මහ පාරේ බස් ජල්ලි ඇල්ලු කොන්දොස්තර-රියදුරුගේ වැඩ තහනම්

(ශාන්ත ප්‍රදීප් කුමාර කුලරත්න)

මගීන් නංවා ගැනීමේ සිද්ධියක් මුල් කර ගනිමින් පෞද්ගලික බස් රථයක මඟ හරස්කොට එහි රියදුරුට හා බස් රථයට යකඩ පොල්ලකින් පහර දුන් තවත් පෞද්ගලික බස් රථයක රියදුරුගේ හා කොන්දොස්තර වරයාගේ සේවය වහාම ක්‍රියාත්මක වන පරිදි අත්හිටුවීමට පියවර ගත් බව බස්නාහිර පළාත් මාර්ගස්ථ මගී ප්‍රවාහන අධිකාරියේ සභාපති විශ්‍රාමික කොමදෝරු ගාමිණී ජාසිංහ මහතා පැවසීය.

එසේම මෙම තහනම බස්නාහිර පළාතේ මගී ප්‍රවාහනය කරන කිසිදු බස් රථයක සේවය කිරීමට නොහැකි වන සේ නියෝග ලබා දී ඇති බවද සභාපතිවරයා වැඩිදුරටත් කීය.

මෙම සිද්ධිය ඉකුත් 04 දා සවස සිදුව තිබූ අතර හෝමාගම පිටකොටුව (138) හා පිටකොටුව ඉංගිරිය (125) පෞද්ගලික බස් රථ දෙකක් පිටකොටුවේ සිට හයිලේවල් මාර්ගය ඔස්සේ ධාවනය වෙමින් තිබියදී ඉංගිරිය බස් රථය සෑම බස් නැවතුම්පළකම නවතා මගීන් නංවා ගැනීමට උරන වූ හෝමාගම බස් රථයේ රියදුරු සහ කොන්දොස්තරවරයා හෝමාගම ප්‍රදේශයේදී මඟ හරස් කොට බස් රථය නවතා ඉංගිරිය බස් රථයේ රියදුරට, කොන්දොස්තරවරයාට හා බස් රථයට යකඩ පොල්ලකින් පහරදී තර්ජනය කර තිබේ.

පසුව මේ සම්බන්ධයෙන් ඉංගිරිය බස් රථයේ සේවකයින් කළ පැමිණිල්ලකට අනුව හෝමාගම බස් රථයේ රියදුරුගේ සහ කොන්දොස්තරවරයාගේ සේවය වහාම ක්‍රියාත්මක වන පරිදි තාවකාලිකව අත්හිට වූ බවත් සිද්ධිය වූ දා සිට මේ දක්වා බස් රථයේ ගමන් වාර ලබා නොදීමට පියවර ගත් බවත් සභාපති ගාමිණී ජාසිංහ මහතා පැවසීය.

අදහස් (8)

මහ පාරේ බස් ජල්ලි ඇල්ලු කොන්දොස්තර-රියදුරුගේ වැඩ තහනම්

KUSUM Friday, 07 February 2025 10:18 AM

හොඳින් කළා! බොහෝ කාලයක් බලා සිටි හොඳ විනිශ්චයක්..

: 2 33

NishanthaFriday, 07 February 2025 12:44 PM

වැඩක් නැහැ කුසුම් ඔවුන් දෙන්නා ඊළඟට ආසන්නව තියෙන සබරගමුවට ඒවි. මේවා කරන්න ඕන පළාත් කොමිසමේ නිර්දේශ මත ජාතික ගමනාගමන කොමිසමෙන් පමණයිනේ... නැත්නම් දඬුවමෙන් වැඩක් නැහැ...

: 0 8

ලක්විදු Friday, 07 February 2025 10:28 AM

මොවුන්ගේ ඡායාරෑපද ජනමාධ්‍ය වලින් ප්‍රසිද්ධ කල යුතුය.

: 2 30

ජිල්බු Friday, 07 February 2025 01:29 PM

අනිවාර්යයෙන්ම! එතකොට ඡායාරූප පර්ස්වල දාගෙන ඉඳලා, ඩ්‍රයිවර් ඒ වගේ නම් නගින්නෙම නෑ. සල්ලි දීලා ගෙනියනව කිව්වත් ගොඩවෙන් නෑ.

