2024 නොවැම්බර් මස 06 වන බදාදා
2024 නොවැම්බර් මස 06 වන බදාදා
‘ඒකාබද්ධ විපක්ෂය‘ යන නාමය නෛතිකව වැරදි බව තමාගේ අදහස බවත් මාධ්‍යවේදීන් එය සොයා බලා ස්වයං තීරණයක් ලබාගෙන එවැනි වචන නිවැරදිව භාවිතා කළ යුතු බවත් එසේ කිරීමෙන් ජනතාව නොමග නොයන පරිදි වාර්තා කළ හැකි බවත් පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍යංශයේ ලේකම් නිමල් බෝපගේ මහතා අද (29) පැවැති මාධ්‍ය හමුවකදී පැවසීය.
එවැනි භාවිතයකට ගියහොත් අප සියලුදෙනා අසීරුතාවයට පත්විය හැකි බවද මාධ්‍ය කෙරෙහි සද්භාවයෙන් තමන් නිවේදනයක් නිකුත් කළ බවද ඔහු කීවේය.
‘මම ඉන්නා ක්ෂේත්‍රයේ සියලු දෙනා වෙනුවෙන් පෙනී ඉන්නවා. එය මගේ ජන්ම ගතිය. මේ සම්බන්ධයෙන් අර්ථ නිරූපණයක් අවශ්‍ය නම් එය නීතිපතිට යොමු කර නීතියක් ලෙස ගෙන ඒමට කටයුතු කරනවා. ඒකාබද්ධ විපක්ෂය පමණක් නොවෙයි මීට පෙර ‘කොණ්ඩයා‘ වගේ වචනද එවැනි වැරදි භාවිතයකට යොමු වුණා. මා නිකුත් කළ නිවේදනය සම්බන්ධයෙන් මාධ්‍ය ඇමැතිවරයා දැනුම්වත්ව සිටියේ නෑ. එය මගේ පෞද්ගලික අදහසක් පමණයි. ඔබ කියනවානම් ඒකාබද්ධ විපක්ෂය නීත්‍යනුකූලයි කියලා ඒකේ ප්‍රශ්නයක් නෑ‘ යැයිද ඔහු සඳහන් කළේය.
මාධ්‍ය හමුවේදී මාධ්‍යවේදීන් නැගූ ප්‍රශ්නවලට මාධ්‍ය ලේකම්වරයා මෙසේ පිළිතුරු ලබාදුන්නේය.
ප්‍රශ්නය - ඔබ ජනප්‍රිය වෙන්නද මේ වගේ දෙයක් කළේ?
පිළිතුර - නෑ. එහෙම වුවමනාවක් මට නෑ. මම මේ තනතුරට පත්වෙන්න කලිනුත් මේ අදහස හිතේ තිබුණා. මේක වැරදි වචනයක් කියලා. ඒත් දැන් මේ නිවේදනය නිසා හතර වටින්ම මට චෝදනා එල්ල වෙනවා.
ප්‍රශ්නය - ඔබට ‘ඒකාබද්ධ විපක්ෂය‘ කියන වචනය විතරද එහෙම වැරදි භාවිතයක් ලෙස පෙනුණේ. වෙන වචන තිබුණේ නැද්ද?
පිළිතුර - නෑ ඒක විතරක් නෙමෙයි. කොණ්ඩයා, සඳරේඛා සිද්ධිය, සේයා ඝාතනයේ ඡායාරූප වගේ බොහෝ දේ සම්බන්ධයෙන් මාධ්‍ය භාවිතය ගැන මම කථා කරන්න හිටියා. ඒවා දැන් පරණයි. මේ දිනවල වගේම දිගටම ඒකාබද්ධ විපක්ෂය ගැන කථා කරනවා. ඒකයි ඒ ගැන මම කිව්වේ. සාමාන්‍යයෙන් නමක් විදියට අයිතියක් ප්‍රකාශ කරන තුරු අපි පිළිගන්නේ නෑනේ. නිල විපක්ෂයක් තිබෙද්දී ජනතාව අපෙන් ප්‍රශ්න කරයි විපක්ෂයක් ගැන කියනවා. විපක්ෂ නායකයෙක් ගැන කියනවා. ඒකාබද්ධ විපක්ෂයක් ගැන කියනවා. මාධ්‍යයේ වගකීම මොකක්ද කියලා ප්‍රශ්න කරයි.
