මල්ෂා ශලනි ජයවර්ධන කියන්නෙ මේ දිනවල වඩාත් ජනප්‍රිය චරිතයක්. ඒ මේ දිනවල ගීතමය රූප රචනා වැඩි ප්‍රමාණයකට ඇය සිය රඟනයෙන් දායක වී සිටින නිසායි. ඇයගේ දුරකථනයෙන් පිළිතුරක් ලබාගැනීමට නම් අමාරුයි. මොකද කවදාකවත් දුරකථන ඇමතුමක් වෙලාවට ගන්නෙ නැති කෙනෙක් නිසා. මේ අවුරුදු දවස් නිසා එයා හරි ජොලියෙන් ඉන්නවා කියලා තමයි කිව්වේ. ඒ නිසා එයත් එක්ක වෙනස් කතාබහක යෙදුණා.

මල්ෂා මේ දවස්වල හරි කාර්යය බහුලයි කියන්නේ ඇත්තද?

ඔව් මේ දවස් ටිකේ කාර්යය බහුලයි තමයි ඉතිං.

ඔච්චර කාර්යය බහුල මොකක් නිසාද?

කොළඹ ඉඳන් ගෙදර ඇවිල්ලනේ ඉන්නේ ඒකයි.

මොකද මේ රෙද්දයි හැට්ටෙයි ඇඳලා කරන්නේ?

අවුරුද් කුමාරි තරගයකට යන්න (ඔයාලමනේ කිව්වේ මේ විදිහට අඳින්න කියලා)

අවුරුදු කොහොමද?

අවුරුදු හොඳයි ඉතිං

දැනට අවුරුදු කෑම ජාති එහෙම ඔයාද හැදුවේ?

මම නම් මුකුත් හැදුවේ නැහැ. අම්මා තමයි හදන්නේ.

අවුරුදු ඉවර වෙන කොට සල්ලිත් ඉවරද?

මාසේ මුල ඉඳන්ම ෂොපින් ගියා.

අවුරුදු කාලේ කැවිලි බිස්නස් කරා කියන්නේ ඇත්තද?

අනේ නැහැ. ................ කවුද කියන්නේ.

මේ දවස්වල මොනාද කරන්නේ?

මේ දවස්වල හොරා පොලිස් අල්ලනවා.

දැන් කවුද හොරා?

මම තමයි හොරා, මේ දවස්වල ලයිසන් නැතුව බයික් පදිනවා.

ඒ කියන්නේ මෝටර් බයිසිකලයක් අලුතෙන් අරන්?

බයික් එකක් නම් අලුතෙන් ගත්තා. ඒත් ලයිසන් නැහැ. බයික් එක පැදන් යනවා. පොලීසියෙන් ඉන්නකොට බයික් එකෙන් බැහැලා තල්ලු කරන් යනවා.

ඉදිරියේදී කාන්තා පාර්ශ්වයට මෝටර් බයිසිකල් තහනම් වෙයිද?

එහෙම වෙන එකක් නැහැ. මේ හොරා පොලිස් සෙල්ලම ලයිසන් එක ගන්නකන් විතරයි.

ලයිසන් නැතුවද මෝටර් බයිසිකලයක් ගත්තේ?

අලියෙක් ගත්තා. පස්සේ හෙන්ඩුවක් ගන්නවා.

දැන් ලයිසන් ගන්නේ නැද්ද?

ගන්න ඕනා. බයික් එක ගත්ත ගමන් අවුරුද්දට ගෙදර ආවානේ. ඒ නිසා ආපහු කොළඹ ගිහින් ගන්නවා.

එතකොට ලයිසන් නැතුවද කොළඹ ඉඳන් ගමේ ගියේ?

ඔව්,.... මෙහෙමනේ බයික් එක අලුත් නිසා නතර කරනවා. අද ගත්තේ කිව්වාම යන්න කියනවා. ලයිසන් එක බැලුවෙ නැහැ. ගමේ එන දවසේ ගත්ත නිසා එහෙම්ම ආවා. අවුරුදු ඉවර වෙලා කොළඹ ගිහින් ලයිසන් එක ගන්න ඕනා. හැමදාම වැරදි කරන්න බැහැනේ. අපි ඒ අයටත් ගරු කරන්න ඕනේ.

ඩිලාන් ක්‍රිෂාන්ත / ඡායාරූප - ඉසුරු පෙරේරා