පාර්ලිමේන්තුවට නව මන්ත්රීවරුන් පත් කිරීම සඳහා එක්සත් ජනතා නිදහස් සන්ධානයෙන් ඉදිරිපත් කළ ජාතික ලැයිස්තුව අභියෝගයට ලක් කරමින් මහජන එක්සත් පෙරමුණේ උපසභාපති සෝමවීර චන්ද්රසිරි මහතා ඉදිරිපත් කළ මූලික අයිතිවාසිකම් පෙත්සම ලබන ඔක්තෝබර් දෙවැනිදා සලකා බැලීමට ශ්රේෂඨාධිකරණය අද (10) තීන්දු කළේය.
අදාළ පෙත්සමෙහි නොතීසි එහි වගඋත්තරකරුවන්ට ලැබී නොතැබීම නිසා පෙත්සම සලකා බැලීම මෙලෙස කල් තබන ලදී.
මෙම පෙත්සම වැඩබලන අගවිනිසුරු චන්ද්රා ඒකනායක, ප්රියසාත් ඩෙප්, සහ අනිල් ගුණරත්න යන මහත්වරුන්ගෙන් යුතු ත්රීපුද්ගල ශ්රේෂ්ඨාධිකරණ විනිසුරු මඩුල්ලක් හමුවේ අද (10) කැඳවිණි.
පාර්ලිමේන්තුවට නව මන්ත්රීවරුන් පත් කිරීම සඳහා එක්සත් ජනතා නිදහස් සන්ධානයෙන් ඉදිරිපත් කළ ජාතික ලැයිස්තුව අභියෝගයට ලක් කරමින් මහජන එක්සත් පෙරමුණේ උපසභාපති සෝමවීර චන්ද්රසිරි මහතා විසින් ගොනු කළ මෙම පෙත්සමේ වගඋත්තරකරුවන් ලෙස මැතිවරණ කොමසාරිස්, එක්සත් ජනතා නිදහස් සන්ධානයේ මහලේකම් විශ්වා වර්ණපාල ,හිටපු මහලේකම් සුසිල් ප්රේමජයන්ත, එම සන්ධානයේ සාමාජික පක්ෂ වල ලේකම්වරු,එක්සත් ජනතා නිදහස් සන්ධානයෙන් මැතිවරණයට ඉදිරිපත්ව පරාජයට පත්වී ජාතික ලැයිස්තුවට නම් කර සිටින මන්ත්රීවරු ඇතුළු 49 දෙනෙක් නම් කරනු ලැබ සිටිති.
පරාජිත අපේක්ෂකයින් හත් දෙනෙකු එක්සත් ජනතා නිදහස් සන්ධානයේ ජාතික ලැයිස්තු මන්ත්රීවරුන් ලෙස ප්රකාශයට පත් කරමින් මැතිවරණ කොමසාරිස්වරයා අගෝස්තු 21 වැනිදා නිකුත් කළ ගැසට් නිවේදනය අවලංගු කරන ලෙසත්,එම ගැසට් නිවේදනයේ නම් සඳහන් අය ඡන්දයෙන් තේරී පත්වූ අපේක්ෂකයින් ලෙස පාර්ලිමේන්තුවේ අසුන් ගැනීම සහ කටයුතු කිරීම වළක්වන අතුරු නියෝගයක් නිකුත් කරන ලෙස පෙත්සම්කරු සිය පෙත්සමින් ඉල්ලා සිටී.
ආණ්ඩුක්රම ව්යවස්ථාවේ 99 වැනි ව්යවස්ථාව මඟින් මැතිවරණ කොමසාරිස්වරයාට පැවරී ඇති බලතල අනුව අදාළ ගැසට් නිවේදනය නිකුත් කළත් මහජනතාවගේ සර්වජන ඡන්ද බලය ආරක්ෂා කිරීමේ බලධාරියා වන මැතිවරණ කොමසාරිස්වරයා එක්සත් ජනතා නිදහස් සන්ධානයේ දෙවැනි ජාතික ලැයිස්තුව පිළිගැනීමෙන් ජනතාවගේ සර්වජන අයිතිය උල්ලංඝනය කර ඇතියිද සඳහන් වේ.
