මහ ඡන්දයට වෙනත් දිනයක්?

(සුජිත් හේවාජුලිගේ )

පාර්ලිමේන්තු මහ මැතිවරණය පැවැත්වෙන දිනය බොහෝ දුරට දිනයක් හෝ දෙකක් වෙනස්වීමට ඉඩ ඇතැයි රජයේ ආරංචි මාර්ගවලින් පැවසේ.

පාර්ලිමේන්තු ඡන්ද විමසීම පනතේ 10 වගන්තිය අනුව මැතිවරණයට දින වෙන් කළ ආකාරයේ විශාල ගැටලුවක් පවතින බව නීති විශාරදයෝ පෙන්වා දෙති.

එම පනත ප්‍රකාරව නාමයෝජනා කැඳවීම සිදුකෙරුණේ ඔක්තෝබර් මස 04 වැනිදා සිට ඔක්තෝබර් මස 11 වැනිදා දක්වා කාලයේදීය.

නාමයෝජනා භාරගැනීම අවසන් වූ දින සිට සති පහකට නොඅඩු කාලයක් සහ සති හතකට නොවැඩි කාලයකදී ඡන්ද විමසීම සඳහා දින නියම කළ යුතු බව පනතේ පැහැදිලිව දැක්වෙන්නේ යැයි එම විශාරදයෝ පෙන්වා දෙති.

ඒ අනුව නාම යෝජනා බාරගැනීම අවසන් වූ ඔක්තෝබර් මස 11 වැනිදා සිට සති පහක කාලය නොවැම්බර් මස 15 වන දා අවසන් වන අතර සති 07 කාලය නොවැම්බර් මස 29 වනදා සම්පූර්ණ වන බව කියති.

එහෙත් වර්තමානයේ පාර්ලිමේන්තු ඡන්ද විමසීම නියම කර තිබෙන නොවැම්බර් මස 14 වනදා එම නීතිමය කාලසීමාවට ඇතුළත් නොවන හෙයින් එදින පාර්ලිමේන්තු ඡන්ද විමසීම පැවැත්වීම නීතියට පටහැනි බව ඔවුහු වැඩිදුරටත් පෙන්වා දෙති.

එමගින් ජනතා පරමාධිපත්‍ය උල්ලංඝනය වන බවද එම විශාරදයෝ වැඩිදුරටත් සඳහන් කරති.

මේ කාරණය පිළිබඳව මැතිවරණ කොමිෂන් සභාවද අවධානය යොමු කර ඇතැයි දැනගන්නට ඇත.

මේ තත්ත්වය යටතේ නීති උපදෙස් ලබා ගැනීමෙන් අනතුරුව පාර්ලිමේන්තු මැතිවරණය පැවැත්වෙන දිනය බොහෝ විට ඉදිරියේදී වෙනස් කෙරෙනු ඇතැයි ආරංචි මාර්ග සඳහන් කළේය.

ඒ අනුව නව දිනය සඳහන් කරමින් අලුත් ගැසට් නිවේදනයක් නිකුත් කිරීමට සිදුවනු ඇත.

අදහස් (19)

මහ ඡන්දයට වෙනත් දිනයක්?

යෝගා Saturday, 26 October 2024 11:12 AM

14 වැනිදා දිනය තීරණය කලේ කාගේ වුවමනාවටද? 15 පෝය, 16 සෙනසුරාදා තමයි සුදුසුම දිනය. ආර්ථිකය දුර්වල රටකට වැඩ කරන සතියේ දිනයක් ඡන්දයක් වෙනුවෙන් නැති කරගන්න එක මෝඩ වැඩක්.

: 8 106

RangeSaturday, 26 October 2024 02:26 PM

ජේවීපී ඉල් මහ විරු සමරුව තියෙන්නේ නොවැම්බර් 13. ඒකට පස්සෙන්දා ඡන්ද විමසීම තිබ්බාම තව ඡන්ද ටිකක් විතර වැඩිවෙයි. කියලා හිතන්න ඇති...!

: 17 67

Udukumbura Saturday, 26 October 2024 11:13 AM

ලොක්කන්ට ගැලපෙන ආකාරයට නැකැත් පත හදාගෙන හිටියා.. දැන් මොකද වෙන්නේ කියලා බලාගෙන සිටිමු. කොහොම වුණත් ලංකාවේ මිනිස්සු හැමදාම රැල්ල පාගන්න කැමතිනේ...

: 15 53

Jayasekara Saturday, 26 October 2024 11:46 AM

ජනතා පරමාධිපත්‍යය උල්ලංඝනය වෙන්නේ මේවා නිසා නෙවෙයි. ජනතා පරමාධිපත්‍යෙයන් පාර්ලිමේන්තුවට ගිහිල්ලා ඊට පස්සේ ගෙම්බන් වගේ පක්ෂේ මාරුකරනකොට.

