වෙළෙඳ දැන්වීම් සහ ගීතමය රූප රචනා තුළින් ක්ෂේත්‍රයට පිවිසි ඇය මේවනවිට පුංචි තිරයේ තරුවක් වී හමාරය. මේ දිනවල ඇය රංගනයෙන් දායක වන "උතුම් පැතුම්" ටෙලි නාට්‍ය විකාශය වෙයි. ඒ පිළිබඳ දිනුෂා සිරිවර්ධන වන ඇය අපත් සමග මෙසේ පවසා සිටියා.

" පසුගිය කාලයේ නම් සම්පත් බැංකුවේ සහ එල්.බී ෆිනෑන්ස් එකේ Commercial වගයක් කළා. මියුසික් වීඩියෝස් දෙකක් කළා. එයින් එකක් නම් එළිදැක්වූවා. තව මුල කවරයක් සඳහා ෆොටෝ ෂූට් එකක් කළා. ඊට අමතරව "උතුම් පැතුම්" ටෙලි නාට්‍යයේ පොඩි චරිතයක් සඳහා රංගනයෙන් දායක වුණා. මේ දවස්වල නම් මුකුත් විශේෂ වැඩකටයුත්තක් නැහැ. තවත් අලුත් නාට්‍යයක් ලබන මාසේ පටන් ගන්නවා. ඒකේ ප්‍රධාන චරිතය සඳහා අවස්ථාවක් ලැබිලා තියෙනවා. තවම ඒ ගැන නම් කියන්න අමාරුයි. විශේෂම දේ තමයි ලක් රූපවාහිනි ආයතනයේ නිවේදිකාවක් විදිහට කටයුතු කරන්න ආරාධනාවක් ලැබුණා. ඒ සඳහා ස්ක්‍රීන් ටෙස්ට් එකක් තියලා තමයි තෝරගන්නවා කිවුවේ. එහෙම අවස්ථාවක් ලැබුණොත්, ඉදිරියේදී පුංචි තිරය තුළ නිතර දකින්න අවස්ථාව ලැබෙයි. "

ඩිලාන් ක්‍රිෂාන්ත / ඡායාරූප - රොමේෂ් ධනුෂ්ක