පුංචි කාලේ ඉඳන් එකම හීනයක් දැක්ක කෙනෙක් තමා රුෆෙල්ලා ප්‍රනාන්දු කියන්නේ. මොකද ඇයට ඕනෙ වෙලා තිබ්බේ කවද හරි දවසක Fashion Designer කෙනෙක් වෙන්න. පුංචි කාලෙම හිත තුළ ඇතිවුණු ආසාව යථාර්ථයක් බවට පත් කරගන්න රුෆෙල්ලාට පුළුවන්කම ලැබුණා. ඒ දේශීය මෙන්ම ජාත්‍යන්තරයද ජය ගනිමින්. අද වෙනවිට රුෆෙල්ලා ප්‍රනාන්දු කියන නම Fashion Design - photography කියන දෙඅංශයෙන්ම ජාත්‍යන්තරය ජය ගෙන තියෙනවා.

Fashion Design & photography තුළින් ලංකාව ජාත්‍යන්තරයට ගෙන ගිය රුෆෙල්ලා සමඟයි හදසර මේ කතාව...

කියන්න රුෙෆල්ලා ඔයා ගැන?

මම ඉගෙන ගත්තේ ශාන්ත බ්‍රිජට් කොන්වන්ට් එකෙ අම්මයි, තාත්තයි, අක්කයි මට ඉන්නේ තාත්තා ව්‍යාපාරික කටයුතු කරනවා. අම්මා ගෘහණියක්.

Fashion Designer වලට යොමු වුණේ කොහොමද?

මෙහෙමයි කුඩා කාලේ ඉඳන්ම මම කැමැත්තෙන් හිටියේ Fashion Designer කෙනෙක් වෙන්න ඕනේ කියලා. ඉතින් මම පාසලේදීත් Art විෂය ධාරාවන් තමා කළේ. ඊට පස්සේ මම ඕලෙවල් ඉවර වුණ ගමන්ම ඉගෙන ගත්තේ Fashion Design ගැන.

ඇයි මේ තරම් Fashion Designer කෙනෙක් වෙන්න ආස කලේ?

මම හිතන්නේ ඒ ආසාව මට ඇතිවුණේ මගේ ආච්චිගෙන්. මොකද එයා අවුරැදු ගාණක්ම ඉතාලි හිටියේ. ඉතින් එයා හරි ෆැෂන්, ඒ වගේම තමා එයා කරන ෆැෂන් අනිත් අයට වඩා වෙනස්. මම පුංචි කාලේ ඉඳන් දැක්කේ ඒවා. ඒ නිසා වෙන්න ඕනේ මට මේ ආසාව ඇති වුණේ.

කොහොමද ගෙදරින් ලැබුණු සහයෝගය?

ඇත්තටම ලොකු සහයෝගයක් මට ලබාදුන්නේ මගේ අම්මා තාත්තා. මොකද මම පොඩි කාලේ ඉඳන් ආස කළේ මේ දේට නිසා ඒ අය එයාලගේ වැඩකටයුතු පාඩු කරගෙන පවා මට ලොකු සහයෝගයක් ලබාදුන්නා.

දැන් මේ Fashion Design ක්ෂේත්‍රයට ඇවිත් කොච්චර කාලයක්ද?

අවුරැදු 10ක් වෙනවා.

මුලින්ම රුෆෙල්ලා Fashion Design කළේ?

මුලින්ම මම කළේ 2007 දී නුවරඑළියේ තිබ්බ event එකකට. ඒක කළේ රොසෑන් ඩයස්, නුවරඑළියේ සීසන් එකට තියෙන event එ එකක් ඒක. ඊට පස්සේ මට දිගටම Fashion shows වලට Design කරන්න ලැබුණා. ඒ අතර දෙරණ මිස් ශ්‍රී ලංකා ඒකෙත් මම Fashion Designer කළා.

මුලින්ම International event එකකට Fashion Designකළේ මොකක්ද?

