(එස් හේරත් )

මාර්ගවල ධාවනය කිරීමට අවසර නොමැති අධි ධාරිතාවයෙන් යුත් යතුරු පැදි අධි වේගයෙන් ප්‍රධාන මාර්ගයේ ධාවනය කරමින් සිටි තරුණයින් හත් දෙනෙක් යතුරු පැදිද  සමඟ තෝඩුවාව පොලිසියේ රථ වාහන අංශයේ නිලධාරීන් විසින් අත්අඩංගුවට ගෙන ඇත.

මාරවිල සිට හලාවත දක්වා වූ වෙරළබඩ ප්‍රධාන මාර්ගයේ ගමන් ගන්නා මගීන්ට සහ අසල්වාසී මහජනතාවට පීඩා වන අයුරින් අධික ශබ්ද නගමින් අධික වේගයෙන් යතුරු පැදි ධාවනය කෙරෙන බවට  තොඩුවාව පොලිසියේ රථ වාහන අංශයේ ස්ථානාධිපති උප පොලිස් පරීක්ෂක රෝහිත යාපා මහතාට ලැබුණ තොරතුරකට අනුව මෙම යතුරු පැදි සමග තරුණයින් පිරිස අත්අඩංගුවට ගෙන තිබේ.

මෙසේ අත්අඩංගුවට ගන්නා ලද අවුරුදු 18 සහ 20 අතර වයස්වල පසුවන තරුණයින් පිරිස මාදම්පේ නාත්තන්ඩිය සහ කිරිමැටියාන යන ප්‍රදේශවල පදිංචිකරුවන් බවද පොලිසිය පවසයි.