(නිමල කොඩිතුවක්කු)

නිරෝධායන ඇදිරි නීතිය ඉවත් කර රට විවෘත කළත් පෞද්ගලික බස් රථ වලින් ධාවනය කළ හැක්කේ 25% ක පමණ තරම් ප්‍රමාණයක් පමණක් බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසීය.

විශාල බස්රථ රථ ප්‍රමාණයක් අලුත්වැඩියා කිරීමට සිදුවීමත්, ඇතැම් බස් රථ හිමියන්ට ඉන්ධන ලබා ගැනීමට වත් මුදල් නොමැතිවීම මෙම තත්ත්වයට හේතු වී ඇතැයිද විජේරත්න මහතා සදහන් කළේය.

ඒ අනුව විසි දහසක් පමණ වන පෞද්ගලික බස් රථ වලින් ධාවනය වනු ඇත්තේ 5000 කටත් අඩු බස්රථ ප්‍රමාණයක් බවත් ඔහු පැවසීය.

බස් රථ හිමියන් සහ බස් රථ සේවකයන් රජයෙන් කඩිනම් සහනයක් අපේක්ෂා කරන බවත් ගැමුණු විජේරත්න මහතා වැඩිදුරටත් කියා සිටියේය.