ඉන්දියාවේ ගෝවාවලදී. එහිදී මම Fashion Design කළේ මිස් ගෝවා වුණු Swapna pujari ගේ looks 18 කියලා. ඒක තමා මගේ මුල්ම International event එක

කොහොමද ලැබුණු ප්‍රතිචාර

ඉතාම ඉහළයි. මොකද මම Fashion Design - photography කියන දෙකම කළා. ඉන්දියාවේ අය ගොඩක් කැමති වුණා ගැහැනු ළමයෙක් මේ වගේ Fashion Design - photography කියන දෙකම කරපු එක ගැන. අනිත් එක මම looks 18 කින් කරපු නිසා ඒකත් විශේෂ දෙයක් වුණා.

එහිදී අමතක නොවන දේ?

ගෝවාවල ප්‍රසිද්ධ Magazine එකක් තියෙනවා Planet goa කියලා. එකේ මම කරපු Fashion Design එකෙන් cover page එක කළා. ඊට පස්සේ මට එයාලගේ ඒ Magazine එකේ මගේ Article එකක් පවා කළා. ලංකාවේ කෙනෙක්ගේ පළමු වතාවට තමා ඒකේ article එකක් පවා ගියේ. ඉතින් ඒ වගේ ගොඩක් අත්දැකීම් මම ලැබුවා.

ඊට පස්සේ මට අවස්ථාව ලැබුණා මිස් ඉන්දියා වුණු අනුෂ් මලික්ව සහ  top model කෙනෙක් වන සනී මැන්ගෝකාල්ටත් Fashion Design කරන්න. ඊට පස්සේ මට අවස්ථාව ලැබුණා Italian Fashion Designer කෙනෙක් එක්ක වැඩ කරන්න. එයා ලංකාවට ඇවිත්  shoot එකක් කළා. ඒක මැලේසියාවල ඉතාලි ඇතුළු රටවල් හතක launch වුණා.

ඊට පස්සේ රුෆෙල්ලා සහභාගී වුණු events මොනවද?

ඔව්, ගිය අවුරැද්දේ මම සහභාගී වුණා පැරිස් වල තිබ්බ Sri Lankan top model of the year එකේ Official  Designer විදියට ඊට පස්සේ මට Guest  Designer විදියට ආරාධනා කරලා තිබ්බා මාලදිවයිනේ තිබ්බ Bride of Maldives එකට. ඒ වගේම Sri Lanka in Europe 2015 එකේ  Evening Dress Design කළේ මම. ඒ වගේම මට අවස්ථාව ලැබුණා 69 වැනි කෑන්ස්  film festival එකට සහභාගී වන VIP කෙනෙක්ට ඇඳුමක් කරන්න.

ඒ විතරක් නෙවෙයි ලංකාවේ ඉන්න Fashion Designer ලට නොලැබුණු අවස්ථා කිහිපයක්ම මට ලැබුණා. ඒ අතර ප්‍රින්ස් චාල්ස් ගේ 41 වැනි ඇනිවසරි එක වෙනුවෙන්. එහෙ කරන  London fashion week show එකට මට අවස්ථාව ලැබුණා ලංකාවේ කෙනෙක්ට පළමු වතාවට තමා මේ අවස්ථාව ලැබුණේ. ඒක මට ලොකු දෙයක් මගේ මේ ගමන යන්න.

ලැබුණු ජයග්‍රහණ ගැන කතා කළොත්?

මේ අවුරැද්දේ New York Fashion Awards වල Fashion  photography පැත්තෙන් semi final වෙනකම් ආවා. Beffta Uk Awards වල photography වලින් රටවල් 310කින් මුල් 10 දෙනා අතරට එන්න පුළුවන් වුණා. තව මේ සැරේ තියෙන Asian Awards වලට nominate  වෙලා තියෙනවා. දෙසැම්බර් අන්තිම එද්දී ඒක තියෙන්නේ.