: 40 60

Nelu Saturday, 26 October 2024 12:04 PM

15 පෝය දවසේ නම් එපෝ... අපේ ගම්පළාත් වල පන්සල් දෙක තුනක කඨින පිංකම් 14/15 දෙකේ. සෙනසුරාදා අල්ලලා තියන්න ඉරිදාත් නිවාඩු දිනයක් නිසා ඇඳිරි නීතිය දැම්මත්..!

: 3 41

SurangodaSaturday, 26 October 2024 03:57 PM

කඨින පිංකම වගේද අවුරුදු 76ක් ජනතාව පීඩාවට පත්කළ ආණ්ඩුව එලවා දමා යාන්තම් බලය ගත්තු වෙලාවේ අලුත්ම ආණ්ඩුව තුනෙන් දෙකක් අරගෙන බලවත් ආණ්ඩුවක් හදන්න තියෙන හොඳම දවසක් ආයේමත් නොලැබුණොත් මොකද කරන්නේ... ඒකනේ ප්‍රශ්නය වෙලා තියෙන්නේ ඒ නිසා කෑනොගහ ඉන්න නෙලූ...!

: 5 3

කුමාර Saturday, 26 October 2024 12:29 PM

මෙච්චර වැදගත් වැඩකදී මේ වගේ සරල ගාණක්වත් හදාගන්න බැරි අයද ඔය කොමිසමේ ඉන්නේ? අනේමන්දා...

: 34 20

තිලින Saturday, 26 October 2024 12:40 PM

වේදිකාවල දුන්නු පොරොන්දු ඉටු කරන්න බැරි බව දන්නා නිසා ජනපතිවරණ ජයෙන් පස්සේ හැකි ඉක්මණින් ඡන්දය තියන්න කඩිමුඩියේ වැඩ කරන්න ගියාම වෙන දේවල්...!

: 9 51

එරන්ද Saturday, 26 October 2024 12:43 PM

14 තමා හොඳම දවස, වෙනස් කරන්න එපා...!

: 36 8

හිරාන් Saturday, 26 October 2024 12:44 PM

අයි එම් එෆ් එක කියන්නෙු ණය දෙන ආයතනයක්. මේ ආන්ඩුවේ කට්ටිය දුන්නු ඡන්ද පොරොන්දු ඉටු කරන්න ගියොත් ණය ගන්න බැරිවෙන නිසා තැටිය රත් වුණු වෙලේ රොටිය පුච්චා ගන්න හදිසියට ගිහින් අලුතෙන් තව වියදම්...!

: 3 34

සන්ජීව Saturday, 26 October 2024 12:46 PM

යාන්තම් රනිල් ජනපතිවරණය නියම දිනේට පැවැත්තුවා. මෙයාලාට ඒකවත් හරියට කරන්න බැහැ...

: 11 39

නලින් Saturday, 26 October 2024 12:54 PM

පුළුවන්නම් ඔය ඡන්දය කලින් තියලා දෙන්න. මේ යන විදිහට ගියොත් උගන්ඩාවේ සල්ලි ගේන්න අපිටත් යන්න වෙනවා. බොරු පොරොන්දු ටික එළිවෙද්දී.

: 11 53

සාලිය Saturday, 26 October 2024 12:56 PM

මහා බුද්ධිමතුන්.. දැන් දවස් 35 ගනින්නත් තේරෙන්නේ නැහැ. මොන්ටිසෝරි ළමයින්ට පුළුවන් දේත් බැරිය...

: 7 40

Nandalal DE SILVA - France Saturday, 26 October 2024 02:30 PM

බලය ලැබුණු ගමන්ම, මහ ඡන්දයක් තියාගන්න ගිහින් ඒකත් අනාගත්තා. ගණන් බැරි අය කොහොමද අයි.එම්.එෆ් එක සමග ඩීල් දාන්නේ...? කියලා අනිකුත් දේශපාලන පක්ෂ නායකයෝ හුරේ දමනවා.

: 7 38

ගමේ එකාලා Saturday, 26 October 2024 02:49 PM

ඡන්දේ පවත්වන දිනය විතරක් හරියට තිබුනොත් ඇත්ද? අනික් දේවල් යකාට ගියත් කමක් නැහැ...!

: 24 2

සමන් Saturday, 26 October 2024 03:01 PM

ජාතික ජන බලවේගයට මෙම දිනය අසුබ බව ජාතික ජන බලවේගයට කඩේ යන ජ්‍යොතීර්වේදියෙක් කියනවා. රවි ග්‍රහයා නීචවෙලා තියෙන නොවැම්බර් මැද දක්වා හොඳ නැති බවත්, ශනි සහ ගුරු වක්‍රවෙලා තියෙන නිසා මේ කාලය තව දින කීපයක් පසුකරන ලෙස උපදෙස් දීලා තියෙනවා. මේ කතාව ජ්‍යෙතිෂ්‍යට අනුව සත්‍යයක්. රවී නීචවෙලා තියන කාලෙට ඕනෑම නායකයෙක් පච වෙනවා. ඒක වෙලා තියෙන බවත් පේන්නම තියෙන නිසා තමයි ඔය දිනය වෙනස් කරන්න යන්නේ...!

