු සත්පත්තිනි ටෙලි නාට්යයේ තේමා ගීතයේ පද රචනය කළේ සරත් ධර්මසිරි. තිස්ස ජයවර්ධන තමයි ගායනා කළේ. ඉතින් මේ ගීතයේ සංගීත අධ්යක්ෂණයට හිමි සම්මානය මා හට ලැබීම ගැන ඇත්තට ලොකු සතුටක් දැනෙනවා. ඒක වචනයෙන් කියන්න බැරි තරම් සතුටක්.
සංගීත ජීවිතේ මීට වසර පහළවකට එහාට ඔබේ මතකය ගෙන ගියොත්.
හන්තානට පායන සඳ, මගේ පුංචි රෝස මලේ.... මීට වසර පහළවකට ඉහත දී මේ ගීත දෙක මාව එක් රැුයකින් ජනප්රිය කළා කිව්වොත් නිවැරදියි. ”නිල් කැට වැස්ස” කියන ක්ෘ එකේ ධම්මික බණ්ඩාරගේ පද රචනයෙන් සහ මගේ සංගීතයෙන් තමයි ගීත නිර්මාණය වුණේ. ඒ ගීත අතුරින් අමරසිරි පීරිස් ගායනා කළ මේ දෙක ගොඩාක් ජනප්රිය වුණා. ඒ වගේම මේ ගීත දෙකට සම්මානත් රාශියක්ම ලැබුණා. ගීත 2 කොයිතරම් ජනප්රිය වුණාත්, ඒ ජනප්රියත්වයෙන් මාව මිනිස්සු අතරට ගෙන ගියත්, මෙහි සංගීතයට මට කවදාවත් සම්මානයක් ලැබිලා නැහැ. සත්පත්තිනි ටෙලි නාට්යයේ හොඳම සංගීත අධ්යක්ෂණයට ලැබුණු සම්මානය තමයි මට රාජ්යය සම්මානයක් ලැබුණු පළමු අවස්ථාව.
ඔබගේ පියාත් දක්ෂ සංගීතඥයෙක්
ඔහු ණගඪගීග පෙරේරා. ඇත්තටම ඔහු තමයි මගේ සංගීත ජීවිතේ මුල්ම ගුරුවරයා වෙන්නේ. එවකට මගේ පියත් ජනප්රිය සංගීතඥයෙක්. සංගීත ආචාර්ය රෝහණ වීරසිංහගෙත් ගුරුවරයා වුණේ මගේ තාත්තා. මගේ තාත්තාගේ සංගීත දැනුමෙන් බිහිවුණ සංගීත ශිල්පීන් බොහෝ දෙනෙක් ඉන්නවා. ඒ ඇතුළත මමත් මගේ තාත්තාගේ ශිෂ්යයෙක් විදිහට බිහිවුණ සංගීතඥයෙක්.
ඇත්තට මගේ දක්ෂතාව එළියට ආවේ හන්තානට පායන සඳ ගීතයෙන්. වගේම මගේ පුංචි රෝස මලේ ගීතයෙන්. මේ ගීත දෙක මගේ ජීවිතේ ලොකු දුරක් ගෙනාවා. ඇත්තටම ඒ ගීත දෙකෙන් ඇවිත් ක්ෂේත්රයේ විශාල ගීත ප්රමාණයක් මගේ අතින් නිර්මාණය වුණා. මේ වෙනකොට ගීත පන්සියයකට වැඩිය මම සංගීත අධ්යක්ෂණය කරලා තියෙනවා.
ජීවිතේ ලොකු දුරක් ගෙනාපු මේ ගීත දෙක මතක ආවර්ජනය කරමුද?
මීට වසර පහළවකට ඉහත දී මමත්, ධම්මික බණ්ඩාරත් කුරුණෑගල එරන්දතී කියන කලායතනයේ ඒ දවස්වල ඉගැන්නුවා. ධම්මිකත් මමත් නිතර එකට මුණගැසුණ ආව ගිය මතක රැුසක සුන්දර මතකයන් ගොඩක් එකතු වුණ තැනක් තමයි එරන්දති කලායතනය. ඒ කාලේ නිර්මාණය වුණ ගොඩක් ගීත නිර්මාණය වුණේත් එරන්දතී කලායතනයේ. දවසක් ධම්මික මේ ගීත දෙකත් අරගෙන කලායතනයට ඇවිල්ලා මගේ අතට දීලා ඇහුවා මේකට හොඳ ”මෙලඩියක්” දාමුද කියලා.