ප්‍රශ්නය - මාධ්‍යවේදීන්ට ඇතිවන වෙනත් ගැටළු වෙනුවෙන් උදාහරණයක් ලෙස ප්‍රවෘත්ති සාකච්ඡා කැඳවා මාධ්‍යවේදීන්ට නිසි ගෞරවය සැලකිල්ල නොදීම වගේ කාරණා සම්බන්ධයෙන් ඔබතුමා ඉදිරියේදී මැදිහත් වෙනවාද?
පිළිතුර - ඔව් අනිවාර්යයෙන්ම. මම කැමතියි සුහදව ඔබ සමග වැඩ කරන්න. මාධ්‍ය ක්ෂේත්‍රයේ කටයුතු සම්බන්ධයෙන් මම උපකාර කරනවා. ඒ සම්බන්ධයෙන් බලධාරීන් සමග සාකච්ඡා කර පියවර ගන්නවා.
ප්‍රශ්නය - ‘යහපාලනය‘ කියන වචනයත් එහෙම එකක් නේද? ඒක ගැන ඔබතුමා මොකද කියන්නේ?
පිළිතුර - යහපාලනයත් ප්‍රශ්න කරන්න. මාධ්‍යයෙන් යහපාලනයත් පුළුවන් තරම් ප්‍රශ්න කළ යුතුයි. එවිට තමයි නියම යහපාලනය ඇති කරන්න පුළුවන් වෙන්නේ.
උතුරු මැද පළාතේ හිටපු ආණ්ඩුකාර මහීපාල හේරත් මහතා ඔහුගේ ධුරකාලයේ සිය බලතල අවභාවිතා කරමින් සිය බිරිදගේ නමට අනුරාධපුර වැව් රක්ෂිතයක පර්චස් 40 ක වටිනා ඉඩම
කොළඹ නව මැගසින් බන්ධනාගාරයේ රැඳවියන් වෙත ජංගම දුරකථන සැපයීමේ චෝදනාව මත එහි ප්රධාන ජේ‍රල්වරයාගේ සහ ගබඩා භාරකරු ලෙස කටයුතු කළ නියාමකවරයාගේ වැඩ තහනම්
අඟුණකොලපැලැස්ස බන්ධනාගාරයේ රැඳවියෙකු අද (5) තවත් රැඳවියෙකුට පිහියකින් පහරදි තුවාල සිදුකර ඇතැයි දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාරයාලය ප
හාලිඇල වැලිමඩ මාර්ගයේ 100 වන කිලෝමීටර් කණුව ආසන්නයේ අද (05 ) පස්වරුවේ සිට නාය යෑමක් සක්‍රීය වෙමින් පවතින බව මාර්ග සංවර්ධන අධිකාරියට අයත් බදුල්ල විධායක ඉංජ
ඉදිරි වසර පහ තුළ ග්‍රාමීය ජනතාවගේ දුගීභාවය තුරන් කිරීම, ග්‍රාමීය ජනතාවගේ ආර්ථිකය සහ සමාජයීය තත්ත්වය ඉහල නැංවීම රජයේ ප්රධාන අරමුණක් වන බව ජනාධිපති අන
මහ මැතිවරණයේ පූර්ව ප්‍රචාරක කටයුතු සමස්තයක් ලෙස ඉතාම සාමකාමී බව මැතිවරණ නිරීක්ෂකයෝ පෙන්වා දෙති
2024 ඔක්තෝබර් මස 18
419
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
2024 සැප්තැම්බර් මස 21
703
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
‘යහපාලනයත් ප්‍රශ්න කරන්න‘
සෙනෙවි Friday, 29 April 2016 01:18 PM
එතකොට ඔය හදල තියෙන ජාතික ආණ්ඩුව කියන එක නෛතිකව නිවැරදිද ? (ර)
බෙනට් Friday, 29 April 2016 02:25 PM
ප්‍රශ්නයක්නො වුනොත් විතරක් නිවේදන .. නැත්නම් ඔක්කොම නියෝග ..නිවේදන කරන්නේ නිවේදකයෝ නේ .. අපි නම් දන්නේ මාධ්‍ය ලේකම් ඉන්නේ නියෝග කරන්නයි කියලයි ..(බ)
බෙනට් Friday, 29 April 2016 02:29 PM