: 21 13

පුරවැසියා Saturday, 26 October 2024 03:12 PM

පාඨක අදහස් වලින් පේන්නේ ජනාධිපතිවරණයෙන් පසුත් දේශපාලන අඳබාලයන් සිටින බවයි...!

: 31 9

Akila Saturday, 26 October 2024 03:29 PM

මැතිවරණය පවත්වන දිනය ප්‍රධාන පක්ෂ කිසිම එකකට ප්‍රශ්නයක් වෙලා තිබ්බේ නැහැ. අපේ රටේ ඉන්නවා නිකන් කැසිල්ලට හැම එකකටම පෙත්සම් ගහන එවුන් ටිකක්, උන්ට තමයි මේක ප්‍රශ්නයක් වෙලා තියෙන්නේ

: 23 7

පිටරැටියා Saturday, 26 October 2024 04:04 PM

ජනාධිපතිවරණය පැවැත්වෙන එකටත් නොයෙකුත් උප්පරවැට්ටි දැම්මා. මහ මැතිවරණයටත් දිනය අල්ලාගෙන දඟලනවා. බලාගෙන ගියාම අපේ රටේත් ඉන්නේ පුදුම ජාතියක්...!

: 6 4

ඔබේ අදහස් එවන්න

එසැණ පුවත්

අල්ගම ඔයේ දිය නෑමට ගිය අයෙක් අතුරුදන්

2024 ඔක්තෝබර් මස 26 98 0

නිට්ටඹුව පොලිස් වසමේ දඹුටුව පාසල අසල අල්ගම ඔයේ දියනෑමට ගිය පුද්ගලයෙකු අද (26) දහවල් දියේ ගසාගෙන ගොස් අතුරුදන් වී ඇතැයි නිට්ටඹුව පොලිසිය කියයි .

‘‘ප්‍රහාරයට සාර්ථකව මුහුණ දුන්නා‘‘

2024 ඔක්තෝබර් මස 26 1694 0

ඊශ්‍රායලය එල්ල කළ ප්‍රතිප්‍රහාරය සාර්ථකව මැඩ පැවැත්වූ බවත් කෙසේ වෙතත් ඉන් සීමිත හානියක් සිදුවූ බවත් ඉරාන ජාතික ගුවන් ආරක්ෂණ මුලස්ථානය නිවේදනයක් නික

ප්‍රහාරය සාර්ථකයි-ඊශ්‍රායලය

2024 ඔක්තෝබර් මස 26 1179 0

ඉරානයට එල්ල කළ ප්‍රති ප්‍රහාරය සාර්ථකව අවසන් කළ බව ඊශ්‍රායල හමුදාවේ ජ්‍යෙෂ්ඨ ප්‍රකාශක ඩැනියෙල් හැගාරි සිය එක්ස් ගිණුමේ සටහනක් තබමින් ප්‍රකාශ කළේය.

විදෙස් බුද්ධි තොරතුරු විපරමට වෙනම බලඇණි තුනක්

2024 ඔක්තෝබර් මස 26 712 1

රටේ ආරක්ෂාවට අදාළ කරුණු සම්බන්ධයෙන් විදේශීය බුද්ධි සේවා දෙන තොරතුරු සම්බන්ධයෙන් පැය 24 පුරා විමසිල්ලෙන් සිටීමට වෙනම බුද්ධි අංශ කණ්ඩායම් තුනක් පත් කරන

අපේ අය තව 61ක් ඊශ්‍රායලයට

2024 ඔක්තෝබර් මස 26 845 3

ශ්‍රී ලංකා රජය හා ඊශ්‍රායල් රජය අතර ඇති කරගන්නා ලද අවබෝධතා ගිවිසුම අනුව ඉකුත් දෙසැම්බරයේ සිට මේ දක්වා ඊශ්‍රායලයේ කෘෂිකාර්මික රැකියා සඳහා ශ්‍රී ලාංකි

ජනපති කමිටුව ඇමැති බංගලාවලටත් කඩාපනී

2024 ඔක්තෝබර් මස 26 3343 1

හිටපු මැති ඇමතිවරුන්ට රජයෙන් ලබා දී තිබූ බංගලා පහසුකම් සම්බන්ධයෙන් හිටපු ජනාධිපතිවරුන්ගේ සහ හිටපු මැති ඇමතිවරුන්ගේ වරප්‍රසාද පිළිබඳව කරුණු සොයා බැ