: 1 6

ලක්විදුFriday, 07 February 2025 02:28 PM

අනේ ජිල්බුවෝ මොලේක තරම. වැරැදිකරුවන් සමාජයේ ප්‍රසිද්ධ කළාම අඩුම ගණනේ වරදක් කිරීමට පෙර දෙවරක් හිනතවා... ඔවුන්ගේ ඥාති මිත්‍රාදීන්වත් ඔවුන්ගේ ආත්ම ගරුත්වය රැකගැනීමට බල කරනවා...

: 0 2

ජිල්බු Friday, 07 February 2025 03:40 PM

අනේ මට තේරුණේ දැන් තමයි// එහෙනං පොටෝ කෑලි තියාගන්න ඕන්නෑනෙ. ඒක එක අතකට හොඳයි. නැත්තං බවලත් උදවිය ළඟ වෙන මිනිස්සුන්ගේ පොටෝ තිබිලා ගෙදර මනුස්සයට අහු වුණොත් පවුල් අවුල් වෙනවා.

: 0 0

ජිල්බු Friday, 07 February 2025 11:10 AM

චැහ්, අපේ ආණ්ඩුවක් තිබුණනං ගොඩින් බේරගෙන, තගදාං යන්න තිබ්බ, කොහෙද ඉතිං ..!..

: 3 21

Hashan sanjula nicholas Friday, 07 February 2025 01:19 PM

සිරිඅම්මේ සාරා...!

: 0 3

ඔබේ අදහස් එවන්න

එසැණ පුවත්

ජාත්‍යන්තර රතු නිවේදන නිකුත් කළ සැකකරුවන් තිදෙනකු කටුනායකට

2025 පෙබරවාරි මස 07 211 0

මෙරට මිනීමැරුම් ඇතුළු අපරාධ රැසක් කර , අධිකරණය මග හැර , ඩුබායි රාජ්‍යය වෙත පළා ගොස් සිටි සැකකරුවන් තිදෙනකු පිළිබඳ ශ්‍රී ලංකා පොලිසිය විසින් සිදු කරන ලද

ඩිජිටල්කරණය රට අලුත් තලයකට ඔසවා තබනු නියතයි

2025 පෙබරවාරි මස 07 292 0

ඩිජිටල් සමාජයක් කරා රට ගෙනයාමේ වැඩපිළිවෙළ හරහා ප්‍රධාන ඩිජිටල් පහසුකම් තුනක් හඳුන්වාදීම ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිප

මන්නා පහරින් තිදරු මව මරුට

2025 පෙබරවාරි මස 07 266 0

සැමියා විසින් බිරිඳගේ ගෙල කපා ඝාතනය කර ඇතැයි වාද්දුව පොලිසිය කියයි.

බහලුම් 2000ක් තවමත් පෝලිමේ

2025 පෙබරවාරි මස 07 128 1

නිෂ්කාශනය කිරීම ප්‍රමාද වූ ආනයනික බහලුම් 2,000 කට ආසන්න සංඛ්‍යාවක් තවදුරටත් රේගු නිෂ්කාශන අංගනවල සිරවී ඇති බව රේගු දෙපාර්තමේන්තුවේ උසස් නිලධාරියෙක් අද (

CID ස්ථානාධිපතිට නොතීසි

2025 පෙබරවාරි මස 07 427 0

ක්‍රීඩා අමාත්‍යාංශයේ හිටපු ලේකම් හිටපු මේජර් ජෙනරාල් නන්දසිරි මල්ලවාරච්චි මහතා අත් අඩංගුවට ගැනීමේ සූදානම සම්බන්ධයෙන් ලබන 14 වැනි දින කරුණු දක්වන්නැය

බාලවයස්කාර දැරියගේ අත පිළිස්සූ නැන්දනිය අත්අඩංගුවට

2025 පෙබරවාරි මස 07 128 0

නාච්චාදුව ප්‍රදේශයේ නිවසකින් රුපියල් සීයක් සොරාගත් බවට චෝදනා කර 11 හැවිරිදි බාල වයස්කාර දැරියකගේ අත් දෙක යකඩ හැන්දක් රත්කර පුලුස්සා බරපතල තුවාල සිදුක