එහෙමනම් ඉතින් ඔයා හෙටම නිවේදනයක් නිකුත් කරන්න ජාතික ආණ්ඩුව කියන එකත් නවත්වන්න කියල .. මොකද එ්කත් නමක් විදියට ලියාපදිංචි වෙලා නැහැනේ ..(බ)
දීප්ති Friday, 29 April 2016 04:15 PM
මේ කොහෙන් ගෙනල්ල දාපු කෙනෙක්ද..? තමුන්ගේ දැනුමට නොගැලපෙන තනතුරු දුන්නම ඕක තමයි වෙන්නේ. (බ)
සරුන් Saturday, 30 April 2016 05:45 PM
දැන් වචන භාවිතා කරන්නත් නීතිමය අධිකරණ අවසරයක් ගන්න ඕනෑද? අපි හිතා හිටියේ භාෂාව කියන්නේ ජන භාවිතාව අනුව වෙනස්වෙන දෙයක් කියලල්යි. (නි)
කස්තුරි Saturday, 30 April 2016 07:33 PM
මේ මහත්තුරු කියනවා. අපි අහනවා. රට තවම එතනමයි (නි)
සම්පත් Friday, 29 April 2016 05:29 PM
විප්ලවය කියන වචනය ජනවාරි 8 වෙනිදා සිදුවුණා දේශපාලනික වෙනසට ගැළපෙනවද? (ර)
ටෙනිසන් Saturday, 30 April 2016 11:02 PM
යහපාලනය ගැන අහපු එකෙන් නම් හීන්සීරුවේ ලිස්සලා ගියා නේද? (නි)
ජනක Friday, 29 April 2016 09:52 PM
බෝපගේ මහතාණනි. උගතෙක්, බුද්ධිමතෙක් සහ අද්දැකීම් බහුල පරිනත සමාජ ක්රියාදරයෙකු ලෙස ඔබට මීට වඩා කරන්න බොහෝ දේ ඇත. (ර)
ආර්. වික්‍රම Saturday, 30 April 2016 01:45 AM
ඒකාබද්ධ විපක්ෂයේ නම ඇහෙනකොටත් සමහරුන්ට හොඳටම රිදිලා වගේ! (නි)
යෙනුර Saturday, 30 April 2016 02:22 AM
ඒකාබද්ධ විපක්ෂය කියන එක පිළිගන්නවද නැද්ද කියලා මෙයාලට කියන්න බැහැ. මෙයාලට තේරෙන්නේ නැත්තේ තමුන්ට අයත් රාජකාරිය මොකක්ද කියන එකයි. (නි)
කමල් Saturday, 30 April 2016 03:40 AM
එකල ජන සතුරන් සියල්ල නැවතත් කරළියේ. මහින්ද එළෙව්වාට ඔක්කොම හරිගියේ නැත. අවවර්ධිත සමාජ දේශපාලනය තුළ මෙවන් නාටක නැවත නැවතත් දැකීම මිස ඊනියා බලපෑම් කණ්ඩායම් වලට කළහැකි යමක් නැත. (නි)
සුමනසිරි Saturday, 30 April 2016 04:52 AM
එ්ක ඔයාගේ පුද්ගලික මතය නම්, කියන්න තිබුනේ ඔයාගේ කෙනෙකුටනේ. මාධ්‍ය සහ සාමාන්‍ය ජනතාව කියන්නේ මෝඩයෝ කියලද හිතන්නේ? (නි)
ජයනාත් Saturday, 30 April 2016 05:23 AM
සමහරු ඉල්ලන් කන කෑමේ හැටියට අපිට නම් දුකයි (නි)
නිහාල් Friday, 29 April 2016 12:51 PM
සිදුවේගෙන යන දේවල් දැක්කම ඒකාබද්ද විපක්ෂෙට සෑහෙන බයකින් ඉන්නේ කියල පෙනෙනවා. (බ)
ටිරෝන් Saturday, 30 April 2016 09:22 AM
කතා විතරයි හැමෝගෙම (නි)
සරත් Saturday, 30 April 2016 09:23 AM
මේ වගේමද අනික් ලේකම්වරුත්? ආණ්ඩුව යන ගමන හිතාගන්න පුළුවන්. (නි)