දැන් මේ Fashion Design කියන ක්ෂේත්‍රය රුෆෙල්ලා කොහොමද දකින්නේ?

මම මේ ක්ෂේත්‍රයට එද්දී Fashion Designerලා හිටියේ නැහැ. කිහිප දෙනෙක් විතරයි හිටියේ. අද වෙනකොට නම් ඒක වෙනස්. ගොඩක් දෙනා ඇවිත් ඉන්නවා මේ ක්ෂේත්‍රයට.

අභියෝගයක් වුණු අවස්ථා මොනවාද?

International event වලට සහභාගී වෙනවා කියන්නේ එක අතකින් අභියෝගයක් තමා. මොකද අපේ රටට මේ Fashion Design කියන දේ අලුත් නිසා. අපි හැම වෙලාවෙම අලුත් දෙයක් කරන්න ඕනේ හොඳට හිතලා බලලා. වෙන රටවල් වලට ඒ අත්දැකීම තියෙනවා ඒ නිසා ඒ අයට ඒ තරම් ලොකු දෙයක් නොවන තැන් වලදීත් අපිට ඒක අභියෝගයක් වුණු අවස්ථා වැඩියි.

එදාට වඩා අද ලංකාවේ Fashion Designවලට පිරිස උනන්දුවක් තියෙනවද?

අනිවාර් යෙන්ම එදාට වඩා වෙනස්. මම මේ ක්ෂේත්‍රයට මීට වසර 10කට කලින් එද්දී ගොඩක් වෙලාවට තිබ්බේ කඩේ මහලා තියෙන ඇඳුමක් මිලදී අරගෙන අඳින එක. නමුත් අද ඒක වෙනස් වෙලා තියෙනවා ගොඩක් වෙලාවට එකිනෙකට වෙනස් තමන්ටම ගැළපෙන ඇඳුමක් නිර්මාණය කරගෙන අඳින්න තමා කැමති. ඒ හරහා දැන් වැඩිදෙනා පෙළඹිලා ඉන්නේ Fashion Designer ලා හරහා තමන්ට ඕනේ ඇඳුම නිර්මාණය කරගන්න.

Fashion Design - photography වලින් තියෙන අත්දැකීම් එක්ක ඇකඩමි එකක් කරන්න අදහසක් නැද්ද?

මම කලින් ෆැෂන් ලෙක්චර් කළා. ඊට පස්සේ නිතර විදෙස් ගත වෙන්න සිද්ධ වෙන නිසා ඉන් ඈත් වුණා. නමුත් ආයේ පටන් ගන්න අදහසක් තියෙනවා. මොකද මේ Fashion Design - photography කියන්නේ ලෙක්චර්වලට සීමා වුණු දෙයක් නෙවෙයි. මේ දේවල් ප්‍රායෝගිකව කරන්න අවස්ථාව ලැබෙන්න ඕනේ. දැන් මේ Fashion Design - photography ගැන උගන්වන තැන් එදාට වඩා තියෙනවා නමුත් ප්‍රායෝගිකව හදාරන්න තැන් අඩුයි. ඒ නිසා මම හිතාගෙන ඉන්නවා මේ ලැබුණු අත්දැකීම් එක්ක ප්‍රායෝගිකව Fashion Design - photography ගැන හදාරන්න තැනක් පටන් ගන්න. ඒ දේ ඉදිරියේදී අනිවාර් යෙන්ම මම කරන දෙයක්.

ඉදිරි වැඩ කටයුතු මොනවද?

ඔව් අලුත් චිත්‍රපටයක් කරන්න ඉන්නේ ලක්ෂාන් එදිරිසිංහ. ඒක නම් කරලා තියෙන්නේ LOVE IN PARIS. ඒකේ රෑගත කිරීම් ජනවාරි මුල පටන් ගන්න ඉන්නේ පැරිස්වල. එහි වැඩ කරන්න මට කතා කළා. ඒක වෙනස් අත්දැකීමක් වෙයි.

I අනූෂා රණසිංහ