(දයාරත්න ඇඹෝගම)

කහටගස්දිගිලිය පොලිස් වසමේ පුහුල්දිව හන්දිය ආසන්නයේදි වෑන් රථයක් හා ත්‍රී රෝදයක් එකිනෙක ගැටිමෙන් ත්‍රී රෝද රියදුරා මිය ගොස් තවත් දෙදෙනෙකු බරපතල තුවාල ලබා රෝහල් ගතකළ බව කහටගස්දිගිලිය පොලිසිය කියයි.

මෙම අනතුරින් මිය ඉගොස් ඇත්තේ වටරැක්කාව,කහටගස්දිගිලිය යන ලිපිනයේ පදිංචි ඒ.ආරියරත්න(65) නැමති ත්‍රී රෝද රථ රියදුරෙකි.

එම ත්‍රී රෝද රථයේ ගමන්ගත් අරනායක පදිංචි වයස අවුරැදු 28 හා 56 හැවිරිදි වියේ පසුවන පුද්ගලයන් දෙදෙනෙකුද බරපතල තුවාල ලබා ප්‍රතිකාර සදහා අනුරාධපුර ශික්ෂණ රෝහලට ඇතුලත් කොට තිබේ.

අනුරාධපුර සිට කහටගස්දිගිලිය ප්‍රදේශයට ධාවනය වු වැන් රථයේ වේගය රියදුරාට පාලනය  කරගත නොහැකිව ඉදිරිපසින් පැමැණි ත්‍රී රෝද රථයේද ගැටි මාර්ගයෙන් ඉවතට පැන ඇතැයි පොලිසිය කියයි.