එබැවින් මෙම ජාතික ලැයිස්තු මන්ත්රී ධූර පිළිගැනීම නිසා මැතිවරණ නොමසාරිස්වරයා විසින් ආණ්ඩුක්රම ව්යවස්ථාවේ 10,12(1), 12(2) , 14(1) (ආ) යන ව්යවස්ථා මඟින් සහතික කර ඇති මූලික අයිතීන් උල්ලංඝනය කර ඇති හෙයින් මෙම පෙත්සම විශේෂ නඩු කටයුත්තක් ලෙස සලකා විශේෂ විනිසුරු මඩුල්ල ඉදිරියේ මෙම පෙත්සම කැඳවන ලෙසද පෙත්සමින් ඉල්ලා ඇත.
තවද පරාජිත අපේක්ෂකයින් හත්දෙනෙකු ඇතුළත්ව සැකසූ එක්සත් ජනතා නිදහස් සන්ධානයේ ජාතික ලැයිස්තු මන්ත්රී ධූර නම් කරමින් ඉකුත් 21 වැනිදා මැතිවරණ කොමසාරිස් නිකුත් කළ ගැසට් නිවේදනය බලරහිත කරන්නැයිද පෙත්සම්කරු ඉල්ලා සිටී.
නම්කර ඇති මැතිවරණ රාජකාරීන් වලට රපෝර්තු නොකරන රාජ්ය නිළධාරීන් සහ සේවකයින්ට එරෙහිව විනයානුකූලව කටයුතු කරන බව මැතිවරණ කොමසාරිස් ජනරාල් සමන් ශ්රී රත
වේයන්ගොඩ ප්රදේශයේ නිදන් වස්තු ඇතැයි කියන ප්රදේශයක කැණීම් කරමින් සිටි සිවුරු දරා ගත් පුද්ගල ඇතුළු සැකකරුවන් නව දෙනෙකු අත්අඩංගුවට ගත් බව වේයන්ගොඩ පො
මෙරට සර්ව ජන ඡන්දය බලය ලැබුණ දා පටන්ට බලපිටිය මාදූව දූපත්වාසීන්ට ඡන්දය දැමීමට ඡන්ද පෙට්ටිය ගෙනයනුයේ ඔරු පාරු හා මෝටර් බෝට්ටුවලිනි.
වත්තේගම පොලිස් ස්ථානයට මැතිවරණ විශේෂ රාජකාරී සඳහා කැඳවා තිබූ පොලිස් කොස්තාපල් වරයෙකුගේ ටී 56 ගිනි අවියක් ක්රියාත්මක වීමෙන් පොලිස් ස්ථානයේ වහලයට හාන
මැතිවරණ කොමසාරිස් ජෙනරාල් සමන් ශ්රී රත්නායක මහතා අද කළුතර දිස්ත්රික්කයේ මැතිවරණ කටයුතු සිදුකරන ආකාරය සම්බන්ධයෙන් නිරීක්ෂණ චාරිකාවක නිරතවිය.
තලවකැලේ , මඩකුඹුර වත්තේ ගසක නැග අතු කැපිමට ගිය පුද්ගලයෙකුට ගස මත සිටියදි එල්ල වු බඹර ප්රහාරයකින් ගස මතින් පහලට ඇද වැටි ජිවිතක්ෂයට පත් වි ඇති බව තලවකැලේ
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
මහජන එක්සත් පෙරමුණේ පෙත්සම විභාගයට
ජයසේන Friday, 11 September 2015 01:10 PM
කොට්ඨාස ක්රමය අවහම ඔයගොල්ලන්ට යන එන මන් නැහැ. (අ)
ගුණදාස Friday, 11 September 2015 09:28 PM
අන්ත පරාජයට පත් උන කට්ටියට ලැජ්ජාවක් එහෙම නැහැ වගේ. ලැජ්ජා තියෙනවා මෙහෙම වෙයිද ? (නදී)
ඉර්ෆාන් Friday, 11 September 2015 12:15 PM
හැමදාම නොමිලේම මැතිසබයට එන්නේ නැතුව තනියෙන් ඡන්දය ඉල්ලා එන්නකෝ (අ)