(තරංග  ගුණරත්න)

වැලිගම බටවල පාතේගම ප්‍රදේශයේ  විහාරස්ථානයක පැවති මල් වට්ටි වෙන්දේසියකදී  ඉතාමත් අලංකාරව නිර්මාණය කරන ලද චෛත්‍යයක අනුරුව සහිත  මල් වට්ටියක්  රුපියල් 84000 ක  ඉහළ මුදලකට ( 15 ) දින  අලෙවි වූ අතර එය ප්‍රදේශයේ තරුණයකු විසින් මිලදී ගෙන  විහාරස්ථානයේ ඓතිහාසික බෝධීන් වහන්සේ වෙත පූජා කිරීමට කටයුතු කළහ.

වැලිගම බටවල පාතේගම ශ්‍රී පුෂ්පාරාම පුරාණ විහාරස්ථානයේ වැඩ විසූ අපවත් වී වදාළ කටුකුරුන්දේ රතනපාල නාහිමියන් ගේ විසිපස් වන (25 )  ගුණානුස්මරණ පිංකම  17 ට යෙදී තිබූ අතර  එයට සමගාමීව  දහම් පාසල් බැති ගී ප්‍රසංග, වේදිකා නාට්‍ය,  ධර්ම දේශනා,  බෝධි පූජා, සහ මල් වට්ටි වෙන්දේසි සහ සර්ව රාත්‍රික පිරිත් දේශනා  පැවැත්වීමට සංවිධානය කොට තිබිණි .

එ අනුව   පහත රට විවිධ මල් වර්ග උපයෝගී කරගනිමින්  චෛත්‍යයක අනුරුව සහිත නිර්මාණය කරන ලද මල් වට්ටියක්  රුපියල් 84,000 ක මුදලකට අලෙවි වූහ .

එය ප්‍රදේශයේ තරුණයකු  ඉරේෂාන් චතුරංග  විසින්  මිලට ගැනීමට කටයුතු කළහ.

විහාරාධිපති හබරකඩ සෝභිත හිමියන්ගේ උපදෙස් හා අනුශාසනා මත පින්කම් මාලාව සංවිධානය කොට පැවතිණි.