ශ්‍රී ලංකාවේ  බස්නාහිර පළාතේ මෙගාපොලිස් සංවර්ධන ව්‍යාපෘතිය ඇතුළු රජය විසින් නාගරික ප‍්‍රදේශයන් හි සිදු කෙරෙන සියලූම මහපරිමාණ ව්‍යාපෘති සඳහා සහාය දක්වන්නැයි කොළඹ නගාරාධිපති එම්.ජේ.එම්.මුසාම්මිල් ආසියා සංවර්ධන බැංකුව ඇතුළු අරමුදල් සපයන සියලූම ජාත්‍යන්තර සංවිධාන වලට විවෘත ආරාධනයක් කළේය.

ජර්මනියේ ෆ‍්‍රැන්ක්ෆර්ට් නුවරදී පසුගිය 4 වැනිදා පැවති ‘අනාගතයේ දී නගර කරා’ යන තේමාවෙන් යුතුව ආසියා සංවර්ධන බැංකුවේ වාර්ෂික සැසිවාරය අමතමින් නගාරාධිපති  මෙම ආරාධනය කළේය.

නගරාධිපති සඳහන් කර සිටියේ සංවර්ධනය වෙමින් පවතින රටවල අගනගරය සංවර්ධන සඳහා සිදුකෙරෙන මෙවැනි ව්‍යාපෘතින් සඳහා ආසියානු සංවර්ධන බැංකුව , ලෝක බැංකුව වැනි බහුපාර්ශවික මූල්‍ය  සංවිධාන විසින්  මහනගර සංවර්ධන ව්‍යපෘතින් වල නාගරික ප‍්‍රදේශවල උමං මාර්ග , අධිවේගී මාර්ග ආදී  යටිතල පහසුකම් සංවර්ධනය වෙනුවෙන් සහාය දැක්වීම ඉතාම වැදගත් බවය.

කොළඹ නගරයේ ජනතාව වෙනුවෙන් නව නිවාස 60,000ක අවශ්‍යතාවයක් පවතින බවත් , එම නිවාස ඉදිකිරීම සඳහා ආයෝජනය කරන්නන් සිටී නම් ඊට අවශ්‍ය වානිජමය ඉඩම් එම නාගරික ප‍්‍රදේශයෙන් ලබා දීමට සූදානම් බවද කොළඹ නගරාධිපතිවරයා සඳහන් කර සිටියේය.