වේල්ස්’හි පැවැති ‘වේල්ස්’ අන්තර්ජාතික බැඩ්මින්ටන් තරගාවලියේ පිරිමි කේවළ ඉසව්වේ රන් පදක්කම දිනා ගැනීමට ශ්‍රී ලංකා කී‍්‍රඩක නිලූක කරුණාරත්න සමත්විය. නිලූක විදෙස් තරග සංචාරයේදී අන්තර්ජාතික තරගාවලි හතරකට සහභාගිවී තරගාවලි තුනකම රන් පදක්කම් දිනා ගැනීමට සමත්ව සිටියි. නිලූකගේ මෙම දස්කම ශ්‍රී ලංකා බැඩ්මින්ටන් ක‍්‍රීඩකයකු හෝ ක‍්‍රීඩිකාවක් විදෙස් තරග සංචාරයකදී දැක්වු හොඳම දක්‍ෂතාව ලෙස ද වාර්තාවේ. මෙම තරග සංචාරයට පෙර බැඞ්මින්ටන් ලෝක ශ්‍රේණිගත කිරීමේ (කී‍්‍රඩක* 165 වැනි ස්ථානයේ සිටි නිලූක මේ වන විට ශ්‍රේණිගත කිරීමේ 87 වැනි ස්ථානය දක්වා ඉදිරියට පැමිණ සිටියි. වේල්ස් තරගාවලිය ජය ගැනීම නිසා ඔහුට ශ්‍රේණිගත කිරීමේ 70 ත් 80 ත් අතර ස්ථානයකට ඒමේ අවස්ථාව හිමිවන බවද වාර්තාවේ. අවසන් මහා තරගයේදී බැඩ්මින්ටන් ක‍්‍රීඩාවෙන් ලොව ඉදිරියෙන්ම සිටින රටක් වන මලයාසියාවේ කී‍්‍රඩක චොන්ග් චී ලොක් වට තුනක තියුණු තරගයකින් පසුව පරදවා නිලූක වේල්ස් තරගාවලිය ජය ගත්තේය. එහිදී නිලූක 21/16, 18/21 සහ 21/19 ක් ලෙස තරග ජය ලැබීය. මෙම තරගාවලියට නිලූකගේ සොහොයුරු දිනුක කරුණාරත්න ද සහභාගි වු අතර ඔහු අවසන් පුර්ව වටයේදී චොන්ග් චී ලොක් හමුවේ පරාජයට පත්විය. ඇමරිකාවේ පැවැති ‘බිල් ග‍්‍රැහැම් මියාමි’ අන්තර්ජාතික බැඞ්මිටන්ටන් තරගාවලිය, පුවර්ටෝ රිකෝ’හි පැවැති ‘පුවර්ටෝ රිකෝ’ අන්තර්ජාතික බැඩ්මින්ටන් තරගාවලිය නිලූක රන් පදක්කම් දිනා ගත් තරගාවලි වේ. ස්කොට්ලන්තයේ පැවැති ‘ස්කොටිෂ් අන්තර්ජාතික විවෘත’ බැඞ්මින්ටන් තරගාවලියේ පිරිමි කේවළ ඉසව්වේ අවසන් ක‍්‍රීඩකයන් අට දෙනා අතරට ඒමට හෙතෙම සමත්විය.