(තිළිණි ද සිල්වා)

මහජන උපයෝගීතා කොමිෂන් සභාවේ නව සාමාජිකයන්ට පාර්ලිමේන්තු සභාවේ බහුතර එකඟතාව පළ වී ඇත.

ඒ අනුව එම සභාවේ සභාපති ධුරය සඳහා ජනක රත්නායක මහතා ද , සෙසු සාමාජිකයින් ලෙස  චතුරිකා විජේසිංහ, මොහාන් සමරනායක, උදේනි වික්රහමසිංහ සහ මහාචාර්ය ජනක ඒකනායක යන මහත්ම මහත්මීන් පත් කිරීමට පාර්ලිමේන්තු සභාවේ අනුමැතිය හිමිවී ඇත.

කථානායක මහින්ද යාපා අබේවර්ධන මහතාගේ ප්‍රධානත්වයෙන් කථානායක නිල නිවසේදී පාර්ලිමේන්තු සභාව රැස්වූ අතර එම සභාව නියෝජනය කරමින් අග්‍රාමාත්‍ය මහින්ද රාජපක්ෂ, විපක්ෂනායක සජිත් ප්‍රේමදාස, අමාත්‍ය ඩග්ලස් දේවානන්ද, පාර්ලිමේන්තු මන්ත්‍රී කබීර් හෂීම් සහ පාර්ලිමේන්තු මහලේකම් ධම්මික දසනායක යන මහත්වරු ඊට සහභාගී වූහ.