(සුජිත් හේවාජුලිගේ සහ  අංජුල මහික වීරරත්න)

නවවෙනි පාර්ලිමේන්තුවේ තුන්වෙනි සභා වාරයේ මහජන පෙත්සම් පිළිබඳ කාරක සභාවේ සභාපතිවරයා ලෙස පාර්ලිමේන්තු මන්ත්‍රී ජගත් පුෂ්පකුමාර මහතා යළිත් තේරී පත්විය.

මහජන පෙත්සම් පිළිබඳ කාරක සභාවේ පළමු රැස්වීම පසුගිය 1 වැනිදා පැවැත්වුණු අතර මෙම පත්කිරීම කෙරුණේ එම රැස්වීමේදීය.

සභාපති තනතුර සඳහා ජගත් පුෂ්පකුමාර මහතාගේ නම  පාර්ලිමේන්තු මන්ත්‍රී ප්‍රියංකර ජයරත්න මහතා විසින් යෝජනා කරනු ලැබූ අතර එය ස්ථිර කරන ලද්දේ වඩිවෙල් සුරේෂ් මන්ත්‍රීවරයා විසිනි.

නව වැනි පාර්ලිමේන්තුවේ දෙවැනි සභා වාරයේ මහජන පෙත්සම් පිළිබඳ කාරක සභාවේ සභාපතිවරයා ලෙස කටයුතු කළේද ජගත් පුෂ්පකුමාර මහතාය.

පාර්ලිමේන්තුවේ තේරීම් කාරක සභාව විසින්  ස්ථාවර නියෝග 120 (1) අනුව මහජන පෙත්සම් පිළිබඳ කාරක සභාව සඳහා සාමාජිකයන් පසුගියදා පත් කරනු ලැබීය.

මේ අනුව එම කමිටුවේ සාමාජිකයන් ලෙස පත් කරනු ලැබ සිටින්නේ  ගාමිණී වලේබොඩ, ඉම්තියාස් බාකීර් මාකාර්, පියංකර ජයරත්න,  දිලිප් වෙදආරච්චි, වඩිවේල් සුරේෂ් ,  එස්. වියාලේන්ද්‍රන් , අශෝක ප්‍රියන්ත ,  අරවින්ද් කුමාර් ,  ගීතා සමන්මලී කුමාරසිංහ ,බී. වයි. ජී. රත්නසේකර ,  සාරතී දුෂ්මන්ත ,  ගෝවින්දන් කරුණාකරම්,  ජයන්ත කැටගොඩ ,  මොහමඩ් මුසම්මිල්, තුෂාර ඉඳුනිල් අමරසේන,වේලු කුමාර් , වරුණ ලියනගේ  ,  යූ. කේ. සුමිත් උඩුකුඹුර  ,  මායාදුන්න චින්තක අමල් ,  නිපුණ රණවක ,   රාජිකා වික්‍රමසිංහ යන මහත්ම මහත්මීන්ය