මම දෙවරක් නොසිතාම හා කිව්වා. ඇත්තටම මේ ගීත දෙකේම සංගීත නිර්මාණ වුණේ හදිසියේ. අහම්බෙන් කොහොම හරි ගීත දෙකට මෙලඩිය දාගෙන අපි දෙන්නා අමරසිරි පීරිස් මහත්මයා සොයාගෙන පිළියන්දල ගියා.
සින්දු දෙක හදාගෙන ආවා කියලා එතුමාගේ අතට දුන්නම එතන තිබුණ සර්පිනාවෙන් මම ඒක ගැහුවා. එතුමා එතනදී ගීතය ගායනා කළා. ”ෂා නියමයි” කියලා අගය කරලා එතුමා ගීත දෙක භාර ගත්තා. එදායින් පස්සේ මම එතුමට ගොඩක් ගීත නිර්මාණ කළා.
ඔබ වැඩිපුරම ගීත නිර්මාණ කරලා තියෙන්නේ ප්රවීණ අය අතරින් කාටද?
අමරසිරි පීරිස් මහත්මයට. ඉදිරියටත් මම ඔහු වෙනුවෙන් ගොඩක් නිර්මාණ කරාවි. තවත් බොහෝ ප්රවීණයන්ට මම ගීත නිර්මාණය කරලා තියෙනවා.
ඉදිරියට මොනවද අලූත් නිර්මාණ?
මම ගීත අධ්යක්ෂණය කළ අලූත් ටෙලි නාට්ය කිහිපයක්ම ඉදිරියේදී පේ්රක්ෂකයාට බලා ගන්න පුළුවන්.
මම දැනට පොල්ගොල්ල ශාස්ත්රාල පිරිවෙනේ සංගීත ගුරුවරයෙක් විදිහට සේවය කරනවා.
චිත්රපටිවලට දායක වෙන්න අවස්ථාව ලැබුණේ නැද්ද?
ඇත්තටම මම ගොඩක් ආසාවෙන් බලා ඉන්නවා චිත්රපටියක සංගීත අධ්යක්ෂණය කරන්න. ඒක මගේ හීනයක්. තාම මට චිත්රපටයකට දායක වෙන්න අවස්ථාව ලැබුණේ නැහැ. ඉදිරියේදී බලමු.
අද ඉන්න තරුණ ගීත රචකයෝ සහ සංගීතඥයෝ ගැන මොකද හිතෙන්නේ?
ගොඩාක් දක්ෂ තරුණ පිරිසක් අපට ඉන්නවා. වැඩි ප්රමාණයක් ඉන්නේ එක රැුයින් ජනප්රිය වෙන්න දඩි බිඩි ගාලා හදිසියේ සංගීත නිර්මාණ කරන පිරිසක්. ඒත් සංගීත කලාව කියන්නේ ආප්ප පුච්චනවා වගේ කරන්න පුළුවන් දෙයක් නෙමෙයි. දැන් ඉන්න පද රචකයෝ ලියන්නේ හරිම සරලව. සරල ගී පද රචනා කිරීමෙන් වෙන්නේ සාහිත්ය අපෙන් ඈත් වෙලා යන එක. විරහව, වේදනාව සතුට ගීතයෙන් කියන්න පුළුවන්. ලස්සන වචන අපේ සාහිත්යයේ තියෙනවා.
දැන් හැදෙන ගීත රචකයෝ සහ සංගීතඥයෝ කරන්නේ තනුව නිර්මාණය කරලා තමයි ඒ තනුවට වචන ලියන්නේ. දැන් සංගීත අධ්යක්ෂණ තනුවට වචන පිරවීමේ කලාවක් වෙලා. මම තරුණ පරපුරට කියන්නේ අපේ සංගීතය මරන්න එපා කියලා.
නදීශා අතුකෝරළ
ශ්රී ලංකා පොදුජන පෙරමුණ ජාතික ලැයිස්තුව
නුවරඑලිය නගරයේ පිහිටි නිවසක් ඉදිරිපිට ගාල් කර තිබු සැක සහිත පෙජෙරෝ වර්ගයේ ජිප් රථයක් නුවරඑලිය පොලිසිය විසින් (12) දින පොලිස් භාරයට ගෙන ඇත.
අයපත් කාලගුණික තත්ත්වය හේතුවෙන් ගම්පහ දිස්ත්රික්කයේ ප්රාදේශීය ලේකම් කොට්ඨාස 13 හි ග්රාම නිලධාරී වසම් 149 කට අයත් පවුල් 16, 707 ක සාමාජිකයින් 68,672 දෙනෙකු අද
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
මම මගේ තාත්තගේ ශිෂ්යයෙක්