අන්තර් සමාජ ප‍්‍රධානතම පාපන්දු තරගමාලාවේ පළමු අදියරේ තරග දෙකක් පැවැත්වීමට තිබියදී ප‍්‍රසාද ලකුණු සටහනේ පෙරමුණ ගැනීමට යුද හමුදා ක‍්‍රීඩකයෝ සමත්ව සිටිති. ඒ යුද හමුදාව තරග 11 කදී තරග හතක් ජය ගනිමින් එක් තරගයක් පමණක් පරාජය වෙමිනි. නවුෆර් ඉසදීන් ගෝල හතක් ලබා ගනිමින් යුද හමුදා පිලේ ජයග‍්‍රාහී නියමුවා වී සිටියි. රත්නම් පිල තරග හතක් ජය ලබා යුද හමුදා පිලට වඩා ප‍්‍රසාද ලකුණු දෙකක අඩුවකින් දෙවැනි තැනට පත්ව සිටියි. තරගාවලියේ පළමු අදියරේ තරග 64 ක් අවසානයේදී ක‍්‍රීඩකයෝ 89 දෙනෙක් දැඩි අවවාද හැඟවෙන කහ කාඞ්පත් ලබා සිටිති. විනය විරෝධි ක‍්‍රීඩා කිරීම නිසා ක‍්‍රීඩකයන් 13 දෙනකුට රතු කාඞ්පත් පෙන්වා පිටියෙන් පිටමං කිරීමට විනිසුරුවරු කටයුතු කළහ.