ඇය ජාතික ජනමාධ්ය සම්මාන උලෙළේදී පුරා වසර පහක් හොඳම නිවේදිකාව බවට පත්වූවාය. පිපෙන කුසුම්, නෙළුම් පොහොට්ටු, ශ්රී මංසල, හින්දි ටොප් ටෙන්, ඇන්ටන් ටොප් චාට්, සිහින මන්දිරය, ශ්රී රශ්මි, ශ්රී එෆ් එම් තරුවක් සමග වරුවක් වැනි වැඩසටහන් රැසකට නිවේදනයෙන් දායක වූ ඇය භාෂීණී සමරසිංහයි. ඇගේ මව රත්නා සමරසිංහ ප්රවීණ නිවේදිකාවක් සහ ගුවන් විදුලියේ ජ්යෙෂ්ඨ සංවිධායකවරියක ලෙස කටයුතු කර තිබේ. එමෙන්ම ඇය ප්රවෘත්ති සහ වෙළෙඳ දැන්වීම් නිෂ්පාදිකාවක් ලෙසද කටයුතු කර තිබේ. ඇගේ පියා පාලිත සමරසිංහ ගුවන්විදුලි සංස්ථාවේ හිටපු අධ්යක්ෂකවරයෙකි. ඔවුන් දෙදෙනාගේ ආභාසයත් සමගින් ගුවන්විදුලියට පිවිසෙන භාෂිණී මේ වන විට ශ්රී එෆ් එම් නාළිකාවෙහි වැඩසටහන් කළමනාකාරිනියක ලෙස කටයුතු කරයි. මේ ඇය සමග කළ කතාබහක සටහනකි
මම පවුලේ එකම දරුවා. ගුවන්විදුලියේ තමයි කුඩා කල සිටම හැදුණේ වැඩුණේ. නිරායාසයෙන්ම අවුරුදු තුනේ සිටම වැඩසටහන්වලට එකතු වුණා. පසුව ප්රේමකීර්ති අංකල් මාව වාර්තා වැඩසටහකට සම්බන්ධ කරගත්තා. මං පාසල් ගියේ කොළඹ විශාඛා විද්යාලයට. ඉතින් මං හැමදාම සුගතපාල අංකල්ගෙ නාට්යවලට සහ මගේ අම්මගේ වැඩසටහන්වලට කුඩා කල සිටම සම්බන්ධ වුණා. පසුව ඒ ශ්රේණියේ ළමා ශිල්පිනියක් වුණා. පාසල් යන කාලයේ තමයි මං සවනට සම්බන්ධ වෙන්නෙ. අනතුරුව සවන සහ ගුවන්විදුලියෙන් දෙකෙන් එකක් තෝරගන්න වුණා. පසුව මම සවනට සම්බන්ධ වුණා. සවන ශ්රී වුණා. ශ්රී එෆ් එම් හි දැන් අවුරුදු ගාණක් පුරා මං ඉන්නවා.
නිවේදිකාවක් විදියට මේ ආපු ගමන්මග පිළිබඳව තෘප්තිමත්ද?
මං අම්මිගෙනුයි තාත්තිගෙනුයි ඉගෙන ගත්ත දෙයක් තමයි මාධ්ය ක්ෂේත්රයේ ඉන්නව නම් අපි හැම තිස්සෙම අලුත් දේවල් හොයන්න ඕන කියන දේ. තෘප්තිමත් කියල නම් කියන්න බෑ. අද තියෙන තත්ත්වය නෙවෙයි හෙට තියෙන්නෙ. හෙට තියෙන තත්ත්වය නෙවෙයි අනිද්ද තියෙන්නෙ. හැමදේම වෙනස් වෙනවා. හැම අතින්ම වෙනස් වෙන කාලෙක ගවේෂණාත්මක වෙන්න ඕන. හැමතිස්සෙම ඉගෙන ගන්න දෙයක් අපිට තියෙනවා. හැමදෙයක්ම ග්රහණය කරගෙන විශ්වකෝෂයක් වගේ ඉන්නව නම් කියන්න පුළුවන් තෘප්තිමත් කියල.
ඉදිරි සැලසුම් මොන වගේ වෙයිද?
මං මාර විදියට සැලසුම් කරන කෙනෙක්. කාලයක් විශ්වකෝෂ හදාගෙන හදාගෙන ගියා. තවත් කාලෙක සංගීතය ගැන මාර විදියට හෙව්වා. ඊට පස්සෙ ඉතිහාසය ගැන හෙව්වා. මම චිත්රපට පිස්සෙක්. පොත් කියවන්න සහ හුදෙකලාව ඉන්න කැමති කෙනෙක්. රට රටවල්වල යන්නත් ආසයි. ඒවා මගේ අම්මිගෙනුයි තාත්තිගෙනුයි ආපු දේවල්. අපේ ගෙදර වැඩිපුරම තිබුණේ පොත්. මගේ තාත්තිගෙ ධනය තමයි පොත්. මං එදා මෙදාතුර එකතු කළේ ෆිල්ම්. අපේ අම්මි ආස ඉතිහාස කතන්දර. මගේ ඉදිරි සැලසුම් තමයි ලෝකෙ දිහා බලල ගවේෂණාත්මකව හා වින්දනාත්මකව සතුටින් ඉන්න. ඒ වගේම තමයි බීබීසී ශිෂ්යත්ව දෙකක් මට අහිමි වුණා. ඉදිරි මාස කිහිපයේදී එය යළි ලබාගන්න අපේක්ෂාවෙන් ඉන්නවා. රොකට් හදන්න වගේ සමහර පිස්සු හීනත් තියෙනවා.
සියලුම හිටපු අමාත්යවරුන්ට රාජ්ය අමාත්යවරුන්ට සහ පාර්ලිමේන්තු මන්ත්රීවරුන්ට නිකුත් කර තිබූ රාජතාන්ත්රික ගමන් බලපත්ර (deplomatic passport) පාර්ලිමේන්තුව ව
ශ්රී ලංකන් ගුවන් සේවයේ කොටස් අවම වශයෙන් සියයට 51 ක් විකුණා දැමීමට පසුගිය රජය ක්රියාත්මක කළ සැලැසුම අත්හැර දැමීමට ජනාධිපති අනුර කුමාර දිසානායක මහතා ප
පාර්ලිමේන්තු මන්ත්රීවරුන්ගේ තීරු බදු රහිත වාහන බලපත්ර අහෝසි කිරීම සහ මන්ත්රී විශ්රාම වැටුප අහෝසි කිරීම සම්බන්ධයෙන් සොයා බලා නිර්දේශ ඉදිරිපත් ක
ඔක්ටේන් 92 පෙට්රල්, ඩීසල් සහ භූමිතෙල් මිල අද (30) මධ්යම රාත්රීයේ සිට පහළ දැමූ බව ලංකා ඛනිජ තෙල් සංස්ථාව නිවේදනය කළේය.
යුක්ක්රේන, බල්ගේරියන් හා ඉන්දීය ජාතික සයිබර් අපරාධකවන් විශාල ප්රමාණයක් සංචාරකයින් ලෙස මෙරටට ඇතුළු වී සිදු කරන මුදල් වංචා හේතුවෙන් මෙරට බැංකු පද්ධ
ලෙබනනයේ සහ සිරියාවේ මතුව ඇති අවිනිශ්චිත තත්වය හේතුවෙන් එම රටවල සංචාරය කිරීමෙන් වළකින්නැයි විදේශ කටයුතු අමාත්යාංශය එම රටවල් පිළිබඳ සංචාරක උපදේශනය ය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රොකට් හදන්න හීන දකින භාෂිණී